იქნება თუ არა დიპლომი ისევ პრიორიტეტული ახალი თაობისთვის?

უმაღლესი განათლების მიღებისა და დასრულების შემდეგ მოპოვებული დიპლომი ბევრი ადამიანისთვის დიდ წარმატებასთან და კარიერის მწვერვალების დაპყრობისკენ გადადგმულ ნაბიჯთან ასოცირდება. არჩეულ პროფესიაში ბევრ მათგანს ცოდნის გაღრმავება და სამუშაო გამოცდილების დაგროვება სურს, თუმცა არიან სტუდენტები, რომლებითვისაც მრავალფეროვნება და ახალი აღმოჩენების და ცოდნების შეძენა უფრო მნიშვნელოვანია და დროთა განმავლობაში აგროვებენ სხვადასხვა გამოცდილებებს, ოთხი წლის განმავლობაში ერთი დისციპლინის სწავლის მაგივრად პრაქტიკულ ცოდნებს იღებენ სხვადასხვა თანამედროვე პროფესიებში, გადიან ტრენინგებს და გლობალიზაციის პირობებში შეუძლიათ ონლაინ დაესწრონ სხვადასხვა სემინარებსა და ვორქშოფებს სხვადასხვა ქვეყნებში, გაიზიარონ უცხოური გამოცდილება და დიპლომების მაგივრად თეორიულთან ერთად პრაქტიკული ცოდნები დააგროვონ და სერთიფიცირებები გაიარონ სხვადასხვა სფეროში.

დროთა განმავლობაში იცვლება პრიორიტეტული პროფესიები, ჩვენს ცხოვრებაში უფრო და უფრო მეტი რამის გაციფრულებაა შესაძლებელი და აქედან გამომდინარე, დისტანციური და ციფრული პროფესიები აქტუალური ხდება. როცა ონლაინ მუშაობა და ამოცანების დისტანციურად შესრულება ისეა შესაძლებელი, რომ დამსაქმებელთან პირისპირ შეხვედრა არც კი გიწევს და მის მუდმივ დასაქმებულად არ ითვლები, ვალდებულებაც ნაკლებია, ხოლო ინტერესი - ორმხრივი: დამსაქმებელს ხარისხიანად სურს საქმის შესრულება, ხოლო დასაქმებულს გამოცდილების მიღება უნდა და ფინანსური ინტერესიც აქვს. პრაქტიკაზე დაფუძნებული გამოცდილებით და მრავალფეროვან ინდივიდებთან თუ კომპანიებთან ურთიერთობაზე დაყრდნობით იზრდება ამბიციაც და საკუთარ რესურსებს უფრო მეტად აფასებს ადამიანი, თავდაჯერებულობისთვის კი დიპლომი აღარ წარმოადგენს აუცილებლობას.

გარდა იმისა, რომ თანამედროვე დროში სხვადასხვა პროფესიების დაუფლება შესაძლებელია და კვალიფიკაციის ამაღლება აკადემიური ხარისხების გარდა სხვადასხვა ოფიციალური ლიცენზიებითაა ხელმისაწვდომი, ჰობისთვის ან საბაზისო დონეზე რომელიმე დამატებითი ცოდნების შეძენა მოკლევადიანი და საფეხურების მიხედვით შექმნილი ტრენინგებისა და კურსების გავლით შეგიძლიათ. განათლების მიღება ახალ სფეროებში გაგიფართოებთ თვალსაწიერს, შესაძლებლობას მოგცემთ სხვადასხვა ჭრილში შეხედოთ ყველაფერს და მეტ საკითხში იყოთ კომპეტენტური. ამაში ss.ge-ს განათლების კატეგორიაში განთავსებული კურსები დაგეხმარებათ, სადაც ყველანაირი ინტერესის მქონე ადამიანისთვის მოიძებნება შესაფერისი ტრენინგი. აღნიშნული კატეგორიის მიზანიც სწორედ განათლების  გავრცელებისა და ხელმისაწვდომობის ხელშეწყობა და ყველა სფეროთი დაინტერესებულ სამიზნე აუდიტორიაზე მორგებაა.

არსებობს გარკვეული ორგანიზაციები, რომლებიცსპეციფიკიდან გამომდინარე სამუშაო ადგილზე აუცილებლად ითხოვენ დიპლომს. ასეთ კომპანიებში, უმეტესწილად, ტრადიციული მუშაობის სტილი და ვერტიკალური იერარქიაა და ორგანიზაციული კულტურაც უფრო მკვეთრ ჩარჩოებშია მოქცეული. შესაძლოა მკაცრი დრესკოდიც იყოს დაწესებული და სავალდებული ქცევის წესებიც გარკვეულ მოდელს ექვემდებარებოდეს. თუმცა ბაზარზე საკმაოდ მრავლად არის ისეთი კომპანიებიც, რომლებიც შედარებით თავისუფალ გარემოს ქმნიან დასაქმებულებისთვის და მათთვის მთავარი კანდიდატში ტალანტის დანახვა და მათთვის უნარების დემონსტრირების საშუალების მიცემაა. ასეთ კომპანიებსაც, ცხადია აქვთ ქცევის კოდექსი, კორპორატიული სახელმძღვანელო და შინაგანაწესი, თუმცა მათში აღწერილი და გატარებული პოლიტიკები გაცილებით მსუბუქია. მსგავს ორგანიზაციებში პრაქტიკაზე დაფუძნებული სწავლებით ვითარდებიან ადამიანები და შესაძლებლობა ეძლევათ, რომ კოლეგებისგან ისწავლონ ცოცხალი მაგალითებით.

ახალი თაობის დასაქმებულები წინა თაობებთან შედარებით სწრაფად იცვლიან ინტერესის სფეროებსა და შესაბამისად, სამუშაო ადგილებსაც. აქედან გამომდინარე, მათი ერთ ტალღაზე დიდხანს გაჩერება რთულია და თუკი ადრე ერთ პროფესიაში იღებდა ადამიანი ბაკალვრის, მაგისტრისა და დოქტორის ხარისხს, დღესდღეობით შესაძლოა ბაკალავრიატის ბოლომდე ნებისყოფა არ ეყოს სტუდენტს და ამ 4 წლის განმავლობაში ბევრად მეტი რამ ისწავლოს, ვიდრე უნივერსიტეტი მისცემდა. შესაბამისად, თუკი სამომავლო ტენდენცია ასე გაგრძელდება და ადამიანებს ცნობისმოყვარეობის დაკმყოფილებით შეეძლებათ ცოდნა-უნარების შეძენა და განვითრება, დიპლომი ერთ უბრალო ფურცლად გადაიქცევა, რომელიც თქვენს მომავალს ვერ გადაწყვეტს, თქვენი კარიერის მომავალი კი პირდაპირ თქვენს თვითგანვითარების სურვილსა და ზოგადი განათლების არეალის გაფართოებაზე იქნება დამოკიდებული.