სამუშაო ძალის მაჩვენებელი საქართველოში 2022 წლის მდგომარეობით

სამუშაო ძალა ერთერთი მნიშვნელოვანი ასპექტია ქვეყნის ეკონომიკური განვითარებისთვის. მას ქვეყნის მოსახლეობის 15 წლის ასაკზე უფროსი ადამიანები შეადგენენ, რომლებიც შრომისუნარიანები არიან და ეძებენ სამსახურს ან დასაქმებულები არიან. შრომის კოდექსის მიხედვით, 16 წლიდან შრომით ურთიერთობაში ყოფნა უკვე შესაძლებელი და ნებადართულია, აქედან გამომდინარე სამუშაო ძალის ასაკი 15 წლის ზევით ითვლება, თუმცა, რა თქმა უნდა, მაჩვენებლის გაზრდის მიზნით არ ავალდებულებს სკოლის მოსწავლეებს, რომ დასაქმებულები იყვნენ სწავლის პარალელურად.

სამუშაო ძალის სტრუქტურაზე გავლენას ახდენს მრავალი ფაქტორი, მათ შორისაა მაგალითად, მოსახლეობის რაოდენობა, ეკონომიკური განვითარების მდგრადობა, საშუალო სახელფასო განაკვეთები. სამუშაო ძალაში, შესაძლოა, ვერ მოხვდეს ყველა ის ადამიანი, რომელიც ქვეყანაში 15 წლის ზემოთაა, რადგან მათ შორის აუცილებლად იქნებიან ისეთი ადამიანები, რომლებიც ჯანმრთელობის მდგომარეობის გამო შრომისუნარიანებად ვერ განისაზღვრებიან, იმყოფებიან პატიმრობაში ან არ ეძებენ სამსახურს მოცემულ მომენტში.

საქართველოს სტატისტიკის ეროვნული სააგენტოს მონაცემებზე დაყრდნობით, რომელიც  გამოქვეყნდა, საქართველოში 2022 წლის მეორე კვარტლის მდგომარეობით სამუშაო ძალის მაჩვენებლები შემდეგნაირად გადანაწილდა:

უმუშევრობის დონე - 18.1%

ქალები - 15%

მამაკაცები - 20.5 %

უმუშევრობის დონე ქალაქში - 20.2%

უმუშვრობის დონე სოფლად - 15.1%

უმუშევრობის დონე, აღნიშნული მონაცემების მიხედვით, შემცირდა წინა პერიოდთან შედარებით როგორც საერთო მაჩვენებლით, ისე სქესისა და გეოგრაფიული არეალის ჭრილში. რაც შეეხება დასაქმების დონეს, გაზრდილია მაჩვენებელი წინა პერიოდთან შედარებით როგორც საერთო მაჩვენებლის გათვალისწინებით, ისე სქესის მიხედვით და სოფელსა და ქალაქში გადანაწილებით.

დასაქმების დონე - 42.2%

ქალები - 34.6%

მამაკაცები - 51.1%

დასაქმების დონე ქალაქში - 42.8%

დასაქმების დონე სოფლად - 41.4%

რაც შეეხება სამუშაო ძალის მონაწილეობის დონეს, ის 51.1%-ს შეადგენს, რაც ამავე მაჩვენებელს წინა პერიოდთან შედარებით მხოლოდ 0.1%-ით აღემატება. აღნიშნულ კატეგორიაში 1.6%-ით შემცირებულია ქალაქში სამუშაო ძალის მონაწილეობის დონე, ხოლო დანარჩენ სამ კატეგორიაში - სოფლად და ორივე სქესის შემთხვევაში გაზრდილია მაჩვენებელი.

სამუშაო ძალის მონაწილეობის დონე - 51.5%

ქალები - 40.8%

მამაკაცები - 64.2%

ქალაქში - 53.6%

სოფლად - 48.8%

სამუშაო ძალის კვლევისას გასათვალისწინებელია ის ფაქტი, რომ საკითხის კვლევა განსხვავებულად ხდება განვითარებული და განვითარებადი ქვეყნების შემთხვევაში. სამუშაო ძალის სტრუქტურის შესწავლას სჭირდება ისეთი განსხვავებული თვისობრივი კვლევების ჩატარება, როგორიც ტარდება აშშ-სა და ევროპის განვითარებულ ქვეყნებში, რაც მკვლევარებს და ჩართულ მხარეებს წარმოდგენას უქმნის შრომითი ბაზრის შესახებ და უმუშევრობის პრობლემის ეფექტურად და ეფექტიანად აღმოფხვრას უწყობს ხელს. ევროპასა და ამერიკაში უმუშევრობის კვლევები ტარდება ILO სტანდარტების დაცვით და მონაცემთა აღრიცხვა ყოველთვიურად ხდება.