როგორ შევიძინოთ უძრავი ქონება ბათუმში

ბათუმი იქცა საკურორტო ქალაქად, რომელსაც არამხოლოდ საქართველოში, არამედ უკვე მთელ მსოფლიოში იცნობენ. აქ ყოველთვის ბევრი ტურისტი იყო, ხოლო ახლა მათთან ერთად იმ ადამიანების სიმრავლე იგრძნობა, ვინც თავის თავს ეგრეთ წოდებული ციფრულ მომთაბარედ (Digital nomad) მოიხსენიებს – IT სპეციალისტები და ფრილანსერები, რომლებსაც სურთ რამდენიმე თვის გატარება შავი ზღვის სანაპიროზე. ბათუმი უკვე ფართოდ არის ცნობილი ამ სეგმენტში, რაც უზრუნველყოფს ქალაქსა და მის შემოგარენში საცხოვრებლის გაქირავებაზე სტაბილურ მოთხოვნას.

2022 წლამდე აქ ტურისტული ნაკადის ზრდა წელიწადში დაახლოებით 7%-ს შეადგენდა, ხოლო 2022 წელს საცხოვრებლის ქირაობის მსურველთა რაოდენობა საგრძნობლად გაიზარდა. ბევრი აქ განუსაზღვრელი ვადით გადმოდის ოჯახთან ერთად და ბინას ან კერძო სახლს ქირაობს. მაგრამ ბინების გაქირავების ბაზარზე ყველაზე აქტიური პერიოდი მაისიდან ოქტომბრამდეა, როდესაც ბინების მესაკუთრეთა უმეტესობა ქონებას დამსვენებლებზე აქირავებს.

2018 წლიდან საქართველოს მოქალაქეები და უცხოელები აქტიურად ახორციელებენ ინვესტიციებს ბათუმის მშენებარე კორპუსებში და ახალ შენობებში. 2022 წელს ეს ტენდენცია საგრძნობლად გაიზარდა, რაც ლოგიკურია, რადგან ახლა ყველა, ვინც ბინას ბათუმში ყიდულობს, უფრო მეტ სარგებელს იღებს, ვიდრე წინა წლებში. ბოლოს და ბოლოს, ქალაქი უკვე გახდა IT სპეციალისტებისა და მოგზაურებისთვის ერთგვარი მექა, რომლებიც აქ ყოფილი საბჭოთა კავშირის და მსოფლიოს სხვა ქვეყნებიდან გადმოდიან და დისტანციურად მუშაობენ.

უძრავი ქონების შეძენა ზღვის სანაპიროზე შესანიშნავი არჩევანია მათთვის, ვინც გეგმავს:

• ბინის გაქირავებით მიიღოს შემოსავალი;

• გონივრულად დააბანდოს დანაზოგი;

• გამოიმუშავოს ფული უძრავი ქონების გადაყიდვით.

• გარდა ამისა, ყოველ ზაფხულს შეგიძლია ზღვაზე შენს ბინაში დაისვენო.

ინვესტორებში ბათუმის პოპულარობის ძირითადი მიზეზები:

შავი ზღვის სანაპიროზე არსებული უძრავი ქონება მესაკუთრისთვის შემოსავლის სტაბილური წყაროა. 2020 წელს ბათუმი Forbes-მა ევროპის N1 საუკეთესო საინვესტიციო ქალაქების სიაში შეიყვანა. ყიდვა-გაყიდვის ტრანზაქცია სრულდება ერთ დღეში. ეს შეიძლება გაკეთდეს დისტანციურადაც კი, იმ შემთხვევაში თუ სხვა ქვეყანაში ან ქალაქში იმყოფები. ფასები დოლარშია ფიქსირებული, ამიტომ კურსის რყევები ობიექტის ღირებულებაზე არ აისახება.

საქართველოში ზღვის პირას აპარტამენტებზე მოთხოვნა ახალი ობიექტების მშენებლობას ასტიმულირებს. ამრიგად, დეველოპერებს შორის კონკურენცია მათ არ აძლევს ფასის გაზრდის საშუალებას. ბათუმში ახალი უმაღლესი სტანდარტებით აშენებული აპარტამენტი დაახლოებით კვმ. 1500-1600 ლარი დაგიჯდება, რაც საკმაოდ იაფია, მითუმეტეს თუ თუნდაც მეზობელ თურქეთში საზღვაო კურორტებზე უძრავი ქონების ფასებს შევადარებთ. აქვე შეგიძლია ნახო რამდენიმე პრესტიჟული ობიექტი, ხოლო მეტი მშენებარე და ახალი აშენებული ბინის ნახვა ბათუმში HOUSE.GE-ზე შეგიძლია.

ბათუმში ბათუმი ვილლას საცხოვრებელ კომპლექსში სახლის შეძენა კვმ. 1539 ლარიდან შეგიძლია. საცხოვრებელი კომპლექსი ბათუმი ვილლა ფუნდამენტურად განსხვავდება ბათუმის ტერიტორიაზე განხორციელებული უძრავი ქონების უმეტესი პროექტებისაგან. ახალი კომპლექსი გთავაზობს 10 კოტეჯს, რომელიც განკუთვნილია 1-2 მფლობელი - ბინადარზე და მოჰყვება საკუთარი ბაღი სახლის უკანა ზონაში. ქონება პრემიუმ კლასის კატეგორიას ეკუთვნის.

სანრაიზ რეზიდენსში ბინის შეძენა კვმ. 1617 ლარიდან დაგიჯდება, ასევე შეგიძლია სპეციალური შეთავაზებით ისარგებლო და მიიღო  20 თვიანი, შიდა უპროცენტო განვადება, პირველადი შენატანის გარეშე. ამ ეტაპზე დასრულდა ბოლო სართულის მშენებლობა და მიმდინარეობს ფასადის მოპირკეთება გამოწრთობილი ორმაგი მინა პაკეტითა და ასევე თეთრი კარკასების მოწყობა. ევროპის კურორტებთან შედარებით, ბათუმში ზღვის ხედით ბინა საკმაოდ იაფად შეგიძლია შეიძინო. ფასი განსაკუთრებით მომგებიანია მშენებლობის ეტაპზე რემონტის გარეშე სტუდიოს ტიპის საცხოვრებელზე. თუმცა, უძრავი ქონების ფასი ბათუმში დეველოპერებს შორის მაღალი კონკურენციის გამო, სხვა დროსაც, საკმაოდ ხელმისაწვდომია.