როგორ შევადგინოთ რეზიუმე

რეზიუმე პერსონალური დოკუმენტია, სადაც გარკვეული წესების დაცვით წარმოდგენილია პეროსნალური ინფორმაცია, განათლება, უნარები და მიღებული გამოცდილება. პოტენციურ დამსაქმებელთან საკუთარი თავის წარმატებით წარმოსაჩენად მნიშვნელოვანია იყოს დაცული შემდეგი წესები:

ფორმატი

• რეკრუტერის მიერ თქვენით დაინტერესებას პირველ რიგში რეზიუმეს ფორმატი განსაზღვრავს. მნიშვნელოვანია, იყოს ლაკონური და ძირითადი ინფორმაციით დატვირთული. A4 ზომის და არ აღემატებოდეს 2 გვერდს.

• მარტივად აღსაქმელი და გასაგები შრიფტი, რომელსაც აკადემიურ სივრცეებში იყენებენ. მაგალითად, sylfaen, arial, calibri. 

• განყოფილებები გამოყავით მკაფიო ინტერვალებისა და პუნქტების გამოყენებით. ამ ტიპის განლაგება საშუალებას აძლევს პოტენციურ დამსაქმებლებს სწრაფად გადახედონ  განაცხადს და აირჩიონ მნიშვნელოვანი ინფორმაცია.

• რეზიუმეს ფაილი თქვნს იდენტიფიცირებას უნდა ახდენდეს, ამიტომ დაარქვით  თქვენი სახელი და გვარი.

• დამსაქმებელთან რეზიუმე PDF ფორმატში გააგზავნეთ.

ფოტო

პროფესიონალურად შედგენილი რეზიუმესათვის მნიშვნელოვანია, რომ ფოტო 3x4-ზე იყოს გადაღებული, რომელიც მოიცავს შემდეგ წესებს:

• გამოსახულება უნდა შეიცავდეს მხოლოდ სახეს და სხეულის ნაწილს გულმკერდის მიდამოდან დაშორებით; 

• რეკომენდირებულია ერთფეროვანი ფონი;

• არ უნდა იყოთ წარმოდგენილი ზედმეტი აქსესუარებით ან მაკიაჟით, რომლებიც სახეს ფარავს;

• მოერიდეთ ცუდად განათებულ ან ბუნდოვან სურათებს, ასევე სპეციალურ ეფექტებსა და ფილტრებს. 

• საჭიროა მხოლოდ წინ ყურება, თავი არ უნდა იყოს ზედმეტად დაბალა დახრილიან აწეული. 

• მნიშვნელოვანია ჩაცმულობაც, სურათის თვალსაჩინო ნაწილისავის შეეცადეთ გამოიყურებოდეთ პროფესონალურად.

  
  

პირადი ინფორმაცია

პირადი ინფორმაცია, ისევე როგორც სხვა პუნქტები გარკვეულ შემთხვევაში უნდა ერგებოდეს სამსახურის მოთხოვნებს. მაგალითად, თუ აპირებთ მძღოლად მუშაობას აუცილებელია მართვის მოწმობის ტიპის მითითება. ან თუ სამსახურის მდებარეობა სპეციფიკურია მიუთითეთ მისამართი. წინააღმდეგ შემთხვევაში არარელევანტურია მსგავსი პუნქტების აღნიშვნა. პირადი ინფორმაცია ძირითად შემთხვევებში უნდა მოიცავდეს:

• სახელსა და გვარს;

• ელ. ფოსტას;

• დაბადების თარიღს;

• ტელეფონის ნომერს.

სამუშაო გამოცდილება

დაალაგეთ ქრონოლოგიურად და უახლესი გამოცდილება მოათავსეთ განყოფილების თავში. მიუთითეთ კომპანიის დასახელება, მუშაობის პერიოდი და ძირითადი პასუხისმგებლობები. მნიშვნელოვანია, რომ მიღებული გამოცდილება შეესაბამებოდეს სამუშაოს, რომელზეც განაცხადებთ. თუ თქვენ გაქვთ სამუშაო გამოცდილება, ეს განყოფილება მოათავსეთ პირადი ინფორმაციის შემდგომ.

განათლება

მიუთითეთ მიღებული განათლების თარიღები, დაწესებულება და კვალიფიკაციის დონე. დაიწყეთ განლაგება უახლესიდან. 

უნარები და მიღწევები

რეზიუმეში აღნიშნული თქვენი უნარები სამუშაოს უნდა შეესაბამებოდეს. 

• უცხო ენები. მნიშვნელოვანია, აღწეროთ თქვენი ცოდნი დონე, რათა მომავალმა დამსაქმებელმა გაიგოს რამდენად კარგად წერთ, კითხულობთ და საუბრობთ. 

• საოფისე პროგრამების ცოდნა აუცილებელია მრავალი პოზიციისათვის. მნიშვნელოვანია, რომ თქვენს მიერ ჩამოთვლილი უნარები თანხვედრაში მოდიოდეს სამუშაოს აღწერაში არსებულ მოთხოვნებთან. ჩამონათვალს გაუკეთეთ აღწერა, თუ რა დონეზე ფლობთ თითოეულს (საბაზისო; საშუალო; სრულყოფილად).

კურსები, ტრენინები, მიღწევები, სერთიპიკატები.

შეგიძლიათ მიუთითოთ თითოეული მათგანი, იმ შემთხვევაში თუ განცხადებულ სამასახურთან თანხვედრაში მოდის.