როგორ ავირჩიოთ პროფესია

პროფესიის არჩევამდე განსაზღვრეთ თქვენი ინტერესები და  უნარ-ჩვევები. თქვენი პიროვნება ზოგიერთ პროფესიასთან შეიძლება სრულიად შეუფერებელი იყოს. 

აქ არის რამდენიმე სასარგებლო კითხვა, რომელზე პასუხის გაცემაც დაგეხმარებათ პროფესიის არჩევაში:

• რა  უნარებს ფლობთ? მაგალითად: დროის კარგი მენეჯმენტი, კომუნიკაციის უნარი, თავდაჯერებულობა, პრობლემების მარტივად გადაჭრის უნარი… 

• რა ტექნიკური უნარებს ფლობთ? პასუხების მაგალითები: მონაცემთა ანალიტიკა, კვლევის წარმოება, ფოტოგრაფია, უცხო ენებისაკენ მიდრეკილება… 

• როგორია თქვენი პიროვნება? მშვიდი, თავდაჯერებული, ლოიალური…

• რა გაინტერესებთ? ტექნოლოგია, წერა, მედიცინა, დიზაინი.

• შეათავსებთ პირად ცხოვრებას ისეთ სამსახურთან რომელიც მოიცავს მოგზაურობას? 

• რამდენად მნიშვნელოვანია სამუშაოს ადგილმდებარეობა?

• ამოცანები, რომელთა შესრულებაც გიჭირთ ან არ გსურთ?

• განსაზღვრეთ გარემო, სადაც მოგწონთ მუშაობა.

ვიზუალიზაციისათვის გამოიყენეთ SWOT ანალიზი.  სტრატერგია, რომელიც დაგეხმარებათ საკუთარი თავის ობიექტურად შეფასებაში.  განსაზღვრეთ ძლიერი და  სუსტი მხარეები,  შესაძლებლობები და საფრთხეები, რომლებიც შეიძლება შეგხვდეთ მიზნისაკენ სვლისას.  

Strengths-ძლიერი მხარეები; Weaknesses-სისუსტეები ძლიერი და სუსტი მხარეები მოიცავს შინაგან ფაქტორებს. ეს ორი პუნქტი არ არის მუდმივი და შესაძლოა შეიცვალოს დროთა განმავლობაში. თუმცა ცვლილებებისათვის საჭიროა დრო და ძალისხმევა. 

Opportunities-შესაძლებლობები; Threats-საფრთხეები. შესაძლებლობები და საფრთხეები დაკავშირებულია გარე ფაქტორებთან და მათი ცვლილება თქვენზე არ არის დამოკიდებული. თქვენ უნდა ისწავლოთ ამ ფაქტორების თქვენს სასიკეთოდ ადაპტირება. მაგალითად,  საფრთხეს შესაძლოა წარმოადგენდეს მაღალი კონკურენცია შრომის ბაზარზე. 

იფიქრეთ 5 ყველაზე მნიშვნელოვან სასიცოცხლო და სამუშაო უნარზე, რომელიც უკვე გაქვთ და რომელსაც გსურთ დაეყრდნოთ. მაგალითად, გაყიდვების, საგანმანათლებლო და საგამოძიებო  კარიერას სჭირდება კარგი კომუნიკაციის უნარი. მწვრთნელს და მეხანძრეს სჭირდება ათლეტურობა და ა.შ.

მას შემდეგ რაც კარგად დაფიქრდებით თქვენს უნარებსა და ინტერესებზე, შეადგინეთ ყველა თქვენთვის შესაფერისი პროფესიის სია. მიიღეთ ძირითადი ინფორმაცია თითოეული პროფესიის შესახებ. იპოვეთ სამუშაოს აღწერილობები და საგანმანათლებლო მოთხოვნები ამ სამსახურების შესახებ.

დაიწყეთ არსებული სიის შემოკლება. როდესაც თქვენს სიაში მხოლოდ რამდენიმე პროფესია დარჩება, დაიწყეთ უფრო ღრმა კვლევა. მოიძიეთ ინფორმაცია ადამიანებისგან, რომლებიც დასაქმებულები არიან იმ პროფესიით, რომლითაც დაინტერესებული ხართ. მათ შეუძლიათ მოგაწოდონ უშუალო ცოდნა თქვენს მოკლე სიაში არსებული ბარიერების შესახებ. გადახედეთ, როგორ გამოიყურება თითოეული სამუშაოს ყოველდღიურობა. შეამცირეთ სია თქვენი მოთხოვნის შესაბამისად, ეს შეიძლება იყოს:

• ხელფასი. ხელფასის ტენდენციები არის ინსტრუმენტი, რომელიც საშუალებას გაძლევთ ნახოთ ტენდენციები კონკრეტული სამუშაოსთვის სხვადასხვა ადგილას. google-ის საძოებო ველში შეიყვანეთ სამუშაოს დასახელება და მოიპოვებთ ინფორმაციას ხელფასის დიაპაზონის.

• სამუშაო მოთხოვნები. თქვენ შეიძლება გადაწყვიტოთ, რომ გარკვეული მოთხოვნების შესრულება თქვენთვის მიურღებელია.

• ზრდის შესაძლებლობები. მნიშვნელოვანია იცოდეთ, არის თუ არა თქვენ მიერ არჩეულ კარიერაში ზრდის შესაძლებლობა. 

• სამუშაო პერსპექტივა. კიდევ ერთი მნიშვნელოვანი ინფორმაცია არის ის, თუ რა ადგილს იკავებს თქვენი არჩეული სამუშაო შრომის ბაზარზე. ეს მოიცავს ისეთ მონაცემებს, როგორიცაა დაქირავების ტენდენციები. 

განსაზღვრეთ თქვენი მიზნები.

გადაწყვეტილების მიღების შემდეგ, განსაზღვრეთ თქვენი გრძელვადიანი და მოკლევადიანი მიზნები. შეადგინეთ კარიერის სამოქმედო გეგმა, წერილობითი დოკუმენტი, რომელიც ასახავს ყველა იმ ნაბიჯს, რომელიც დაგეხმარებათ თქვენი მიზნების მიღწევაში. იფიქრეთ მასზე, როგორც საგზაო რუკაზე, რომელიც მიგიყვანთ A წერტილიდან B-მდე და დაამატეთ თარიღი, რა დროშიც გსურთ მათი მიღწევა. ეცადეთ განსაზღვროთ ნებისმიერი მოსალოდნელი ბარიერი, რომელმაც შეიძლება შეგიშალოთ ხელი მიზნების მიღწევაში, დაასახეთ მათი გადალახვის გზები.

შექმენით მიღწევადი მიზნების სია, დაამატეთ შესრულების ვადები და ამით გადადგავთ დიდი ნაბიჯს არა მხოლოდ კარიერის არჩევისთვის, არამედ თქვენი ოცნების ასახდენად.

შეარჩიეთ პროფესია, რომლითაც კმაყოფილი იქნებით თქვენს მიერ შეგროვებული ყველა ინფორმაციის საფუძველზე. გააცნობიერეთ, რომ ცხოვრების ნებისმიერ ეტაპზე შეგიძლიათ არჩევანის შეცვლა.