რა უნდა იცოდე ბაკურიანის შესახებ?

ბაკურიანი ბორჯომის მუნიციპალიტეტის დაბაა. იგი თრიალეთის ქედის ჩრდილოეთ კალთაზე, მდინარე ბაკურიანისწყლის ნაპირას, ზღვის დონიდან 1700 მეტრზე მდებარეობს. აქ აღმოჩენილია მეგალითური კულტურის ნაშთი და შემორჩენილია ადრინდელი ფეოდალური ხანის საკულტო ნაგებობა "პანტნარის ტაძარი". ბაკურიანის ისტორია უკავშირდება ბორჯომის მინერალური წყლების პოპულარობას XIX საუკუნეში. მინერალური წყალი, თავის სამკურნალო თვისების გამო, ყურადღების ცენტრში მოექცა. 1890 წლიდან „ბორჯომის“ წყლის საწარმოო ჩამოსხმა იწყება. 1898-1901 წელს გაიყვანეს ბორჯომ-ბაკურიანის ვიწროლიანდაგიანი რკინიგზა, რამაც დაუდო სათავე, ბაკურიანის განვითარების პროცესს. დღეს, ბაკურიანი პოპულარული სამთო და სათხილამურო კურორტია.

გასაქირავებელი ბინები ბაკურიანში, იხილეთ ბმულები:

·      ქირავდება დღიურად: https://bit.ly/3Os5VMo

·      ქირავდება თვიურად: https://bit.ly/3YDrv5l

პირველი სათხილამურო ბაზა ბაკურიანში 1932 წელს გაიხსნა. ბაკურიანიდან კოხტაგორის მთაზე (1,3 კმ) და ცხრაწყაროს უღელტეხილზე (3,5 კმ) გაყვანილია საბაგირო გზები, აგებულია სათხილამურო ტრამპლინები. დიდველის სათხილამურო გზებზე მოქმედებს ხელოვნური გათოვლიანება. მზის ხანგრძლივი ნათება წელიწადში 2052 სთ-ს შეადგენს.

გზა და მგზავრობა ბაკურიანამდე

ბაკურიანი თბილისიდან დაახლოებით 180 კილომეტრში, ხოლო ბორჯომიდან 30 კილომეტრის დაშორებითაა. აქ ჩასვლა თბილისიდან დაახლოებით 2 საათშია შესაძლებელი. მოგზაურებისთვის, მგზავრობისთვის პოპულარული ტრანსპორტი, ძირითადად საკუთარი ავტომანქანებია. ასევე, ბაკურიანის მიმართულებით გადიან მიკროავტობუსები თბილისის სადგურებიდან - დიდუბე და სადგურის მოედანი. სანამ ბაკურიანში ჩახვალ, ბორჯომამდე გზა თოვლისგან ყოველთვის გაწმენდილია.

გასაყიდი ბინები ბაკურიანში, იხილეთ ბმულები:

·      სარემონტო ბინები: https://bit.ly/45sqG1r

·      გარემონტებული ბინები: https://bit.ly/47A9UiL

უშუალოდ ბაკურიანის გზა, კი ზოგჯერ თოვლით ან ყინულითაა დაფარული, ამიტომ მანქანით მგზავრობისას აუცილებელია ზამთრის საბურავები. ასევე, შესაძლებელია სადგურის მოედნიდან ბორჯომამდე მიკროავტობუსით ან მატარებლით იმგზავროთ, შემდეგ კი ბორჯომი-ბაკურიანის ე.წ. "კუკუშკას" გაჰყვეთ. "კუკუშკა" პატარა მატარებელია, რომელიც ბაკურიანისკენ მისასვლელ ულამაზეს გზას გადის.

სასრიალო ტრასები და 2023 წლის მსოფლიო ჩემპიონატი ბაკურიანში  

ბაკურიანში დაახლოებით 23 განსხვავებული სახის სასრიალო გზა და 5 სასრიალო ტრასაა, რომლებიც მოთხილამურის დონეების მიხედვით იყოფა - დამწყები, საშუალო და გამოცდილი. ბაკურიანის "ფუნიკულიორი" და საბაგირო ტრანსპორტი მუშაობას დილის 10 საათიდან იწყებს და შუადღის 5 საათამდე გრძელდება.

მოთხილამურეებისთვის განსაკუთრებული ადგილი დიდველის სასრიალო ტრასა, რადგან გზას, მთელ სიგრძეზე ფერად-ფერადი განათებები მიუყვება. მოგზაურები ყოველ შაბათ-კვირას დადიან ღამის სრიალზე, რომელიც შუადღის 5 საათზე იწყება და საღამოს 10-ის ნახევრამდე გრძელდება.

ევროპის ჩემპიონატისთვის, სხვადასხვა ოლიმპიურ სახეობებში საქართველოს არაერთხელ უმასპინძლია, რაც ძირითადად, თბილისსა და ბათუმში იმართებოდა, მაგრამ მსოფლიოს ჩემპიონატი საქართველოში პირველი და უდავოდ ისტორიული მოვლენაა. 2023 წლის 16 თებერვლიდან 5 მარტის ჩათვლით, ბაკურიანმა, 42 ქვეყნის 700-ზე მეტ სპორტსმენს უმასპინძლა - ფრისტაილში, სნოუბორდსა და ფრისკიში.

ბაკურიანის კლიმატი სამკურნალო თვისებებით გამოირჩევა. რის გამოც, ბაკურიანს, ყოველ სეზონზე, ბევრი დამსვენებელი სტუმრობს.