როგორ შევიცვალოთ სამსახური და პროფესია 40 წლის შემდეგ?

ცხოვრებაში ცვლილებები და სიახლეები არასდროსაა გვიან. მიუხედავად იმისა, თუ ხელოვნურად შექმნილი ნორმები გვიბიძგებენ ჩარჩოებში ჩავსხდეთ და „ასაკისთვის შეუფერებელი“ ქცევები არ განვახორციელოთ, დროა, რომ დავივიწყოთ რას იტყვიან სხვები და არასოდეს შევწყვიტოთ განვითარება, სიახლეებისკენ სწრაფვა და ინტერესის გამოხატვა-დაკმაყოფილება.

დღესდღეობით, 40 წელს გადაცილებული ადამიანებისათვის ძალიან ბევრი ტექნოლოგიური სიახლე და ახლად შექმნილი პროფესიებია, რომლებიც არ არსებობდა მაშინ, როცა ისინი ირჩევდნენ თავიანთ მომავალ პროფესიებს და გეგმავდნენ, თუ სად უნდოდათ მუშაობა. ახალი თაობა თავიდანვე მისდევს განვითარების იმ საფეხურებს, რომლის სწავლაც ახლა უწევს წინა თაობას, შესაბამისად მათ ადაპტაციისა და მორგებისათვის გარკვეული დრო სჭირდებათ ახალ რეჟიმზე გადასაწყობად და ახალი ცოდნების გადასამუშავებლად. თუმცა, სწავლისთვის არასდროსაა გვიანი და შესაბამისად, ცვლილებები ნებისმიერ ასაკში შესაძლებელია. პირველ რიგში, ადამიანმა ადრეული ასაკიდანვე უნდა გააცნობიეროს, რომ ცხოვრების სხვადასხვა ეტაპზე განსხვავებული მოთხოვნილებები და პასუხისმგებლობები ექნება, ამისთვის კი თავიდანვე უნდა იზრუნოს და ნიადაგი მოიმზადოს. საკუთარ თავზე მუშაობა ერთერთი პირველი და მთავარი კომპონენტია, რაც გულისხმობს როგორც საკუთარი კარიერის შენებას, ასევე პიროვნულ თვისებებზე მუშაობას. სიახლის მიმართ ღიაობა და მზაობა უფრო მნიშვნელოვანი ფაქტორებია, ვიდრე ციფრებში გამოხატული ასაკი. ეს პიროვნული თვისებები დაგეხმარებათ, რომ მეტად ადაპტური იყოთ ახალი გარემოს მიმართ და რაც მთავარია, დამსაქმებლისგან მიიღოთ ნდობა და დადებითი განწყობა. ასაკის ფაქტორი კი სრულებით არ არის შემაშფოთებელი, თუკი განვლილ წლებს ისე აღიქვამთ, როგორც დაგროვილ გამოცდილებას და ამას თქვენდა სასიკეთოდ იყენებთ თქვენს მიმდინარე კარიერასა თუ ცხოვრებაში. აღსანიშნავია, რომ ზოგჯერ ვაკანსიის ტექსტებშიც კი არის დაკონკრეტებული ასაკობრივი კატეგორიები, თუმცა ეს ფატორი არასწორია და ვაკანსიის ტექსტის შემდგენის არაკვალიფიციურობაზე მიუთითებს.

ასაკი ახალი მწვერვალების დასაპყრობად შემაფერხებელი გარემოება ნამდვილად არ არის, სრულიად შესაძლებელია ახალი დისციპლინის დაუფლება, უნივერსიტეტში თავიდან ჩაბარება... ამისთვის არ არსებობს ასაკობრივი შეზღუდვა. შესაძლოა თქვენივე პროფესიაში გსურდეთ ცოდნის გაღრმავება და ხარისხის ამაღლება და თუნდაც 40 წლის შემდეგ დაიცვათ მაგისტრის ან დოქტორის ხარისხი, შესაძლოა სულაც ახალმა სფერომ დაგაინტერესოთ და ამისთვის უნივერსიტეტში ჩაბარება თუ არა, ტრენინგების გავლა გადაწყვიტოთ, რაშიც ასევე შეუზღუდავია ასაკი.

40 წლამდე დაგროვილი გამოცდილებით დასაქმება შესაძლებელია წამყვან და ხელმძღვანელ პოზიციებზე. ამმხრივ, მნიშვნელოვანი ფაქტორია, რომ წლების მანძილზე რეალურად გქონდეთ დაგროვილი კაპიტალი გამოცდილებისა და ცოდნის კუთხით. პირველი სამუშაოს მოძიება ყვალა ასაკში გარკვეულ სირთულეს წარმოადგენს. განსხვავება მხოლოდ იმაში მდგომარეობს, რომ პატარა ასაკში შესაძლებელია, რომ სტაჟირებას ან ასისტენტობას დათანხმდეთ, ვინაიდან ნაკლები ცხოვრებისეული პასუხისმგებლობები გაქვთ (თუმცა, რა თქმა უნდა, არსებობს გამონაკლისი შემთხვევებიც). უფროს ასაკში უკვე რთული ხდება სტაჟირება და ასისტენტობა, დამწყები პოზიციებზე დასამების სურვილი და გამოცდილების არარსებობს გარკვეულ კითხვებსაც კი აჩენს ხოლმე და ამიტომ, ჯობს, რომ ერთ სფეროში მაინც გქონდეთ დაგროვილი გამოცდილება. ახალი კარიერის დაწყებაშ კი ძველი კარიერიდან შემორჩენილი ცოდნებიც დაგეხმარებათ. იმ სტერეოტიპების დამსხვრევაში კი, რომელიც შუა ხნის ასაკის ადამიანებს სიახლეებისადმი გულგრილად წარმოაჩენს, თქვენივე თვითგანვითარებით მიიღებთ მონაწილეობას.

თუ აპირებთ კარიერის შეცვლას და რაღაც გაფერხებთ, ჩათვალეთ, რომ ეს ნიშანია და ამ ბმულის დახმარებით გაეცანით ss.ge-ს ტრენინგების განყოფილებას.