რა დაჯდება ბავშვის ოთახის მოწყობა?

ბავშვის ოთახის დიზაინის შერჩევა და მოწყობა ნამდვილად სასიამოვნო საქმეა, რომელიც სცილდება ესთეტიკის ფარგლებს - ეს ეხება მზრუნველი სივრცის შექმნას, რომელიც ხელს შეუწყობს ბავშვის ზრდას, განვითარებას, კრეატიულობასა და კომფორტს. დაწყებული საწოლიდან, დამთავრებული ყველა დეტალით, რომელსაც საძინებელში ვხვდებით, გადამწყვეტ როლს ასრულებს. თუმცა, ერთ-ერთი ფუნდამენტური ასპექტი, რომელიც ხშირად აწუხებს მშობლებს, არის მათი პატარებისთვის სრულყოფილი საძინებლის მოწყობა, რომელიც ბავშვებს დაუკმაყოფილებს ნებისმიერ სურვილს. ამ სტატიაში ჩვენ განვიხილავთ სხვადასხვა კომპონენტებს, რომლებიც ხელს უწყობენ ბავშვის ოთახის მოწყობას, შეისწავლიან ძირითად ელემენტებს, როგორიცაა ავეჯი და დეკორი, და ასევე, განვიხილავთ თუ რა ჯდება საშუალოდ საბავშვო საძინებლის მოწყობა.

დავიწყოთ აუცილებელი კომპონენტებით:

საწოლი - ნივთი რომელიც პირველ რიგში ასოცირდება საძინებელთან და შეიძლება ითქვას, რომ ყველაზე მნიშვნელოვანი დეტალია. სწორად შერჩეული საწოლი უზრუნველყოფს ბავშვისთვის უსაფრთხო და კომფორტულ საძილე გარემოს შექმნას, რაც გადამწყვეტია მათი ზრდისა და განვითარებისათვის. მასალა, რომლისგანაც თავად საწოლია დამზადებული, მატრასი და დანარჩენი დეტალები, მათ შორის ფერთა გამა, უდიდეს მნიშვნელობას ატარებს. ბავშვის საძინებლის შექმნისას, შესაძლოა ბიუჯეტის დაზოგვა განვიხილოთ სხვა ნივთზე, მაგრამ არა საწოლზე.

მოდით შევხედოთ ფასებსაც, რასაც ქვეყნის ფარგლებში ვხვდებით. მოგეხსენებათ, რომ ss.ge-ის მარკეტის კატეგორია თანამშრომლობს სხვადასხვა ავეჯის კომპანიებთან, შესაბამისად საიტზე შევხვდებით ყველა საჭირო ნივთს. საბავშვო საწოლების ფასები იწყება 200 ლარიდან და საშუალოდ მერყეობს 400-500 ლარის ფარგლებში, რაც დამეთანხმებით რომ არც ისე მაღალი ფასია, ამდენად მნიშვნელოვანი პროდუქციისათვის. ამას ემატება როგორც უკვე ვახსენეთ მატრასი, რომლის ფასებიც დაახლოებით იმავე რეინჯში მერყეობს, რაც საწოლისათვის დაგჭირდებათ. სრულყოფილი კომპლექტის ფასი კი, დარჩენილი დეტალების დამატებით, ჯამში 1000 ლარმდე აღწევს.

ტანსაცმლის კომოდი - საწოლის შემდგომ, ერთ-ერთი მნიშვნელოვანი დეტალია ტევადი, ხარისხიანი და კომფორტულად გამოყენებადი ტანსაცმლის კომოდის შერჩევა. იქიდან გამომდინარე რომ ბავშვებს ძალიან ბევრი ნივთი სჭირდებათ ყოველდღიურად და ხშირ შემთხვეევაში მათი რაოდენობა ბევრად მეტია, ვიდრე მოლოდინები გვგქონდა, უმნიშვნელოვანესია კომოდის ყურადღებით შერჩევა, რაც ხელს შეუწყობს მოხერხებულობას და ორგანიზებას ყოველდღიური მოვლის რუტინაში. კომოდების ფასები მერყეობს 400-დან 600 ლარამდე, მისი ტევადობის მიხედვით.

სათამაშო/სამეცადინო სივრცე, რომელიც მოიაზრებს მაგიდას, თაროებს წიგნებისათვის და დამატებით კარადას სათამაშოებისათვის, რათა მოხდეს ოთახის ორგანიზება, შეამციროს არეულობა და შექმნას მოწესირგებული გარემო პატარებისათვის. საბავშვო საწერი მაგიდებს დაახლოებით 150-250 ლარში შევიძენთ. რაც შეეხება დარჩენილ დეტალებს, მათი ფასი განისაზღვრება ზომისა და მასალის მიხედვით. შეგვიძლია შევიძინოთ როგორ გამზადებული, მაღაზიებში ან თუნდაც ონლაინ შოპინგისას, ასევე შეგვიძლია ჩვენი სურვილით დავამზადებინოთ სპეციალისტებს.

აქვე უნდა ვახსენოთ განათებები, რაც როგორც სახლის სხვა ნებისმიერ სივრცეში, ბავშვის საძინებელშიც მნიშვნელოვან როლს თამაშობს, და უნდა გავითვალისწინოთ რამდენიმე დეტალი. ხშირ შემთხვევაში პატარა ასაკის ბავშვებს უჭირთ ღამით სიბნელეში ძილი, შესაბამისად ისინი უნდა ვუზრუნველყოთ ღამის განათებით, რაც შეიძლება იყოს პატარა კედლის ან მაგიდის სანათი. ასევე, სამეცადინო კუთხე უნდა იყოს მაქსიმალურად განათებული, რათა პატარებმა შეძლონ წერა-კითხვა მარტივად. შესაბამისად, ბიუჯეტის გაწერისას აუცილებელად უნდა გავითვალისწინოთ ეს ნაწილიც.

ყველა სხვა დეტალი უკვე ინდივიდუალურად შეიძლება იქნას შერჩეული და შეძენილი. ჩვენს სურვილზეა დამოკიდებულება რამდენად გადატვირთული, ან პირიქით სივრცული ოთახი გვსურს ჩვენი პატარებისათვის. საძინებლის დიზაინისა და ავეჯის შერჩევისას, არ უნდა დაგვავიწყდეს იმის გათვალისწინებაც, თუ რამდენად დიდი ან პატარაა ოთახი.

ყველა ზემოთ აღნიშნული დეტალი ზეგავლენას ახდენს ბიუჯეტზე, რაც უნდა გვგქონდეს განსაზღრული ბავშვის საძინებლის მოწყობისას. მაგრამ, თუ არ ჩავთვლით თავად ოთახის რემონტს, როგორც ვხედავთ საშუალოდ 1500 დან 2000 ლარამდე დაგვიჯდება ოთახის სრულყოფილად მოწყობა.