მშენებლობა ნულიდან VS რენოვაცია - რომელია მომგებიანი და რატომ?

მშენებლობასა და რენოვაციას შორის რომელი უფრო ბიუჯეტური ვარიანტია, რთულია ითქვას დანამდვილებით, რადგან გააჩნია რამხელა სახლს აშენებთ ან არემონტებთ, კაპიტალური რემონტი გაქვთ დაგეგმილი თუ რომელიმე კონკრეტული ნაწილის მოპირკეთება და ბოლოს, რა მასალას იყენებთ.

პირველ რიგში, იმისთვის, რომ ზარალის ან ორმაგი ხარჯების წინაშე არ დადგეთ, შეარჩიეთ პროფესიონალი ხელოსნები, რომლებსაც რკეომენდაციაც ექნებათ და ასევე, მათი ნამუშევრების ნახვის შესაძლებლობაც გექნებათ. სამწუხაროა, მაგრამ რეალობაა და შესაბამისად, სათანადო დაფიქრებას საჭიროებს პროფესიონალის დაქირავება, რადგან შესაძლოა ელემენტარული სამუშაო იმდენად უხარისხოთ შეასრულონ, რომ მისი გამოსწორებისთვის მონგრევა და ხელახლა მოპირკეთება დაგჭირდეთ, რაც, დამეთანხმებით, რომ როგორც დროში ახანგრძლივებს რემონტის პროცესს, ასევე, ფინანსური რესურსის ზედმეტად ხარჯვასთან არის დაკავშირებული და გარდა ამისა, ფსიქოლოგიურადაც მოქმედებს.

კორპუსის ბინები, ძირითადად, უკვე დაპროექტებულია და მშენებლობის შემდგომი კაპიტალური რემონტის ხარჯები გაქვთ დასათვლეი. უკვე გარემონტებულის განახლებისას კი გააჩნია რას ცვლით, მხოლოდ კოსმეტიკური რემონტი გსურთ, კარ-ფანჯარა გაქვთ გამოსაცვლელი თუ სანტექნიკა, შესაბამისად უნდა დათვალოთ ის ხარები, რომელიც თქვენი საჭიროებების მიხედვით გექნებათ და ასევე გაითვალისწინოთ, რომ დათვლილ მასალაზე ოდნავ მეტი უნდა იყიდოთ ყველაფერი, რომ არ დაგაკლდეთ რემონტის დროს და მასალების დეფიციტში არ აღმოჩნდეთ.

რაც შეეხება კერძო სახლებს, ასეთ დროს უნდა შეაფასოთ ძველი სახლი რამდენად ავარიულ მდგომარეობაშია, თუკი ზედმეტად მოძელებულია და ყველაფრის გამოცვლას საჭროებს, შეიძლება მისი დანგრევა და სრულიად ახლის აშენება უფრო იაფი დაგიჯდეთ, ვიდრე მისი რემონტი და გამაგრებითი სამუშაოებია.

დიდი მნიშნელობა აქვს კვადრატულობას, რამხელა სახლის აშენებას გეგმავთ, რამდენსართულიანი იქნება და ასევე რა მასალით ფიქრობთ მის აშენებას. ასევე, არ უნდა დაგავიწყდეთ, რომ კორპუსისგან განსხვავებით, კერძო სახლს სჭრდება ღობე, რომელიც სახლის საფასურზე ნაკლები არ ჯდება და ასევე აქვს ეზო, რომელსაც მოპირკეთება და მუდმივი მოვლა სჭირდება. ხის მასალისგან დამზადებული კოტეჯის სტილის სახლები საბოლოო ჯამში შეიძლება უფრო ძვირი დაგიჯდეთ, ვიდრე ბეტონისგან ნაშენები კაპიტალური სახლები, ვინაიდან ხის მასალა საკმაოდ ძვირია. ასევე, არსებობს შემოღობვის სხვადასხვა მეთოდები და ისინიც განსხვავდება ერთმანეთისგან როგორც მასალით, ისე საფასურითა და ვიზუალით.

ალბათ, ყველაზე უპრიანი იქნება, თუ პირველადი მშენებლობის დროს გამოიყენებთ მაღალი ხარისხის მასალებს, რომელსაც დიდხნიანი გარანტია აქვს და სარემონტო სამუშაოები დიდი დროის განმავლობაში არ დაგჭირდებათ. ასევე, გასათვალისწინებელია სახლის მშენებლობას მუდმივად საცხოვრებლად გეგმავთ თუ სააგარაკოდ. ორივე შემთხვევაშს დამატებით თავისებურებები ექნება რაც მშენებლობის დროს გექნებათ გასათვალისწინებელი.

ადრე თუ გვიან, რემონტს ვერ გაექცევით, მაგრამ უდაოდ უკეთესი იქნება, რომ რემონტის გაკეთება მხოლოდ სიახლეების შემოტანის მიზნით დაგჭირდეთ და არა თავის დროზე უხარისხოდ გაკეთებული სამუშაოების გამოსასწორებლად. ამიტომ ჯობს თავდაპირველ ეტაპზე არ დაზოგოთ თქვენი რესურსები, რათა რემონტის საჭიროებამ მაქსიმალურად გადაიწიოს დროში.