უნიკალური შეთავაზება SS.GE-ს მომხმარებელს - დასაქმების კატეგორიისგან

ინფორმაციის გავრცელებისთვის სოციალური ქსელი ერთერთი ყველაზე მომგებიანი პლატფორმაა, მას თითქმის ყველა ასაკისა და კატეგორიის ადამიანი იყენებს. სამიზნე აუდიტორიის სწორად შერჩევის, ე.წ. დათარგეთების შემთხვევაში კი თქვენი სათქმელის მიწოდება სასურველ ადამიანებამდე ძალიან მარტივია. სოციალურ ქსელებს არამხოლოდ გასართობად და დროის გასაყვანად, არამედ საქმიანი დანიშნულებითაც იყენებენ ადამიანები. ასეც რომ არ იყოს, შესაძლოა უბრალოდ „სქროლვისას“ საჭირო დროს თვალმოკრულმა პოსტმა დიდი ცვლილებაც კი გამოიწვიოს მაგალითად სამუშაოს მაძიებელი ადამიანის ცხოვრებაში, რომელმაც შეიძლება ფეისბუქის სქროლვისას იპოვოს ზუსტად ის სამსახური, რომელიც სჭირდებოდა.

ალბათ რთული გამოსაცნობი არ იქნება, თუ გეტყვით, რომ ss.ge-ს ახალი უნიკალური სერვისი დაემატა. დამსაქმებლებს შეუძლიათ, რომ შეიძინონ Facebook რეკლამა და სამუშაოს მაძიებელთა უდიდეს აუდიტორიას აჩვენონ თავიანთი ვაკანსია. გარდა იმისა, რომ თქვენ მიერ განთავსებულ ვაკანსიას ss.ge-ს ვიზიტორები ნახავენ, ფეისბუქის არც თუ ისე პატარა აუდიტორიამდეც მივა ინფორმაცია თქვენს კომპანიაში ვაკანტურ პოზიციასთან დაკავშირებით და მიზნობრივი აუდიტორიაც ნახავს მას. შედეგად კი, ვაკანსიაზე გამოხმაურებებიც გაგეზრდებათ და სტაფის დაკომპლექტება ნაკლებ თავის ტკივილად გადაგექცევათ. ასევე, თუ დავფიქრდებით იმაზე, რომ ადამიანების თავისუფალი დროის უდიდესი ნაწილი სწორედ სოციალურ ქსელებს მიაქვს, სწრაფი შედეგიც გარანტირებული გექნებათ. მაშასადამე ფეისბუქ რეკლამის განთავსების შემთხვევაში თქვენ გექნებათ ახალი აუდიტორიის, მეტი ნახვისა და სწრაფი შედეგის უპირატესობები.

რაც შეეხება სერვისით სარგებლობის წესებს, თუკი ინდივიდუალური პაკეტით სარგებლობთ, საჭიროა, რომ ვებგვერდზე განთავსებული გქონდეთ აქტიური ვაკანსია დასაქმების კატეგორიაში, სერვისის შეძენას კი მომხმარებლის პირადი გვერდიდან შეძლებთ ფეისბუქ ღილაკის დახმარებით. ამისთვის კი საჭიროა, რომ ბალანსზე საკმარისი თანხა გქონდეთ, თანხა კი დამოკიდებულია პაკეტის ღირებულებაზე, რომლის თაობაზეც ასევე მოგახსენებთ. იმისთვის, რომ სერვისი გააქტიურდეს, განცხადებაში დაფიქსირებული უნდა იყოს ვაკანსიის აღწერა, საყურადღებოა ისიც, რომ განცხადებაში მხოლოდ ერთი ვაკანსიის აღწერილობა უნდა იყოს განთავსებული. სერვისი კი მისი შეძენიდან ერთი სამუშაო დღის განმავლობაში გააქტიურდება, ამის თაობაზე კი საინფორმაციო შეტყობინებას მიიღებთ განცხადებაში მითითებულ ტელეფონის ნომერზე.

სერვისის საფასური განსხვავდება იმის მიხედვით, თუ რამდენი დღის განმავლობაშია განთავსებული ის სოციალურ ქსელში და შესაბამისად, შედეგებიც განსხვავებული აქვს. რაც უფრო დიდხანს არის განცხადება აქტიური, მით მეტი მნახველი ჰყავს და შესაბამისად სტატისტიკური მონაცემებიც ზრდადია. მაგალითად, მინიმალური დღეების რაოდენობა 3 დღეა ფეისბუქ რეკლამისთვის, რომლის ღირებულებაც 45 ლარს შეადგენს და 13 000-დან 30 000-მდე ჩვენებას მოიცავს. შემდეგი პაკეტი 7 დღიანია, რომლის საფასურიც 95 ლარია და 33000-დან 85000-მდე ჩვენებას უზრუნველყოფს. მესამე პაკეტის პირობებში კი თქვენი განცხადება 14 დღის განმავლობაში იქნება სამიზნე აუდიტორიისთვის ხელმისაწვდომი და 50 000-დან 120 000-მდე მომხმარებელს მისცემს მისი ნახვის საშუალებას. ღირებულება კი 135 ლარს შეადგენს.

თუკი გსურთ სტატისტიკის შესახებ ინფორმაცია მიიღოთ, ss.ge-ს გუნდი დაგეხმარებათ და სურვილის შემთხვევაში სერვისის დასრულების შემდეგ გამოგიგზავნით რეკლამის შედეგებს და სტატისტიკას, რის შემდეგაც თავადაც დარწმუნდებით მის ეფექტურობაში.