სად დავსაქმდეთ პერსპექტიულად?

პროფესიის არჩევისას, მნიშვნელოვანი და გასათვალისწინებელი ფაქტორი დასაქმების პერსპექტივა და ბაზარზე არსებული ანაზღაურებაა. გარდა იმისა, რომ ჩვენი მენტალური კეთილდღეობისთვის გვჭირდება ვაკეთოთ საქმე, რომელიც გვიყვარს და სიამოვნებას გვანიჭებს, მნიშვნელოვანია მატერიალური კეთილდღეობაც, რისთვისაც ადეკვატურ ანაზღაურებას ვსაჭიროებთ. 

იმისთვის, რომ განვსაზღვროთ ლოკალურად არსებული მდგომარეობა დასაქმების ბაზარზე და ჩვენი უნარები შესაბამის საქმეს დავუკავშიროთ, წინასწარ პატარა კვლევის ჩატარება იქნებოდა რეკომენდირებული. მაგალითად, გადავხედოთ სტატისტიკას, თუ როგორ იცვლება ანაზღაურება წლიდან წლამდე ამა თუ იმ სფეროში, რომელი დარგებია მეტნაკლებად სტაბილურად მაღალანაზღაურებადი და განვითარების პერსპექტივის მომცემი ჩვენს კარიერულ გზაზე. შემდეგ დავფიქრდეთ რამდენად შეესაბამება ჩვენი გამოცდილება და ინტერესები აღნიშნულ სფეროს და აქედან გამომდინარე დავგეგმოთ ჩვენი კარიერა. საკითხის მოკვლევაში მნიშვნელოვანწილად დაგვეხმარება საქართველოს სტატისტიკის ეროვნული სამსახურის მიერ აკუმულირებული მონაცემები, სხვადასხვა შემაჯამებელი სტატიები და ბოლოს ვაკანსიების ვებგვერდები.

შევეცდები, მკითხველს საქმე გავუმარტივო და მზა მასალა დავახვედრო საქართველოს ბაზარზე არსებული ბოლო სამი წლის მონაცემების მოკლე მიმოხილვით. ზოგიერთი სფერო, მათი მაღალი მოთხოვნადობიდან გამომდინარე საშუალოდ ყველაზე მაღალანაზღაურებად სამეულში ადგილს უპირობოდ იკავებს და წლიდან წლამდე საშუალო ანაზღაურების ოდენობაც ზრდადი აქვს.

საფინანსო და სადაზღვევო საქმიანობები

პერსპექტიული და შედარებით მაღალანაზღაურებადია მაგალითად საფინანსო და სადაზღვევო საქმიანობები. ფინანსური სექტორის ჩართულობა მაღალია ყველა კომპანიის საქმიანობაში და შესაბამისად, ის ყოველთვის აქტუალურია. ასევეა სადაზღვევო კომპანიებიც, ისინი თავიანთი მომსახურების შეთავაზებით ხელს უწყობენ სხვა კომპანიების თანამშრომლების სამუშაო კმაყოფილების ამაღლებას და გარდა ამისა, მათი ოპერირების სფერო ადამიანისთვის ყველაზე მნიშვნელოვან ნაწილს - ჯანმრთელობას, სიცოცხლესა და უსაფრთხოებას ეხება, რის გამოც დაზღვევაზე მოთხოვნა ყოველთვის არსებობს. საშუალო ხელფასი წლების მიხედვით შემდეგნაირად გადანაწილდა:

• ·        2019 წელს  2030 ლარი
• ·        2020 წელს - 2157 ლარი
• ·        2021 წლის მეოთხე კვარტლის მონაცემების მიხედვით -  2431 ლარი.

 საფინანსო და სადაზღვევო საქმიანობამ სამი წლის განმავლობაში მიჯრით დაიკავა თავისი ნიშა პირველ სამეულში.

სამშენებლო სფერო

მაღალანაზღაურებად დარგებში შედის ასევე მშენებლობის სფეროც, სადაც ანაზღაურების საშუალო მაჩვენებელი შემდეგნაირად ნაწილდება ბოლო პერიოდის განმავლობაში:

• ·        2019 წელს - 1631 ლარი
• ·        2020 წელს - 1715 ლარი
• ·        2021 წელს - 2209 ლარი

ამ საპასუხისმგებლო სფეროში, როგორიც მშენებლობა და რემონტია, დასაქმების მსურველებს ss.ge უხვად სთავაზობს ვაკანსიებს .

ინფორმაცია და კომუნიკაციები

სამეულში ბოლო სამი წლის განმავლობაში ადგილს ინფორმაცია და კომუნიკაციებისა და პროფესიული, სამეცნიერო და ტექნიკური საქმიანობები იყოფენ. ეს უკანასკნელი 2019 წელს ბაზარზე ყოველთვიურად საშუალოდ 1896 ლარიანი ხელფასით იყო წარმოდგენილი, ხოლო 2020 და 2021 წლებში სამეულში პოზიციები ინფორმაციისა და კომუნიკაციების დარგმა შემდეგნაირად გაიმყარა:

• ·        2020 წელს - 1886 ლარი
• ·        2021 წელს - 2270 ლარი

2022 წელს მიმდინარე სტატისტიკა, ჯერჯერობით, მხოლოდ პირველი კვარტლის მონაცემებს მოიცავს და მის შესახებ ინფორმაცია ხელმისაწვდომია