სამსახურის ძებნის სტრატეგიები

ეფექტური სტრატეგიები გადამწყვეტია დასაქმებისათვის. კვლევებმა აჩვენა, რომ ნებისმიერ სფეროში დასაქმებისათვის ყველაზე ეფექტური გზა არის ინტერნეტ რესურსების გამოყენება. სწორედ მისი საშუალებით შეგიძლიათ გაითვალისწინოთ შემდეგი რჩევები:

1.  განსაზღვრეთ უნარები და შესაძლებლობები.

ძლიერი მხარეებისა და უნარების განსაზღვრა დაგეხმარებათ თქვენი შესაძლებლობები ეფექტურად მიმართოთ.  რისი გაკეთება შეგიძლიათ? და რისი გაკეთება გსურთ? ამ კითხვებზე გულწრფელი პასუხების გაცემა პირველი ნაბიჯია იქ,  სადაც თქვენს პროდუქტიულობას მაქსიმალურად გამოავლენთ.

2. განსაზღვრეთ კომაპანიები, რომლებიც თქვენთვის საინტერესოა.

შექმენით კომპანიების სია, სადაც გსურთ მუშაობა. ამ კომპანიების შესარჩევად შეგიძლიათ მეგობრებსა და კოლეგებს სთხოვოთ რჩევა. სიის შედგენის შემდეგ, მოიპოვეთ ინფორმცია მათ შესახებ: პირველ რიგში  ეწვიეთ ვებსაიტს და გადადით განყოფილებაში ,,ჩვენს შესახებ“.  შეამოწმეთ ახალი ამბები უახლეს მოვლენებთან დაკავშირებით ინფორმაციის მისაღებად. მოპოვებული ინფორმაცია შემდეგში გასაუბრებაზეც დაგეხმარებათ, საკუთარი და კომაპნიის ინტერესების ერთმანეთთან  დასაკავშირებლად. გამოიყენეთ სოციალური ქსელები Facebook და LinkedIn, თანამშრომლებთან დამოკიდებულების შესამოწმებლად. აღნიშნული კვლევა სიას შეამოკლებს და უფრო კონკრეტულს გახდის. რეგულარულად ეწვიეთ კომპანიის ვებსაიტს, ზოგიერთი კომპანია ვაკანსიებს არ აქვეყნებს დასაქმების საიტზე, მაგრამ  შეიძლება საკუთარ ვებსაიტზე გამოაქვეყნოს. ამ გზით შეამჩნევთ, თუ პოზიცია მოულოდნელად გახდება ხელმისაწვდომი.

 3. გამოიყენეთ სოციალური ქსელები.

სამიზნე აუდიტორიასთან დასაკავშირებლად საუკეთესო გზა LInkedIn პროფილის გამართვაა. LinkedIn  დასაქმებაზე ორიენტირებული სოციალური ქსელია, რომლის სამუშაოს ძებნის ფუნქციაც  ამარტივებს დასაქმებას. მნიშვნელოვანია, რომ საინტერესოდ წარმოაჩინოთ საკუთარი თავი: განსაზღვრეთ თქვენ ინტერესები, ჩამოაყალიბეთ მიღწევები, უნარ-ჩვევები და მიზნები, ეცადეთ დაუკავშიროთ თქვენს სასურველ საკადრო პოზიციას. 

სოციალური ქსელები კარგი საშუალებაა დაუკავშირდეთ იმ ადამიანებს, რომლებიც თქვენთვის სასურველ კომპანიაში მუშაობენ. შეგიძლიათ კომპეტენტურ ადამიანებს სთხოვოთ რჩევაც. ადამიანებს მიდრეკილება აქვთ  სრულად გასცენ პასუხი, როდესაც რჩევის მიცემას სთხოვენ. ამის უპირატესობა ის არის, რომ თქვენ შეძლებთ მიიღოთ სამსახური, რომელიც ესადაგება თქვენს მიზნებსა და მიღწევებს.

 4. რეზიუმე.

რეზიუმე არის სამუშაოს ძიების აუცილებელი ინსტრუმენტი და ის უნდა იყოს, როგორც ინფორმატიული, ისე აქტუალური, რომ სწორი შთაბეჭდილება მოახდინოს. მნიშვნელოვანია, თითოეული კომპანიისა და თანამდებობისათვის შექმნათ მათზე  მორგებული  რეზიუმე და მოთხოვნის შემთხვევაში სამოტივაციო წერილი. მოამზადეთ რეზიუმე თქვენი მიღწევებისა და შესაბამისი გამოცდილების ხაზგასმით. ჩართეთ საკვანძო სიტყვები სამუშაოს აღწერილობიდან იმ პოზიციისთვის, რომელზეც განაცხადებთ.  

რჩევები, რომლებიც უნდა გაითვალისწინოთ რეზიუმეს შექმნისას:

• რეზიუმე უნდა იყოს  მარტივად წასაკითხი;

• გამოცდილება, განათლება და უნარები, არ უნდა აღემატებოდეს 6-6 პუნქტს;

• სასურველია, მაქსიმალური მოცულობა-2 გვერდი.

• უნდა იყოს მკაფიო ფორმატი;

• გრამატიკულად გამართული;

• დაალაგეთ ქრონოლოგიურად უახლესიდან ყველაზე შორეულ გამოცდილებამდე. სასურველია, მიუთითოთ დაწყებისა და დასრულების თრიღებიც. 

• ძირითადად რეზიუმე შედგება: ზოგადი პერსონალური ინფორმაციის; უნარებისა და   შესაძლებლობის; სამუშაო გამოცდილების; განათლებისა და ინტერესებისაგან.

5. დასაქმების საიტი.

საქართველოში ერთ-ერთი ყველაზე მარტივი და გავრცელებული სტრატეგია სამსახურის პოვნისათვის დასაქმების საიტებია, სადაც სხვადასხვა ვაკანსიებია განთავსებული. ერთ-ერთი მათგანია სიტყვა და საქმის ციფრული პროექტია- ss.ge/jobs, რომელიც დასაქმების მსურველთა ინტერესებსა და კომფორტზე მაქსიმალურადაა მორგებული. საიტს 35 000-მდე ვიზიტორი ჰყავს ყოველდღიურად, რაც ამარტივებს განცხადების გავრცელებას. მაგალითად, სამსახურის მაძიებელს შეუძლია შეავსოს საიტზე არსებული რეზიუმეს ფორმა, ატვირთოს საიტზე და დაელოდოს დამსაქმებლის შემოთავაზებას. სხვა შემთხვევაში, ასევე შეუძლია თავად იპოვოს სასურველი ვაკანსია და უკვე შექმნილი რეზიუმე გადაუგზავნოს დამსაქმებელს მითითებულ იმეილზე. შესაძლებელია განცხადების დამოუკიდებლად მართვაც, რაც დასაქმების პროცესს ამარტივებს და აჩქარებს: დამატებითი სერვისების საშუალებით; მონაცემებით თუ რამდენმა ადამიანმა ნახა თქვენი განცხადება; რამდენი ინტერესდება განცხადების შესაბამისი კატეგორიით;...

რადგან ზოგიერთისათვის ინტერნეტ რესურსები, ნაკლებად გამოყენებადია, ss.ge/jobs ერგება მათ ინტერესებსაც და უზრუნველყოფს განცხადებების გადატანას გაზეთში ,,სიტყვა და საქმე”. 

6. გასაუბრება.

გასაუბრება არის ბოლო ნაბიჯი, რომელიც უშუალოდ განაპირობებს დასაქმებას. დაუთმეთ დრო მომზადებას. გასაუბრებაზე წასვლამდე გამოიკვლიეთ კომაპნია, გაეცანით მის მიღწევებს, ჩაიცვით სათანადოდ, ივარჯიშეთ ინტერვიუს მოსალოდნელ კითხვებზე, შეეცადეთ მოახდინოთ შთაბეჭდილება ინტერვიუერზე თქვენი უნარებით, გამოცდილებითა და თავდაჯერებული პასუხებით.

მნიშვნელოვანია ინტერვიუს დასრულების შემდეგ, მადლობა გადაუხადოთ ყველას, ვისთანაც გასაუბრება გქონდათ. გამოიყენეთ თქვენი მადლობის წერილი, როგორც შესაძლებლობა, განამტკიცოთ თუ რატომ ხართ ამ თანამდებობის საუკეთესო კანდიდატი. კანდიდატები, რომლებიც აგზავნიან მადლობის წერილს, უფრო ხშირად იღებენ სამუშაოს.

7. უარყოფითი პასუხი.

განაცხადის გაგზავნის ან გასაუბრების შემდეგ უარყოფითი პასუხის მიღება ნორმალურია. გაუმკლავდეთ ამას რაც შეიძლება პოზიტიურად. უარყოფითი პასუხის შემდეგ თხოვეთ დამსაქმებელს უკუკავშირი, გამოიყენეთ ეს შესაძლებლობა საკუთარი უნარების გასაუმჯობესებლად. 

ერთ-ერთი ყველაზე ღირებული სტრატეგია, რომლის გამოყენებაც შეგიძლიათ არის დარწმუნება, რომ გამოირჩევით სხვა კანდიდატებისაგან. თავდაჯერებული ნაბიჯები აჩვენებს პოტენციურ დამსაქმებელს, რომ ხართ კანდიდატი, რომელიც თანმაშრომლობისთვის უნდა აირჩიონ.