ინტერიერის თანამედროვე დიზაინები და ქართული რეალობა

სწორად მოწყობილი საცხოვრებელი სივრცე დღეს მხოლოდ ესთეტიკა აღარ არის - ის ჩვენი ყოველდღიური ფუნქციონირებისა და ფსიქოლოგიური კომფორტის საფუძველიც ხდება. როცა დროის უმეტეს ნაწილს სახლში ვატარებთ, ვმუშაობთ, ვსწავლობთ, ვისვენებთ - აუცილებელი ხდება ისეთი გარემოს შექმნა, რომელიც არა მხოლოდ ლამაზად გამოიყურება, არამედ ემსახურება ჩვენს საჭიროებებსაც. სწორედ ამ გზაზე ხდება ინტერიერის დიზაინი შეუცვლელი ინსტრუმენტი. არა ფუფუნება, არამედ პრაქტიკული გადაწყვეტა იმ ცხოვრებისთვის, რომელსაც ვეძებთ.  

დროთა განმავლობაში, ქართველი მომხმარებელი, გახდა მეტად ინფორმირებული და შესაბამისად მომთხოვნიც, თანამედროვე ინტერიერის დიზაინის სტანდარტებისა და მასთან დაკავშირებული დეტალების მიმართ. ზოგიერთ მათგანს ახალი სახლის გემოვნებით მოწყობა სურს, ხოლო ზოგიც ძველი სივრცის განახლებაზე ფიქრობს. 

პრაქტიკული და ესთეტიკური გადაწყვეტის პოვნა არც ისე მარტივია, განსაკუთრებით მაშინ, როცა ადგილობრივ რეალობასთან უნდა მოახერხო თანხვედრა, ბიუჯეტი შეზღუდულია, და მიზანი, რომელიც სახლის ყველაზე მყუდრო ადგილად ქცევას გულისხმობს, არ უნდა დაიკარგოს. 

სწორედ ამიტომ, ამ ბლოგში გაგაცნობთ იმ ძირითად საკითხებსა და გამოწვევებს რომლებიც უნდა გაითვალისწინოთ სახლის დაგეგმარების ან განახლებისას. გავიგებთ, რა სტილებია დღეს ტრენდული და ამავდროულად პრაქტიკული, როგორია ქართველი მომხმარებლის პრიორიტეტები და როგორ მოვახერხოთ გემოვნებიანი ინტერიერის შექმნა ხელმისაწვდომი რესურსებით.  

საიდან უნდა დავიწყოთ? 

ინტერიერის განახლება თუ თავიდან დაწყება ბევრისთვის ემოციური და ფინანსურად სენსიტიური პროცესია. ბევრ დეტალზე ერთდრულად გიწევთ ფიქრი, საიდან დაიწყოთ, როგორია შემდგომი ნაბიჯები, მნიშვნელოვანია დროში სწორად გაიწეროს ყველა საქმე და ა.შ. ამიტომ, პირველ და აუცილებელ ნაბიჯად უნდა ჩაითვალოს სივრცის გააზრება და საჭიროებების სწორად ფორმულირება. რა ფუნქცია უნდა შეასრულოს ამ ბინამ ან ოთახმა? ვინ იცხოვრებს იქ და როგორია მათი ცხოვრების წესი? როგორი სივრცის ზონირებაა საჭირო? საკვანძო დეტალია ასევე ის თუ, როგორია მაცხოვრებლების სახლში მოძრაობის ტრაექტორია.  საცხოვრებელი სივრცის დაგეგმარება სწორედ ამ კითხვებზე პასუხის გაცემით იწყება. მხოლოდ, ამის შემდეგ უნდა გადავიდეთ ფერებზე, მასალებზე, ავეჯსა და კონკრეტულ სტილზე.  

რას ანიჭებს უპირატესობას ქართველი მომხმარებელი? 

ქართველი მომხმარებლის გემოვნება საკმაოდ დაიხვეწა ინტერიერის დიზაინის მიმართულებით. თითოეული არჩევანი არ არის მხოლოდ ესთეტიკური - ის ხშირად უკავშირდება ცხოვრების წესს, სივრცის ფუნქციურ გამოყენებასა და ქართულ რეალობასთან შესაბამისობას. ბოლო წლებში, საქართველოში გამოიკვეთა რამდენიმე პოპულარული ტრენდი. მაგალითად: თბილი, მინიმალისტური ფერები, ნათელი კედლები, ხის ტექსტურა და ბუნებრივი ქსოვილები - მარტივად ერგება მცირე ზომის ბინებსა და შეზღუდულ ბიუჯეტს. გვაძლევს მყუდრო და მშვიდ გარემოს.  

ასევე, საკმაოდ ბევრი გულშემატკივარი ჰყავს სკანდინავიურ ინტერიერს - თეთრი კედლები, შავი აქცენტები, ღია ხის დეტალები და რაც შეიძლება ბევრი ბუნებრივი სინათლე - ეს სტილი კარგად ერგება ბინებს, სადაც სამუშაო და დასვენების ზონა ერთ სივრცეშია მოქცეული.  

ახალი თაობის მომხმარებლებში კი, ყოველდღიურად მეტ პოპულარობას იძენს მცენარეებით გამწვანებული ინტერიერები, ქვის ან ხის ელემენტებითა და ხელნაკეთი ნივთებით. რატომ? ის ხაზს უსვამს ავთენტურობას, ეკოლოგიურობასა და ქმნის მყუდრო ატმოსფეროს. თანაც, ადგილობრივი ხელოსნები სთავაზობენ მსგავს დეტალებს ხელმისაწვდომ ფასად.  

საქართველოში ასევე, საკმაოდ გავრცელებულია ტენდენციაა ზონირებული სივრცე პატარა ბინებისთვის. მათთვის, ვისაც შეზღუდული ბიუჯეტი აქვს - მობილური ავეჯი, კედელზე მიმაგრებული კონსტრუქციები და ვიზუალურად გამოყოფილი ზონები საკმაოდ გონივრული პასუხია მცირე ზომის სივრცის ჭკვიანურად ათვისებაზე.  

ქართულრეალობასთანმორგება – როგორიაჩვენიმიდგომა? 

განსხვავებაუცხოურსადაქართულსივრცეებსშორის,ძირითადად,არქიტექტურულსპეციფიკასადაბიუჯეტისგანაწილებაშივლინდება. საქართველოშიხშირიაშედარებითპატარადაარასტანდარტულიბინები, რაცინტერიერის დიზაინერისგანგანსაკუთრებულშემოქმედებითმიდგომასმოითხოვს. გარდაამისა, მომხმარებლებიხშირადთავადიღებენდიზაინისგადაწყვეტილებებს, რისიხარისხიანადშესრულებაცყოველთვისმარტივიარარის. 

 შეგვიძლიათუარაგემოვნებიანიინტერიერისშექმნაქართულბაზარზე? 

რა თქმა უნდა, შეგვიძლია. საქართველოში დღეს უკვე, ყველა წამყვანი ბრენდის მაღაზია და მათი ხარისხაინი პროდუქციაა ხელმისაწვდომი. აქ იგულისხმება, როგორცსარემონტო მასალები, ისეავეჯის, საღებავების, დეკორატიული თუ სხვა წვრილმანი ნივთებისფართოარჩევანი. ინტერიერის დიზაინერებს კი, ეს დადებითი ფაქტი საშუალებას აძლევთ, სახლის/ბინის მფლობელებთანერთადიმუშაონხარისხიანადდა ეფექტურად.მთავარია, სწორადგანისაზღვროსპრიორიტეტებიდადაიგეგმოსბიუჯეტი. უნდა აღინიშნოს რომ, ადგილობრივადდამზადებულიავეჯიხშირ შემთხვევაში არამხოლოდუფროხელმისაწვდომი, არამედმეტადხარისხიანი დაინდივიდუალურადაც უფრო მორგებულიასაცხოვრებელ პირობებს.  

როგორ ვითარდება ინტერიერის დიზაინის სფერო საქართველოში? 

ინტერიერის დიზაინის სფერო საქართველოში პოზიტიური დინამიკით ვითარდება. დიზაინერები და მომხმარებლები თანდათან მეტად აფასებენ სივრცის ფუნქციურობას, ეკოლოგიურ მასალებსა და ინდივიდუალურ სტილს. მუდმივად ეცნობიან სიახლეებს და შესაბამისად მეტად მრავალფეროვანი და საინტერესოა მათი მოთხოვნებიც. ასევე, მზარდია ინტერესი ქართველი ხელოსნების, თუ მცირე სტუდიების ნამუშევრების მიმართ, რაც ქმნის ლოკალური იდენტობის თანამედროვე დიზაინში ინტეგრაციის შესაძლებლოაბას.  

როგორც ვხედავთ, სახლის ინტერიერის შექმნა მხოლოდ სილამაზეზე ზრუნვას არ ნიშნავს - ის ყოველდღიური კომფორტის, ფუნქციურობისა და პირადი სტილის ჰარმონიული გაერთიანებაა. თუ ახლა იწყებთ საკუთარი სახლის მოწყობას, გირჩევთ პროცესს შეხედოთ როგორც ეტაპობრივ პროექტს. ნუ ეცდებით ყველაფრის ერთდროულად გაკეთებას. დაიწყეთ ძირითადი ფუნცქიური ზონებით - სამზარეულო, საძინებელი, სამუშაო კუთხე და შედგომ გააზრებულად დაამატეთ დეტალები. ყოველთვის გამოიყენეთ ბუნებრივი განათება მაქსიმალურად და ეცადეთ, ავეჯიც მრავალფუნქციური იყოს. 

მნიშვნელოვანია, რომ სივრცე იმაზე იყოს მორგებული, როგორ ვცხოვრობთ და არა მხოლოდ იმაზე, თუ როგორ გამოიყურება ის. თუ რემონტს გეგმავთ ან ამ სტატიის შემდეგ გაგიჩნდათ სურვილი თქვენს საცხოვრებელ გარემოში ცვლილებები შეიტანოთ, გამოიყენეთ ჩვენი რჩევები. შეუხამეთ ინტერიერის დიზაინს თქვენი ცხოვრების სტილი და შექმენით მყუდრო გარემო თქვენს სახლში.

თუ უძრავი ქონება შერჩეული არ გაქვთ და ყიდვას გეგმავთ, შეგიძლიათ ჩვენს ვებგვერდზე შეარჩიოთ სასურველი პარამეტრებით - home.ss.ge