5 რჩევა – როგორ გახადო მარტივად გასაქირავებელი ბინა უფრო მიმზიდველი

მოაწესრიგე სივრცე 

მეტი სივრცის შესაქმნელად ბინიდან მოაშორე ზედმეტი ავეჯი და დეკორაციის მოძველებული დეტალები. ვიზუალურად გაზარდე სივრცე, გახადე ის კომფორტული და ფუნქციონალური.

განსაზღვრე ინტერიერის დიზაინი

იმისთვის რომ სახლში წესრიგის შეგრძნება შექმნა, საჭიროა მას საერთო დამახასიათებელი სტილი ჰქონდეს. გადაყარე ან ბინიდან გაიტანე შენი პირადი ნივთები და ინტერიერის დიზაინი საერთო წესს დაუმორჩილე.

შეაკეთე უმნიშვნელო წვრილმანები

იმისთვის რომ, ერთი შეხედვით უმნიშვნელო წვრილმანებმა, საერთო უარყოფითი სურათები არ შექმნას, ჯობს ასეთ დეტალებს გაუმკლავდე. შეამოწმე სახლში ყველა წვრილმანი, რომელთა შორისაც შეიძლება იყოს ონკანი, რომელიც წვეთავს. ან კუთხეში ამძვრალი შპალერი, რომელიც შეგიძლია ადვილად დააწებო. 

თუ უფრო მეტ ენერგიას ჩადებ, შეგიძლია მთლიანად შეცვალო ინტერიერი. ამისთვის შპალერის მიწებების ნაცვლად, მთლიანად გამოცვალე ის. ასე შეძლებ ოთახის ზონირებასაც. იმ შემთხვევაში თუ საწოლი ზუსტად არ ეტევა კედელთან ან სხვა ნივთი არღვევს პერფექციონისტების ჰარმონიას, მარტივად შეგიძლია ასეთი დეტალები დაფარო.

გამოიყენე თუნდაც მისაწებებელი სტიკერები ან ნებისმიერ სხვა ხერხს მიმართე. მთავარია წესრიგის და სიახლის შეგრძნება შექმნა.

გამოიყენე სარკეები 

სარკეები ხელს შეუწყობს სივრცის ვიზუალურად გაფართოებას და ოთახში სინათლის ნაკადის გაზრდას. სარკეების მეშვეობით ერთდროულად რამდენიმე პრობლემას გადაჭრი და ამასთანავე სახლში საჭირო ნივთიც გაჩნდება. 

სარკე, ასევე შეგიძლია გამოიყენო როგორც დეკორატიული დეტალი და გაამდიდრო ინტერიერი მშვენიერი პრაქტიკული ნივთით.

მნიშვნელოვანია, გაქირავებამდე დარწმუნდე რომ საოჯახო ყველა ელექტრომოწყობილობა გამართულად მუშაობს. ამასთანავე, აუცილებია თითოეული მათგანი იდეალურად სუფთა იყოს. იმ შემთხვევაში თუ საოჯახო ტექნიკის რომელიმე მნიშვნელოვანი სახეობა აკლია ბინას, შეიძლება სწორედ ამან შეგიშალოს ხელი გაქირავებაში ან ბინის ფასზე მნიშვნელოვნად მოახდინოს გავლენა. 

არ გამოგრჩეს სარეცხი მანქანა, წყლის გამაცხელებელი, მაცივარი და სხვა ასეთი ნივთები.

ახლა შენ უკვე იცი როგორ გახადო ბინა უფრო მიმზიდველი, მცირე დეტალებზე ყურადღების გამახვილებით. ზედმეტი ნივთები არასდროს არის კარგი იდეა გასაქირავებელი ბინისთვის, ისევე როგორც აუცილებელი ნივთების ნაკლებობაა საზიანო.