help

4 გამორჩეული ადგილი საქართველოში, სადაც შეგიძლია დაუვიწყარი ზაფხული გაატარო

1809

6/24/2024 3:06:21 PM

საქართველო განთქმულია როგორც საზღვაო, ასევე სამთო კურორტებით. ეს ტერიტორია 12 განსხვავებულ კლიმატურ ზონას მოიცავს. ამასთანავე, საქართველო გთავაზობს როგორც ზაფხულის, ასევე ზამთრის კურორტებს.

გარდა ამისა, სხვადასხვა რეგიონი საინტერესოა დროის კონკრეტულ მცირე მონაკვეთებშიც, რასაც იქ არსებული მიკროკლიმატი განაპირობებს, მაგალითად როგორიც არის წიწვოვანი ტყეების დამტვერვის სეზონი.

ბათუმი

ტრადიციულად, საქართველოში ყველაზე პოპულარული დასასვენებელი ლოკაცია ბათუმია. აქ SS.GE-ის მეშვეობით შეგიძლია დღიურად გასაქირავებელი ბინების 2000-მდე განცხადება მოიძიო. ბათუმში, გარდა იმისა რომ შეგიძლია პლაჟზე გაატარო დრო, აქ ასევე სხვადასხვა ღირსშესანიშნაობა გელოდება.

მათ შორის ეს არის ბათუმის ბულვარი, რომელიც 10 კილომეტრი სიგრძის ზღვის სანაპირო ზოლსა და პარკს წარმოადგენს. აქ მრავლადაა ბუნგალოები, კაფე-ლაუნჯები, რესტორნები, საბავშვო ატრაქციონები და სხვადასხვა სახის ფერადი თუ მოცეკვავე შადრევნები.

გონიო

აჭარის კიდევ ერთი გამორჩეული ზღვისპირა კურორტია გონიო. მას სუფთა, კამკამა წყალი, მთის ძირში გაშლილი პლაჟი, განსაკუთრებული მიკროკლიმატი გამოარჩევს, რომელსაც ლურჯი ზღვისა და ტყეებით დაფარული მთების სიახლოვე ქმნის.

დაბა გონიო მდებარეობს ბათუმიდან მხოლოდ 12 კილომეტრის მანძილზე, საქართველო-თურქეთის საზღვართან მდებარეობს. კეთილმოწყობილ მაღალი კლასის სასტუმროებთან ერთად, აქ ბევრი ზღვისპირა სახლი და საოჯახო სასტუმროა, რაც გონიოს მყუდროებას სძენს.

ბორჯომი

საქართველოს კიდევ ერთი შესანიშნავი კურორტია ბორჯომი. ამასთანავე, ბორჯომის მუნიციპალიტეტი ერთ-ერთი განსაკუთრებული ადგილია, როგორც დასვენებისთვის, ასევე მთის სპორტისთვის და ლაშქრობისთვის. რაიონში მრავლადაა მინერალური წყლები, რაც მისი მთავარი წიაღისეული სიმდიდრეა. ეს კურორტი ვულკანური წარმოშობის მინერალურ წყლის გარდა, საინტერესოა სხვა სამკურნალო თვისებებითაც.

განტვირთვისთვის აუცილებლად უნდა ესტუმროთ ბორჯომის გოგირდოვან აუზს. ბორჯომის მუნიციპალიტეტი საინტერესოა კურორტების მრავალფეროვნებით, რომელთა შორისაც შეგიძლია აირჩიო: მიტარბი, კოხტა, ციხისჯვარი, ცემი, ლიკანი ან წაღვერი.

ბორჯომში დასვენებისთვის ერთ-ერთი ყველაზე აქტიური პერიოდია ფიჭვის და ნაძვის ყვავილობა და დამტვერვა, რომელიც მაისის პირველ ნახევარში იწყება და თვის ბოლომდე გრძელდება. ამ დროს, ბორჯომს ძალიან ბევრი ვიზიტორი სტუმრობს. ბორჯომში და მის საკურორტო სოფლებში ჩადიან ოჯახები, მცირეწლოვანი ბავშვებით და გაზაფხულის ბოლო თვეს საკურორტო ქალაქში ატარებენ.

ბაკურიანი

დაბა ბორჯომთან ერთად, როგორც ზამთარში, ასევე ზაფხულის სეზონზე ბაკურიანიერთ-ერთი ყველაზე საინტერესო ლოკაციაა. ბაკურიანი არის ბორჯომის მუნიციპალიტეტში შემავალი საკურორტო დაბა, რომელიც ბორჯომი-ბაკურიანის სარკინიგზო ხაზის ბოლო პუნქტს წარმოადგენს.

ბაკურიანი ცნობილი სამთო-კლიმატური კურორტი და საერთაშორისო მნიშვნელობის სამთო-სათხილამურო ცენტრია. აქ პირველი სათხილამურო ბაზა 1932 წელს გაიხსნა.

ბაკურიანი საინტერესოა, არამხოლოდ სამთო-სათხილამურო დატვირთვით, არამედ მისი გამორჩეული სამკურნალო თვისებებითაც. ეს კურორტი სასარგებლოა ისეთი დაავადებებისთვის, როგორებიცაა: სასუნთქი გზების არატუბერკულოზური დაავადებები, ქრონიკული ბრონქიტი, მეორეული სისხლნაკლულობა, რაქიტი და ბრონქული ასთმის მსუბუქი თუ საშუალო ფორმები.

გაატარე ზაფხული საქართველოს კურორტებზე, რომელიც დასვენებისა და გართობისთვის შესანიშნავ პირობებს გთავაზობს. ხოლო, საოჯახო სასტუმროები, ბინები და სახლები დასავენებლად შეგიძლია ონლაინ შეარჩიო SS.GE-ზე, მთელი საქართველოს მასშტაბით.