სანამ რემონტს დაიწყებ - გაიგე რას ნიშნავს ფერი

ინტერიერის დიზაინერის მომსახურება, არც თუ ისე იაფია. დღეის მდგომარეობით 1 კვ/მ-ის საშუალო ღირებულება 130-150 ლარს შეადგენს. მაშინ, როცა სარემონტო მასალებისთვის და რემონტის შემსრულებლებისთვის ბიუჯეტს ვადგენთ, ცალკე უნდა ვიანგარიშოთ ინტერიერის დიზაინერის მომსახურების საფასური, თუმცა ხშირ შემთხვევაში ადამიანები დამოუკიდებლად ღებულობენ გადაწყვეტილებას, საკუთარი სურვილის მიხედვით და არ აქვთ შესაძლებლობა გაითვალისწინონ პროფესიონალის რჩევები.

ყველასთვის ნათელია, რომ კარგი ინტერიერის ბინა, უკეთესად იყიდება და გასაქირავებლადაც, უფრო მარტივია. ასე, რომ თუ ბინის ინტერიერის დიზაინის შექმნა საკუთარი ძალებით გადაწყვიტე, ინტერიერის დიზაინის საბაზისო დონეზე ცოდნა, მნიშვნელოვნ წვლილს შეიტანს თქვენი ბინის ინტერიერის სწორად შექმნაში. ინტერიერის უმნიშვნელოვანესი ელემენტია ფერი. ამ ბლოგში შემოგთავაზებთ იმ ძირითად ტერმინებს, რომელთა ცოდნას დაგეხმარებათ, რომ თქვენი სახლისთვის სწორი ფერები შეარჩიოთ და მყუდრო საცხოვრებელი შექმნათ.

მაშ ასე, რა არის ფერი - ფერი შეიძლება განისაზღვროს, როგორც სინათლე, რომელსაც სხვადასხვა საგანი იძლევა. მაგალითისათვის: წითელი საგანი წითელ სინათლეს გვაძლევს, მწვანე საგანი მწვანე შუქს გამოსცემს და ასე შემდეგ. ინტერიერის დიზაინში, ფერი საერთო ტერმინია, რომლის დახმარებით ჩვენ აღვწერთ, თუ როგორ ვხედავთ სხვადასხვა ტონებს და ჩრდილებს.

საერთო ჯამში, არსებობს „ფერთა წერე“, რაც გვეხმარება ფერების ერთმანეთთან შერწყმასა და დახარისხებაში. კერძოდ, მოცემულია ექვსი მთავარი ფერი და მეორადი ფერები. განვიხილოთ თითოეული.

მთავარი ფერები - უნივერსალური ფერებია, რომელთა ნაზავი ახალ, მეორად ფერებს გვაძლევს. მთავარი ფერებია: წითელი, ლურჯი და ყვითელი.  

მეორეული ფერებს - ვღებულობთ შემდეგნაირად:

·      ყვითელისა და ლურჯის შეზავებით ვღებულობთ მწვანე ფერს

·      ლურჯისა და წითლის შეზავებით - იასამნისფრს

·      წითლისა და ყვითელის შეზავებით - ფორთოხლისფერს.

გამოვყოთ რამოდენიმე მნიშვნელოვანი ტერმინი, ფერთან დაკავშირებით. კერძოდ:

ჩრდილი - არის ფერის მუქი ვერსია, რომელიც ნებისმიერ ფერზე, შავი ფერის დამატებით მიიღება.

ელფერი - ჩრდილებისგან განსხვავებით, ელფერი შედარებით ღია ვერსიაა. ის ნებისმიერ ფერზე თეთრი ფერის დამატებით მიიღება. მაგალითად, თუ წითელს დაუმატებთ თეთრს, მივიღებთ ვარდისფერს, რაც ელფერად იწოდება და პასტელურ ფერებს განეკუთვნება.

ტონი - იქმნება მაშინ, როდესაც ფერს ნაცრისფერს ვუმატებთ. ტონი შეიძლება იყოს, როგორც მუქი, ასევე ნათელი. გაითვალისწინეთ, ის ფერები, რომლებსაც ყოველდღიურად ვხედავთ, სწორედაც რომ ტონებია.

სატურაცია - ნიშნავს ფერის ინტენსივობას. ფერები, რომლებიც მეტად გაჯერებულა და მკვეთრ, ნათელ ფერებად გვევლინებიან. ნაკლებად გაჯერებული ფერები კი სიგლუვით ხასიათდებიან.

ინტენსივობა - ფერის პიგმენტაციას უკავშირდება. რაც უფრო მეტი პიგმენტია ფერში, მით უფრო ნაკლებად გახსნილია ის.

და ბოლოს ნეიტრალური ფერები - ნეიტრალური ფერებია თეთრი, შავი, ნაცრისფერი, კრემისფერი და ბეჟი, რომელთაგან მთავარ, ნეიტრალურ ფერებად თეთრი, შავი და ნაცრისფერი მოიაზრება, თუმცა ინტერიერის დიზაინში კრემისფერსა და ბეჟს, საკმაოდ ხშირად შეხვდებით.