როგორ დავძლიოთ ნერვიულობა გასაუბრების დროს

შესანაშნავია, როდესაც საოცნებო სამსახურიდან დაგირეკავენ და გასაუბრებაზე მისვლას შემოგთავაზებენ. ამაში ცუდი რა უნდა იყოს, ან რატომ ვინერვიულოთ? მაგრამ მაინც არ გვასვენებს შფოთვის შეგრძნება. სინამდვილეში, როგორც ნემისნიერი უცხო მოვლენის წინ, ინტერვიუმდე მცირე დაძაბულობა და ღელვა, სრულიად ბუნებრივი და ჯანსაღი რეაქციაა. ცუდი, მხოლოდ მაშინ არის, როდესაც შფოთვა გადაჭარბებულ სახეს იღებს და ტვინის უბნების პარალიზებას იწვევს.

ღელვამ არ უნდა შეგვიშალოს ხელი პროფესიონალურ დიალოგში პოტენციურ დამსაქმებელთან და თუ იცი რომ განგაშის შეგძრნება შენი სისუსტეა, ხოლო საპასუხისმგებლო საუბარი აკანკალებული ხელებით და არეული ფიქრების თანხლებით მიმდინარეობს, ესე იგი ეს პრობლემა უნდა გადავჭრათ.

სხეული დაგეხმარება - „ყველაფერი მიკანკალებსო“ ხომ გითქვამს, ასეთი მდგომარეობის დაძლევა შეიძლება თუ ხელის მტევნებს და წვივებს ძლიერად ააკანკალებ, თითქოს რაღაცას ფერთხავ. სხეულსა და ემოციებს შორის მჭიდრო კავშირია და ეს შეგიძლია მოჭარბებული ემოციების დასათრგუნად გამოიყენო. წარმოიდგინე რომ წყალი უნდა ჩამოიფერთხო მხრებიდან, მკლავებიდან, ხელის წვივებიდან და მტევნებიდან, სწრაფად იმოძრავე და წარმოსახვით წყალთან ერთად ნერვიულობასაც განდევნი. 

თუ მუხლები გიკანკალებს - დაჯექი კომფორტულად და  სახსრები დაჭიმე, ხოლო თუ თვალებში სიბნელე შემოგაწვა - თვალებზე ხელები აიფარე ერთი-ორი წუთის განმავლობაში და ღრმად ისუნთქე.

თუ ხელისგულები შფოთვისგან გიოფლიანდება, გაიმშრალე ხელები და შეეცადე გაათბო ისინი. დაიზილე თითები, შემდეგ  ჩამოიბანე თბილი წყლით და გაიმშრალე.

თუ ნერვიულობისგან პირი გაგიშრა, შეგიძლია შეხვედრაზე წყლის ბოთლი შეიტანო,

იმისთვის რომ უცნობებთან საუბრისთვის განეწყო, ორატორული ხერხი გამოიყენე. უყურე შენს თავს სარკეში, ჩახედე თვალებში და ათჯერ ღრმად ჩაისუნთქე. ნელა ჩაისუთქე და ამოსუნთქვისას არ შეყოვნდე. შეინარჩუნე ყურადღებიანი მზერა. ეს დამშვიდებაში და კონცენტრირებაში დაგეხმარება.

საუბრის დაწყებამდე: 

• ამოისუნთქე, საუბარი დაიწყე ამოსუნთქვისას და არა სავსე ფილტვებით;
• მხრები მოადუნე და ჩამოუშვი, ეს დაგეხმარება რომ დაძაბული ხმით არ ისაუბრო;
• გახსოვდეს საუბრის მიზანი. შენს შეგრძნებებზე კონცენტრირება კიდევ უფრო გაგიძლიერებს პანიკას. ამიტომ პასუხის გაცემის დროს იფიქრე, რატომ მოხვედი ამ კომპანიაში, რა შედეგებს მიაღწიე სანამ აქ მოხვდებოდი და რა ინტერესები გაქვს სამომავლოდ. ახლა, მხოლოდ ერთი რამ გჭირდება, ეს აზრები თანამოსაუბრეს გადასცე.

გაანაწილე დრო და ცოტა გაისეირნე -  შეგიძლია 15 წუთით ადრე მიხვიდე დანიშნულების ადგილას, ეს მოგცემს საშუალებას იქვე გაისეირნო და დამშვიდდე. სუფთა ჰაერი და სეირნობა აზრების გამოცოცხლებაში დაგეხმარება. თუ საზოგადოებრივი ტრანსპორტით მგზავრობ, ერთი გაჩერებით ადრე ჩამოდი და ფეხით გაყევი გზას. რასაკვირველია, აქ იგულისხმება როდესაც ამის დრო გაქვს, გასაუბრებაზე დაგვიანება არც კი განიხილება.

შეეგუე უარს - გასაუბრებისას ყველაზე საშინელი უარის თქმის ალბათობაა. სამსახურის ძებნის გახანგრძივებული პროცესი და ფინანსური პრობლემები, კიდევ უფრო, უწყობს ხელს შფოთვას. გეჩვენება რომ, რადაც უნდა დაგიჯდეს, ეს სამსახური უნდა მოიპოვო და უარზე ფიქრსაც კი გაურბიხარ.

ყოველ ვაკანსიაზე ათობით, ასობით, ხოლო ზოგჯერ ათასობით გამოხმაურებასაც იღებენ კომპანიები. აქედან გამომდინარე, სტატისტიკურადაც კი მაღალია იმის ალბათობა, რომ დამსაქმებლები ერთმანეთის მიყოლებით გეტყვიან უარს. წინასწარ მოემზადე სიტუაციის ასეთი განვითარებისთვის: დიახ, უარსაც გეტყვიან, მაგრამ ეს არ ნიშნავს რომ ცუდი სპეციალისტი ხარ. ეს მხოლოდ იმას ნიშნავს, რომ კონკრეტულად ამ სამსახურში და მოცემულ კომპანიაში, დამსაქმებელმა სხვა აირჩია, შეიძლება არც მოგწონებოდა აქ, სხვას კი ზუსტად შენ სჭირდები. 

დაამუშავე შენი აზრები, იცოდე რომ სამსახურზე უარი ყველაზე უარესი რამ არ არის, რაც შეიძლება დაგმართნოდა და შთააგონე თავს, რომ აუცილებლად იპოვი შესაბამის სამსახურს. წარმოიდგინე სიტუაციის განვითარების ყველაზე საშინელი ვარიანტები და დეტალები აბსურდამდე გააზვიადე, - რეკრუტერი ვიღაცის პირად ცხოვრებაზე ჭორაობს, მენეჯერი ვიღაცას კაბის სიგრძეს უწუნებს, დეპარტამენტის ხელმძღვანელი მუშაობის დროს ყურს უწევს თანამშრომლებს. როდესაც საკმარისად ფანტასტიკურ სცენარამდე მიხვალ, შვებას იგრძნობ და ნერვიულობაც გაგიქრება.

შეაგროვე ინფორმაცია დამსაქმებელზე - სამსახურის მაძიებლებს ხშირად ჰგონიათ, რომ გასაუბრება მათთვის პასიურ როლში ყოფნაა. სინამდვილეში ეს ორმხრივად რთული და კომპლექსური პროცესია, სადაც ორივე მხარე ემზადება მომავალი შეხვედრისთვის და აგროვებს ინფორმაციას. შეისწავლე კომპანია ყველა დასაშვები ხერხით, დაათვალიერე მათი გვერდი სოციალ ქსელებში, მოძებნე გამოქვეყნებული სტატიები თუ ბლოგები, გაანალიზე რა მოცულობის სამუშაო გელოდება თუ აქ დასაქმდები, როგორი გარემოა ამ კომპანიაში და სხცა დეტალები. ინფორმირებულობა დაგეხმარება არამხოლოდ პრაქტიკული თვალსაზრისით, არამედ შენი ინტერესი და მოტივაციის გამომჟღავნება მნიშველოვნად აისახება პოტენციური დამსაქმებლის კეთილგანწყობაზე.

მოემზადე კითხვებისთვის - რამდენი არასასიამოვნო, უხერხული, ხოლო ზოგჯერ სასაცილო კითხვაც დაუსვამთ გასაუბრებაზე. ძნელია გიყვარდეს კითხვა,-  სად ხედავ შენს თავს 10 წლის შემდეგ, როდესაც საქართველოში ცხოვრობ, შენს ირგვლივ ფრიად არასტაბილური გარემოა და არც ისე ბევრი რამ არის შენზე დამოკიდებული. რეალობას აცდენილი კითხვები არაპროფესიონალიზმზე მეტყველებს და შეიძლება პროფესიონალების კარგ გუნდთან ასეთი შემთხვევა არც გვქონდეს, მაგრამ არის კითხვები, რომლებსაც ვერსად გავექცევი. ფულზე საუბარი უხერხულია, თუმცა გარდაუვალი, ასე რომ იცოდე, აუცილებლად გკითხავენ სახელფასო მოლოდინზე, წინა სამსახურიდან წამოსვლის მიზეზებზე, ასევე რატომ გსურს აღნიშნულ კომპანიაში დასაქმება. გარდა ამისა, HR-ები ხშირად სვამენ კითხვას, რა არის ჩვენი სუსტი მხარე, გასაოცარია მაგრამ ამისთვისაც არსებობს გარკვეული ხრიკი, შეგიძლია, ამ შემთხვევაშიც, რამე დადებითი უთხრა, მაგალითად პასუხისმგებლობის გადაჭარბებული გრძნობა. გონებაში წარმოიდგინე ყველა შესაძლო კითხვა, რაც შეიძლება დაგისვან და წინასწარ მოამზადე პასუხები.

თავადაც დასვი კითხვები - ინფორმაციის ნაკლებობამ შეიძლება არათავდაჯერებულობა გამოიწვიოს. ნამდვილად საჭირო ხარ ამ სამსახურში? ყველაფერი იცი ხელფასის, სამუშაო განრიგის და კომპანიის საქმიანობის შესახებ? არ მოგერიდოს კითხვების დასმა და გაარკვიე რა მოლოდინები აქვს შენგან დამსაქმებელს, ან ზუსტად რა შევა შენს მოვალეობებში. ინიციატივის შენს ხელში აღება ურთიერთობას გაგიადვილებს და თავდაჯერებულობას შეგძენს.

ეს მეთოდი იმითიც არის კარგი, რომ უფრო გაგიადვილებს შენს თავზე მოყოლას, იქნებ ზუსტად ასეთი სამუშაოს შესრულება უკვე გიწევდა, ან შენი წარსული განსხვავებული გამოცდილება სასარგებლო იყოს პრობლემების ახლებულად გადაჭრისთვის. 

ყურადღება მიაქციე საუბრის ტემპს. ინდივიდუალური რეაქციიდან გამომდინარე, განგაშის შეგრძნების დროს, ის შეიძლება ზედმეტად აჩქარდეს ან შენელდეს. თუ შეამჩნევ რომ ზედმეტად სწრაფად საუბრობ და ჩვეულებრივზე უფრო მეტად ჟესტიკულირებ, შეგნებულად დაამუხრუჭე ის. შეიკავე სისწრაფე და ჟესტები უფრო მშვიდი გახადე, ტვინი დაუყოვნებლივ მოახდენს რეაგირებას, დამუხრუჭებაში თავად დაგეხმარება და საუბრის მანერა ისევ მშვიდი გაგიხდება.

დამსაქმებელიც შენსავით ადამიანია - კანდიდატებს ეჩვენებათ რომ გასაუბრებას გაუტეხელი ზეადამიანები ატარებენ, რომლებიც თავად არ ნერვიულობენ და ადვილად შეუძლიათ თავის ხელში აყვანა. რასაკვირველი HR-ებიც ადამიანები არიან, ხოლო თუ გასაუბრებას მომავალი უფროსი გიტარებს, ესე იგი, ის თავადაც უჩვეულო სიტუაციაში აღმოჩნდა. მას, შეიძლება იმდენად დიდი სურვილი ჰქონდეს კარგი თანამშრომელი იპოვოს, რომ თავადაც დასამშვიდებელი გახდეს. 

შეინარჩუნე კეთილგანწყობილი ტონი და საუბარი მშვიდად წარმართე. ზედმეტი დაძაბულობის გარეშე გამართული გასაუბრება, ორივეს მოგცემთ შესაძლებლობას მიიღოთ ერთმანეთზე საკმარისი ინფორმაცია და ასეთი ურთიერთობით კმაყოფილნი დაემშვიდობოთ ერთმანეთს. 

რაც ყველაზე მნიშვნელოვანია, არ მიიღო ეს შეხვედრა ისე, თითქოს მთელი შენი ცხოვრება ამაზე იყოს დამოკიდებული. აქ არ მიგიღებენ - სხვაგან გამოვა და სადღაც სხვაგან, ზუსტად შენ გელოდებიან.