რჩევა ახალ კურსდამთავრებულებს: პირველი ნაბიჯები სამუშაოს ძიებაში

გამოცდილების დაგროვებისთვის მნიშვნელოვანია სწორი სამსახურის პოვნა ადრეული კარიერის პერიოდში, რათა საჭირო ცოდნები და უნარები გამოიმუშაოთ და მოემზადოთ სერიოზული სამსახურისთვის. თავდაპირველად, აუცილებელია, რომ გააცნობიეროთ, ყველაფერი მცირე ნაბიჯებით იწყება და წარმატებისთვის შრომაა საჭირო.

კარიერაში პირველი ნაბიჯების გადადგმა დაკავშირებულია სწავლის პერიოდში თქვენს მიერ გამოვლენილ ინტერესებთან. ვიდრე სრულ განაკვეთიან სამსახურს მოძებნიდეთ, სწავლასაც რომ არ მოსწყდეთ და დრო სწორად გადაანაწილოთ, ჯობს სტაჟირებით ან მოხალისეობრივი პროგრამებით დაიწყოთ თქვენი თვალსაწიერის გაფართოება და ინტერესების დაკმაყოფილება.

ss.ge-ს პლატფორმა ზრუნავს იმ ადამიანებზე, რომლებიც სამუშაოს ძიების პირველ ეტაპზე იმყოფებიან და სწორედ ამიტომ, ყველა კატეგორიის განცხადების ნახვაა შესაძლებელი ვებგვერდზე, როგორებიცაა სხვადასხვა სფეროში აქტიური კურსები და ტრენინგები - შერჩეული ტრენინგის გავლის შემდეგ უფრო მეტად იზრდება შანსები სასურველ სფეროში დასაქმდეთ. ამ ეტაპზე 450 განცხადებაზე მეტია განთავსებული ტრენინგ-კურსების მიმართულებაში.

გარდა იმისა, რომ სამუშაოს მაძიებელს შეუძლია განცხადებებს გადახედოს და მისთვის სასურველი შეარჩიოს, ასევე, შესაძლებელია ატვირთოთ თქვენი რეზიუმე და ის პოტენციური დამსაქმებლების ხელში აღმოჩნდეს. 

აღსანიშნავია ისიც, რომ ss.ge-ს აქვს უნიკალური კატეგორია, სადაც განთავსებულია სტუდენტების პროფაილები და დამსაქმებლებს, რომლებსაც კონკრეტულად სტუდენტებზე მორგებული სამუშაო ვაკანსიები აქვთ, შეუძლიათ, რომ ამ კატეგორიიდან შეარჩიონ რელევანტური კანდიდატი და დაასაქმონ სტუდენტები.

სამსახურის დაწყებამდე, მნიშვნელოვანია საკუთარი თავი შეამზადოთ ფსიქოლოგიურადაც, რადგან სამსახური განსაკუთრებულ პასუხისმგებლობას მოითხოვს და შესაბამისი უნარების ჩამოყალიბებაა საჭირო მისთვის. მაგალითად დროის კარგი მენეჯმენტი; განსხვავებულ ადამიანებთან გუნდში მუშაობის უნარი ისევე მნიშნელოვანია, როგორც ამოცანებზე ინდივიდუალურად მუშაობა. ასევე, დეტალებზე ორიენტირებულობა და რამდენიმე საკითხზე ერთდროულად კონცენტრირების უნარი ერთერთი დასაფასებელია სხვა უნარებს შორის. ამ და სხვა უნარების გამომუშავება, როგორც ზემოთ აღვნიშნეთ, მოხალისეობრივ პროგრამებში ჩართვითაც არის შესაძლებელი. სტუდენტობის პერიოდში, ეცადეთ, რომ დაკავდეთ საპასუხისმგებლო საქმიანობებით, როგორიცაა სტუდენტურ ცხოვრებაში აქტიური ჩართულობა, დაწყებული ღონისძიებების ორგანიზებით, გაგრძელებული სასწავლო პროგრამებში ჩართულობით და თუნდაც გაცვლით პროგრამებში მონაწილეობით. გაცვლითი პროგრამით საზღვარგარეთ წასვლის შემთხვევაში შეძლებთ რომ მულტიკულტურულ გარემოში ყოფნის გამოცდილებაც დაიმატოთ და თქვენი თავი მოამზადოთ სიახლეებით სავსე ატმოსფეროში კომფორტულად ადაპტაციისთვის.

ბევრი დამსაქმებელი დიდ ყურადღებას აქცევს სწორედ არაფორმალურ საქმიანობებს, რას აკეთებდით სტუდენტობისას გარდა სწავლისა, რამდენად აქტიური სტუდენტი იყავით, გაერთიანებული თუ იყავით სხვადასხვა კლუბებში თქვენი პროფესიის გათვალისწინებით. ამგვარი ურთიერთობები და სოციალიზაცია დაგეხმარებათ ბევრი ადამიანის გაცნობაში, საინტერესო ნაცნობები კი ყოველთვის ერთი ნაბიჯით წინ წასვლაში დაგეხმარებიან. ვისაც ექნება ინფორმაცია თქვენი თვისებების, მისწრაფებებისა და ინტერესების თაობაზე, შესაძლოა სწორედ ის გახდეს სამომავლოდ თქვენი პირველი დამსაქმებელიც.