ფორმულა 1 არასოდეს არ დაბრუნდება რუსეთში

სამეფო რბოლების თავკაცცმა სტეფანო დომინიკალიმ რუსეთში ფორმულა 1-ის შესაძლო დაბრუნებასთან დაკავშირებით ოფიციალური კომენტარი გააკეთა. „თანხა რომელსაც გვთავაზობდნენ იყო უზომოდ ბევრი, თუმცა არის რაღაცეები რაც განხილვას არ ექვემდებარება. მე ყოველთვის ვამბობ,: არასოდეს თქვა არასოდეს, თუმცა ეს ის შემთხვევაა როცა პირობას გაძლევთ რომ ჩვენ მათთან არანაირ მოლაპარაკებას არ ვაწარმოებთ და ფორმულა 1 აღარასოდეს არ დაბრუნდება რუსეთში" - განუცხადა მან გამოცემას Sport Bild.

როგორც ცნობილია, რუსეთიდან ფორმულა 1-ის სოჭის გრან-პრის მოხსნის შესახებ განცხადება პირველად მარტში გაკეთდა. ჩემპიონატის ამერიკელმა მფლობელმა კომპანიამ Liberty Media რუს პრომოუტერებთან 

კონტრაქტი გაწყვიტა, რომელიც 2025 წლამდე იყო გაწერილი. ამასთან მომდევნო 3 წელი რბოლები „იგორ დრავისის“ ახალ ტრასაზე უნდა გამართულიყო სანქტ-პეტერბურგში.

რუსეთში ფორმულა 1-ის რბოლები 2014 წლიდან ტარდება, თუმცა გეოპოლიტიკური სიტუაციის გამწვავების ფონზე სექტემებრში დაგეგმილი სოჭის გრანპრი გაუქმებულად გამოცხადდა. ამ სპორტიდან მოხსნეს ასევე რუსი პილოტი ნიკიტა მაზეპინი, რომელიც ამერიკული Haas-ის პილოტი იყო. მასთან ამერიკელებმა კონტრაქტი  სეზონის დაწყებამდე რამდენიმე კვირით ადრე 5 მარტს გაწყვიტეს. კონტრაქტი გაწყდა სასპონსორო რუსულ კომპანიასტანაც „Уралкалий“, რომელსაც ამერიკელებმა 13 მილიონი დოლარიც არ დაუბრუნეს, უფრო მეტიც ისინი სპონსორისგან დამატებით 8,7 მილიონ დოლარს ითხოვენ კომპენსაციის სახით.