როგორ შევარჩიოთ სახლი ხანმოკლე ინვესტიციისთვის, გადაყიდვის მიზნით

უკანასკნელი 6-9 თვის განმავლობაში, რაც რუსეთის უკრაინაში შეჭრის პერიოდს და მის შედეგებს ემთხვევა, თბილისსა და ბათუმში მკვეთრად შეიცვალა საბინაო ბაზარი. აღნიშნული მეტ-წილად განპირობებულია დასავლეთის მიერ რუსეთისთვის დაწესებული სანქციებით და აღნიშნულით გამოწვეული ეკონომიკური პრობლემებით მეზობელ სახელმწიფოში. შედეგად, თბილისსა და ბათუმში მოთხოვნა უძრავ ქონებაზე, ფაქტობრივად გაორმაგდა. საბინაო ბაზარი, განსაკუთრებით გაქირავების მიმართულებით, მოუმზადებელი შეხვდა გაზრდილ მოთხოვნას, რამაც გასაქირავებელი ბინების დეფიციტი გამოიწვია. TBC კაპიტალის 2022 წლის ოქტომბრის კვლევის შედეგების მიხედვით, თბილისში წინა წლის იმავე პერიოდთან შედარებით, ქირა უმეტეს უბნებში გაორმაგებულია. ამავე კვლევის მიხედვით, 2022 წლის ოქტომბერში, საშუალო გასაყიდი ფასი კვ.მ-ზე უბნების მიხედვით 750$-1800$ ფარგლებში მერყეობდა. ყველაზე მაღალი ფასები სოლოლაკში, ვაკეში, ვერაზე და მთაწმინდაზე დაფიქსირდა. ხოლო, საშუალო გასაქირავებელი ფასის ინტერვალი 9$-14$-ია.

აღნიშნულმა ცვლილებებმა ბევრი ადამიანი დააფიქრა უძრავ ქონებაში განეხორციელებინა ინვესტიცია, რამდენადაც გაჩნდა ახალი პერსპექტივები, მარტივად გამოვიმუშავოთ ფული. დღეს, უძრავ ქონებაში განხორციელებული ინვესტიცია მიმზიდველია არამხოლოდ გარანტირებული მოგების გამო, არამედ ის ასევე არის პასიური შემოსავლის უნიკალური წყარო, როდესაც შეგიძლია დროისა და შრომის მინიმალური რესურსის ჩადებით, მიიღო შემოსავალი. იოლი ფული მიმზიდველია ყველასთვის, მათთვის ვისაც ბიზნესში ინვესტირების არც ისე ფართო გამოცდილება აქვს და მათთვისაც, ვინც დაკავებულია და არ შეუძლია დროის ძვირფასი რესურსის განაწილება.

მიუხედავად იმისა, რომ უძრავი ქონება ზოგადად გრძელვადიან ინვესტიციად მიიჩნევა, არსებობს ხანმოკლე ინვესტიციის ფორმებიც, რაც ბინის გადაყიდვას გულისხმობს. ამ შემთხვევაში, შეგვიძლია შევიძინოთ როგორც მშენებარე ბინა და მშენებლობის დასრულებისთანავე სარფიანად გადავყიდოთ, ასევე შესაძლებელია შევიძინოთ ბინა უკვე დასრულებულ, საბჭოთა პერიოდში აშენებულ საცხოვრებელ კორპუსში, გავარემონტოთ და მცირე ხნის შემდეგ უფრო ძვირად გავყიდოთ. განვიხილოთ ორივე ვარიანტი.

როგორ შევარჩიოთ მშენებარე ბინა გადაყიდვის მიზნით

ინვესტორისთვის ყველაზე მნიშვნელოვანი კარგი რეპუტაციის მქონე სანდო დეველოპერის შერჩევის საკითხია, რომელიც დროულად აბარებს პროექტებს, არ უშვებს შეცდომებს დასრულების და სამონტაჟო სამუშაოებში და მომხმარებელს აძლევს გარანტიას. მშენებლობის საწყის ეტაპზე ბინის შერჩევას დიდი პლუსი აქვს, ამ დროს ბინების უმეტესი ნაწილი თავისუფალია და თამამად შეგიძლიათ შეარჩიოთ როგორც სართული, ასევე ფართობი და სხვა ნებისმიერი დეტალი, რაც შემდეგ ეტაპზე შეუძლებელი იქნება. ხოლო, ფასის თვალსაზრისით, მშენებლობის დაწყებიდან მის ჩაბარებამდე საშუალოდ 10-50 %-ით იზრდება ღირებულება. მშენებლობის შუა ეტაპზე უძრავი ქონების შეძენისას კი განხორციელებული ინვესტიციის მოგებამ, შეიძლება საშუალოდ 20-30 % შეადგინოს. მშენებარე ბინები და სანდო დეველოპერები, მარტივად შეგიძლიათ ონლაინ იპოვოთ HOUSE.GE-ზე. დეტალურად გაეცანით სამშენებლო კომპანიებს, ნახეთ მათი პრიორიტეტები, წაიკითხეთ მათი ისტორია და გაიგეთ მათი ძლიერი თუ სუსტი მხარეები. ეს მოგცემთ საშუალებას სანდო პარტნიორი შეარჩიოთ, რომელიც მოლოდინებს არ გაგიცრუებთ. ეს მნიშვნელოვანია, რადგანაც სწორედ ის არის პასუხისმგებელი, როგორი სახლი უნდა აგიშენოთ. აქ, ასევე შეგიძლიათ შეარჩიოთ ბინა პროექტის და გეგმარების მიხედვით. ხოლო, თქვენთვის საინტერესო არეალში ბინის ადვილად საპოვნელად, შეგიძლიათ რუკით ძებნა გამოიყენოთ.

რა გავითვალისწინოთ ძველ აშენებულ კორპუსში ბინის შეძენისას

საბჭოთა ეპოქაში აშენებულ კორპუსში ბინის შეძენისას მოგება შეგიძლიათ ნახოთ მისი გარემონტებით და რემონტის დასრულებისთანავე უფრო ძვირად გადაყიდვით. არსებობს გავრცელებული მოსაზრება, რომ საბჭოთა წლებში ყველაფერი კაპიტალურად და საუკუნოდ შენდებოდა და ახლა თითქოს შეუძლებელია მაღალი ხარისხის თანამედროვე სახლის პოვნა თხელი კედლების გარეშე. მეორე მხრივ, მშენებარე კორპუსში ბინა ბევრად ნაკლები ეღირება, ვიდრე 60-70-იანი წლების პანელის ჩვეულებრივ მაღალსართულიან კორპუსში. მაგრამ ყველა სახლს აქვს თავისი დადებითი და უარყოფითი მხარეები.

ძველი აშენებული სახლების, მათ შორის საბჭოთა პერიოდის, ან უფრო ძველი შენობების მთავარი უპირატესობა, არჩევანის შესაძლებლობაა. ბინის შეძენა შესაძლებელია ისეთ ტერიტორიაზეც კი, სადაც ახალი მშენებლობები საერთოდ არ არის და არც ადგილია სხვა სახლების ასაშენებლად. მაგალითად, თბილისის ისტორიულ ნაწილში, მთაწმინდაზე, სოლოლაკში და სხვა ახლომახლო უბნებში. საკმარისია განვსაზღვროთ გარკვეული პარამეტრები, რომლებსაც საცხოვრებელი უნდა შეესაბამებოდეს: მდებარეობა, სართული, ფართობი და ა.შ.

ამრიგად, ხანმოკლე ინვესტიციის განხორციელება მომგებიანი იქნება, როგორც მშენებარე კორპუსებში კარკასის შეძენის შემთხვევაში. ასევე, ძველი აშენებული სახლის ყიდვის შემთხვევაშიც. არჩევანი, ამ შემთხვევაში უნდა გააკეთოთ, უშუალოდ საინვესტიციო ქონების პარამეტრების და თქვენი ინდივიდუალური მოთხოვნების მიხედვით.