help

გაიგე ვრცლად ყველაზე ძვირადღირებული სახლების შესახებ

5 კერძო სახლი, რომელიც რამდენიმე მილიონ დოლარად იყიდება

162

11/25/2024 12:10:10 PM

განცხადებების ყველაზე მასშტაბურ პლატფორმაზე საქართველოში, SS.ge-ზე მუდმივად ახლდება გასაყიდი და გასაქირავებელი უძრავი ქონების ჩამონათვალი, რაც როგორც თბილისში, ისე სხვა ქალაქებში კერძო სახლებისა და ბინების ფასთან დაკავშირებით გარკვეულ წარმოდგენას შეგიქმნით.

2024 წლის ნოემბრის მდგომარეობით გთავაზობთ თბილისში მდებარე 5 ძვირად ღირებულ კერძო სახლს, რომელიც რამდენიმე მილიონ დოლარად არის შეფასებული:

1. 6-სართულიანი კერძო სახლი ჩუღურეთში - 5 500 000$

შენობაში მოწყობილია სასტუმრო რომელიც 2023 წლიდან ფუნქციონირებს. მისი 34 ნომერი სრულად არის იზოლირებული და ყველა საჭირო ინვენტარით აღჭურვილი. შენობას აქვს ცენტრალიზებული სისტემები: კონდიცირება, გათბობა, ვენტილაცია და ხანძარქრობა.

ასევე, შენობაში გათვალისწინებულია 50 პერსონაზე გათვლილი საკონფერენცია დარბაზი ხმის იზოლაციით, მყუდრო ლაუნჯი, კომფორტული სავარძლები, ვინტაჟური ვინილის ფირფიტებისა და რეტრო გაზეთების კოლექცია.

2. კერძო სახლი ოქროყანაში - 4 000 000$

სახლი მდებარეობს ოქროყანაში, მთაწმინდის პარკთან, საიდანაც იშლება ულამაზესი ხედები თბილისსა და წავკისის ველზე.

სახლს აქვს 5 საძინებელი, 7 სველი წერტილი, გარე და შიდა აუზები, სავარჯიშო აღჭურვილობა, ჯაკუზი, გასართობი ზონა, ორ ავტომობილზე გათვლილი მიწისქვეშა პარკინგი და ტერასები შთამბეჭდავი ხედებით.

3. კერძო სახლი დიღომში - 3 000 000$

დიღომში მდებარე ეს ახალაშენებული სახლი კეთილმოწყობილი ეზოთი, საძინებლებით, ბუხრითა და აივნებით არაჩვეულებრივია როგორც მუდმივად ცხოვრებისთვის, ისე საზაფხულოდ.

სახლის მშენებლობა-მოპირკეთებისთვის გამოყენებულია მაღალი ხარისხის მასალები, დიზაინი კი თანამედროვე ტენდენციების გათვალისწინებით არის შექმნილი.

4. 6-ოთახიანი კერძო სახლი ვაკეში - 3 000 000 000$
ეს 3-სართულიანი კერძო სახლი მრგვალ ბაღთან მდებარეობს. ის მოიცავს 3 საძინებელს, 3 სველ წერტილს, საუნას, სარდაფსა და ბუხარს.
სახლს ერთი მხრივ აქვს იდეალური ადგილმდებარეობა და მეორე მხრივ ყველაფერი მშვიდი და ჰარმონიული ცხოვრებისთვის. მისი ვინტაჟური ესთეტიკა ამგვარი სტილის მოყვარულთათვის სახლის დიზაინს კიდევ უფრო გამორჩეულსა და მიმზიდველს ხდის.
5. 9-ოთახიანი კერძო სახლი სოფელ დიღომში - 2 800 000$
ეს თანამედროვე დიზაინის სახლი ითვალისწინებს ყველა ინფრასტრუქტურას, რაც მშვიდი, კომფორტული, სასიამოვნო და ჰარმონიული ცხოვრებისთვის არის საჭირო. ნაგებობა 700 კვ.მ-ია და გარს აკრავს 1000 კვ.მ კეთილმოწყობილი ეზო მწვანე ნარგავებით.
სახლი მოიცავს 5 საძინებელს საკუთარი სველი წერტილით, დამატებით 3 სველ წერტილს შენობის სხვა მონაკვეთებში, ასევე საუნასა და დახურულ აუზს.

ყველაზე ძვირად ღირებული სახლების შესახებ მეტი დეტალის სანახავად მიჰყევით ბმულებს.