საშობაო პერიოდში მოთხოვნადი ვაკანსიები

შობა-ახალი წელი დატვირთული გრაფიკითა და ახალი წლის გეგმებითაა სავსე, მაგრამ როგორ შეგიძლიათ გამოიყენოთ ეს სადღესასწაულო სეზონი საუკეთესო დასაქმების შესაძლებლობად?

სადღესასწაულო სეზონი სხვადასხვანაირად მოქმედებს ბიზნესზე, ზოგიერთი კომპანიისთვის შეიძლება იყოს წლის ყველაზე დატვირთული დრო. ამის საპირისპიროდ კი  ზოგისთვის-ყველაზე წყნარი პერიოდი.  მიუხედავად ამ მდგომარეობისა ეს წელიწადის საუკეთესო დროა  ახალი შესაძლებლობების აღმოსაჩენად. სტატიაში გიზიარებთ რამოდენიმე სამუშაო პოზიციას რომელზე მოთხოვნაც საახალწლო პერიოდში განსაკუთრებით მაღალია:

კურიერი

დეკემბერი არის წლის ყველაზე დატვირთული და სტრესული პერიოდი. ამ მდგომარეობის თავიდან ასაცილებლად ადამიანების უმეტესობა შოპინგს ონლაინ რეჟიმში ამჯობინებს, რაც შეფერხებებს იწვევს. სადღესასწაულო პერიოდში კურიერების დატვირთვა ხშირად ორჯერ და სამჯერ იზრდება, ამიტომ ამანათები ხშირად დანიშნულების ადგილამდე მისვლას იგვიანებს. ამ პრობლემის თავიდან ასაცილებლად და მომხმარებელთა კმაყოფილების შესანარჩუნებლად კომპანიები მოკლე ვადით დამატებით პერსონალს იყვანენ.

საფოსტო ოფისის დამხმარე

სადღესასწაულო პერიოდი განსაკუთრებით დატვირთულია საფოსტო ოფისებისთვის. გზავნილებზე მაღალი მოთხოვნა საჭიროებს სწრაფ რეაგირებას, რადგან ჩაუბარებელი ამანათები უკან ბრუნდება. ამიტომ სერვისცენტრის ეფექტური ფუნქციონირებისა და საფოსტო გზავნილების დროული ჩაბარებისათვის ისინი ხშირად იღებენ სამსახურში სარეზერვო კადრებს.

ტურისტული გიდი

საქართველოში უამრავი ტურისტი ჩამოდის ზამთრის პერიოდში, რაც ზრდის ტურისტული გიდის  მოთხოვნას.  თუ მოგწონთ მგზაურობა და ამასთანავე იცით რომელიმე უცხო ენა სრულყოფილად, ეს შესანიშნავი შესაძლებლობაა სეზონური გიდის კარიერის დასაწყებად. ამ სამუშაოს შესასრულებლად დაგჭირდებათ ძირითადი ცოდნა ადგილობრივი ისტორიული ადგილების, ეროვნული პარკების და სხვადასხვა ადგილების შესახებ. ასევე კარგი ინტერპრეტაციის უნარი მოგცემთ დამატებით უპირატესობას.

კლიენტთა მომსახურება

შობა-ახალი წელი დატვირთული პერიოდია კლიენტთა მომსახურების წარმომადგენელი კომპანიებისათვის. გაზრდილი გაყიდვები გულისხმობს გაზრდილ მოთხოვნას, რაც საჭიროებს თანამშრომელთა შტატის გაფართოებას. ამიტომ ეს არის შესანიშნავი შესაძლებლობა, რომ მიიღოთ სამსახური მომსახურების სფეროში.

გარდა ამისა, ყოველწლიურად უამრავი სეზონური მაღაზია იხსება, როგორც სხვადასხვა ქალაქებში, ისე საკურორტო ზონებში. ამიტომ დამატებით შემოსავლისთვის და გარკვეული უნარ-ჩვევის შესაძენად კლიენტთა მომსახურების სფერო კარგი ადგილია.

თხილამურების ინსტრუქტორი

ტუროპერატორები თავიანთ  მომხმარებლებს ხშირად თავაზობენ სრულ მომსახურებასა და კომფორტს. სწორედ ამ კომფორტის შესაქმნელად ისინი თანმაშრომლობენ თხილამურების ინსტრუქტორთანაც, რომელიც სურვილის შემთხვევაში მომხმარებლებს ჩაუტარებს გაკვეთილს თოვლზე თხილამურებით სრიალის შესახებ. გარდა ტუროპერატორთან თანამშრომლობისა, ამ სფეროს სპეციალისტებს დამოუკიდებლად შეუძლიათ უზრუნველყონ მსგავსი მომსახურება საკურორტო ზონებში დამსვენებლებზე.

ციფრული პროფესიები

მართალია ციფრული პროფესიები ყოველთვის დიდი აქტუალურობით სარგებლობს, თუმცა საშობაო პერიოდში ეს მოთხოვნა კიდევ უფრო გაზრდილია. გაყიდვებში მოღვაწე ყველა კომაპნია სადღესასწაულო პერიოდში სხვადასხვა შეთავაზებებს აწვდის მომხმარებლებს. ამ შეთავაზებას კი სჭირდება სათანადოდ შეფუთვა განსაკუთრებული პოსტერით, სწორედ დაწერილი ტექსტითა და სხვა საშუალებებით. ამიტომ იზრდება მოთხოვნა გრაფიკულ დიზაინერებზე, ქოფირაითერებზე, ციფრული მარკეტინგის სპეციალისტზე და სხვა ციფრული პროფესიების წარმომაგდენლებზე.

მოხალისეები

სადღესასწაულოდ ბევრი კომპანია ქმნის მოხალისეობრივ შესაძლებლობებს, რათა დაეხმაროს საზოგადოებას სხვადასხვა გზებით. ახალი წლის დღეებში მოხალისეობრივი საქმიანობა ძირითადად გულისხმობს  ბავშვებისა და მოხუცების დახმარებას. მოხალისეობრივი  საქმიანობა  შესაძლოა გამოგადგეთ კარიერაშიც, რათა საკუთარი გამოცდილებით კონკურენცია გაუწიოთ სხვა ადამიანებს.

არსებობს რამოდენიმე მიზეზი, თუ რატომ უნდა დაიწყოთ მუშაობა დროებით სამსახურში:

• დროებითი პოზიციები გაძლევთ საშუალებას ნახოთ, თუ როგორ მუშაობს სხვადასხვა დაწესებულება.  გექმნებათ შესაძლებლობა განსაზღვროთ, თუ რა სახის კორპორატიულ კულტურში, მენეჯმენტის სტილსა და ფიზიკურ გარემოში მოგწონთ მუშაობა.

• დროებითი სამსახური შესანიშნავი გზაა სამუშაო გამოცდილების, უნარებისა და დამატებითი შემოსავლის მოსაპოვებლად.  

• არ არსებობოს გამოსაცდელი პერიოდი და გრძელვადიანი ვალდებულება, შესაბამისად შეგიძლიათ სცადოთ სრულიად ახალ გარემოში მუშაობა.

• კონკრეტული დროებითი სამუშაო შეიძლება ზუსტად არ ემთხვეოდეს თქვენს დაგეგმილ კარიერულ გზას, მაგრამ მოგცემთ ახალ უნარებს.

• კურსდამთავრებულები, რომლებიც ცდილობენ შეუერთდნენ მსხვილი საცალო ვაჭრობას, ექნებათ გამოცდილება დაბალ პოზიციაზე მუშაობის, რაც მომავალში განამტკიცებს მათი ბიზნეს გეგმის სიმტკიცეს.

• მოკლევადიანი სამსახური შესაძლოა გახდეს  მუდმივი სამუშაო ადგილიც. იმ კომპანიაში მუშაობა, რომელშიც გსურთ დასაქმება გრძელვადიან პერსპექტივაში გამოგადგებათ სამუშაო განაცხადში. ეს აჩვენებს, რომ ერთგული ხართ კონკრეტული ბრენდის მიმართ.