როგორ უდნა განათავსოთ ეფექტური განცხადება

დღეს არსებული მდგომარეობით, უძრავი ქონების საიტებზე ქვეყნდება დიდი რაოდენობით განცხადებები. ხშირად ავტორი დიდ ყურადღებას არ აქცევს განცხადების ვიზუალსა და შინაარს, რის გამოც მსგავსი განცხადებები ნაკლებად ნახვადია. ამ სტატიის მეშვეობით, ჩვენ დაგეხმარებით განცხადების სწორად შედგენასა და განთავსებაში.

ფოტოები

გადაიღეთ ხარისხიანი და კარგი ფოტოები, ასე თქვენ მიიღებთ უფრო ეფექტურ განცხადებას, რაც გაზრდის როგორც  ნახვების რაოდენობას, ასევე გამოხმაურების რიცხვს.

-  დაალეგეთ და დაასუფთავეთ ოთახები.

სანამ ფოტოების გადაღებას დაიწყებთ  დარწმუნდით, რომ კადრში არ მოხვდება პირადი ნივთები, ტანსაცმელი, ცხოველები და ა.შ.  შეეცადეთ მაქსიმალურად მოაშოროთ ზედმეტი დეტალები კადრიდან.

 

-  სწორად შეარჩიეთ განათება

გადაღებისას ყველაზე მნიშვნელოვანი კარგი განათებაა,  შეარჩიეთ  დღის ნათელი მონაკვეთი. გაითვალისწინეთ,  რომ ზედმეტი განათებაც არ არის საჭირო, თუ მზის სინათლე ზედმეტად შემოდის ოთახში, სინათლე ფარდებით დაარეგულირეთ.

თუ მაინც გადაწყვიტეთ, რომ ფოტოები საღამოს ან ღამე გადაიღოთ, მაშინ  ოთახში კარგი განათება დაგჭირდებათ.  ინტერიერის გადაღებისას არ არის რეკომენდირებული გამოიყენოთ კამერის განათბა.

 

-  სწორი რაკურსი

შეარჩიეთ სწორი კუთხე და სიმაღლე, უმჯობესია ფოტო გადაიღოთ დაახლოებით 150 სანტიმეტრის სიმაღლიდან,  რაც შეეხება პოზიციას არ  დაიზაროთ და მოსინჯეთ ოთახის სხვადასხვა კუთხიდან გადაღება, შემდეგ კი შეარჩიეთ საუკეთესო. ფოტოების ოპტიმლლური რაოდენობაა 8-დან 12-ამდე. იმისდამიხედვით რამდენი ოთხი გაქვთ გადასაღები.

კარგი იქნება თუ გადაიღებთ ხედს ფანჯრიდან, ასევე თუ სახლში გაქვთ ისეთი ავეჯი ან ნივთები, რომლის გამოჩენაც გსურთ. შეეცადეთ ფოტოს კომპოზიცია სწორად ააწყოთ და ეს ნივთები ცენტრში მოაქციოთ. არ გამოიყენოთ მიახლოების (zoom) ფუნქცია, ამ დროს ფოტოს ხარისხი ეცემა.  საუკეთსო ვარიანტი იქნება თუ ფოტოების გადაღებისას გამოიყენებთ შტატივს.

სტანდარტული ფოტოების განთვსებასთნ ერთად, თქვენ გაქვთ შესაძლებლობა ისარგებლოთ ახალი სერვისით „360°ფოტოები“ მისი საშუალებით  შესაძლოა ბინის კიდევ უფრო რეალურად წარმოჩენა.   360 ° ფოტოები დეტალურად

 

განცხადების ტექსტი ( აღწერილობა)

განცხადების ტექსტის მთავარი მიზანია - თქვენი შეთავაზების შესახებ ძირითადი ინფორმაციის მიწოდება და კონკურენტებთან წინაშე თქვენი უპირატესობების ხაზგასმა. ლაკონიურობა თქვენი მეგობარია. განცხადებას შეუძლია, ბევრი რამ თქვას მესაკუთრეზე, ამიტომ ლამაზი სიტყვებისა და მაღალფარდოვანი ეპითეტების გამოყენებით შეცდომაში შეყვანა არ ღირს. სჯობს მკაფიოდ მიუთითოთ ყველა ციფრი და გაწეროთ ფაქტები, გაზვიადებისა და „ლირიული გადახვევების“ გარეშე.

პირველ რიგში მიუთითეთ კვადრატულობა,  ოთახების რაოდენობა და ფასი. დაწერეთ, როგორია საცხოვრებელი ფართი, სამზარეულო, სველი წერტილების რაოდენობა. ასევე მიუთითეთ სართული, სართულების რაოდენობა და სახლის აშენების წელი, აივნის, ლოჯიისა და საპარკინგე ადგილების არსებობა.

მნიშვნელოვანია იმის ცოდნა, თუ ვინ შეიძლება გახდეს პოტენციური მყიდველი, როგორია მისი მოთხოვნები და საჭიროებები. თუ თქვენ ბიზნეს-კლასის საცხოვრებელს ყიდით, ისეთი კარგი პარამეტრები,  როგორებიცაა დიდი გარდერობი  ან დაცული ტერიტორია,  უპირატესობას მოგანიჭებთ.  ეკონომ-კლასის შემთხვევაში აღწერეთ ხედი ფანჯრიდან, თუ ის აღნიშვნას საჭიროებს, მიუთითეთ მეტრომდე და მსხვილ სატრანსპორტო კვანძებამდე  მანძილი, აღწერეთ რაიონის ინფრასტრუქტურა. სხვადასხვა  დაწესებულებების, მაღაზიებისა და ღირსშესანიშნაობების სიახლოვე შესაძლოა გადამწყვეტი ფაქტორი გახდეს.

 

ფასი

საიდუმლო არაა, რომ ზოგიერთები შეგნებულად უთითებენ განცხადებაში მაღალ ფასს, რათა შემდეგ სარფიანად  მორიგდნენ. ჩვენ ამის გაკეთებას არ გირჩევთ - როგორი მიმზიდველიც არ უნდა იყოს ობიექტი, არაადეკვატური ფასი დააფრთხობს მყიდველებს და არ მოგიტანთ გამოხმაურებებს, ვინაიდან თანამედროვე სერვისები იძლევა შესაძლებლობას, ავტომატურად შეაფასოთ ობიექტის ღირებულება.

ჩვენს საიტზე დაინერგა ახალი სერვისი, რაც საშუალებას გაძლევთ მარტივად, 1 წუთში გაიგოთ თუ რა ღირებულებისაა თქვენი ობიექტი. გადადით ბმულზე და გამოთვალეთ ფასი 

 

ადგილმდებარეობა

მნიშვნელოვანია განცხადებაში მითითებული იყოს ობიექტის ზუსტი ადგილმდებარეობა.  ამით დაიზოგება როგორც თქვენი, ასევე მომხმარებლის დრო. თავიდან აირიდებთ ზედმეტ კითხვებს, მომხმარებელებში კი ნდობის ფაქტორი მოიატებს . საუკეთესო ვარიანტია თუ ზუსტ მისამართთან ერთად რუკაზეც მონიშნავთ ობიექტს.

პრომო სერვისები

მნიშვნელოვანია იცოდეთ, რომ თქვენი განცხადება გარკვეული დროის შემდეგ საიტზე მთავარ პოზიციას კარგავს, ანუ გადადის საერთო სიის ბოლოში. თუ თქვენ გსურთ თქვენი განცხადება მუდმივად კარგ პოზიციაზე ჩანდეს, შეგიძლიათ გამოიყენოთ საიტზე არსებული ფასიანი სერვისები. პრომო სერვისების არწერა იხილეთ ბმულზე