4 რამ, რაც ბინის ძიებას გაგიმარტივებს

·     

უძრავი ქონების შეძენა ერთ-ერთი ყველაზე მნიშვნელოვანი გადაწყვეტილებაა, რომელიც პირდაპირ აისახება ადამიანის ცხოვრების ხარისხზე.

ბინის შეძენას ხშირად თან ახლავს  ძიების  ხანგრძლივი და დამღლელი ეტაპი, რის გამოც შეიძლება, საბოლოო გადაწყვეტილება ნაჩქარევად და კრიტიკულად მნიშვნელოვანი დეტალების გაუთვალისწინებლად მივიღოთ. აღნიშნული გამოწვევების საპასუხოდ SS.ge-ზე დავამატეთ ახალი პრემიუმ სერვისი, რომელიც როგორც ბინის შეძენა-დაქირავების, ისე გაყიდვა-გაქირავების პროცესს უფრო ამარტივებს.

აღნიშნული ფუნქციონალები გამოირჩევა სიმარტივით, რაც თითოეულ მომხმარებელს  აძლევს შესაძლებლობას, დამატებითი ძალისხმევის გარეშე იპოვოს სწორედ ისეთი მახასიათებლებისა და ღირებულების მქონე ბინა, როგორიც სურს.

4 სიახლე, რაც SS.ge-ს მომხმარებლებს ბინის ძიების პროცესს საგრძნობლად გაუმარტივებს: 

1.      ფასის ანალიტიკა და კალკულატორი 

ფასის ანალიტიკისა და კალკულატორის დახმარებით SS.ge-ზე სასურველი ბინის ძიების პროცესი უფრო მოქნილი გახდა. ორივე ფუნქციონალი დაგეხმარებათ უძრავი ქონების ბაზარზე არსებული სურათის დანახვაში, შესაბამისად, ბინისა თუ მიწის ნაკვეთის ოპტიმალურ ფასად მოძიებაში.

SS.ge-ს ფასის ანალიტიკის ფუნქციონალი უბნების მიხედვით დაგვითვლის, როგორ შეიცვალა ფასები დროის კონკრეტულ მონაკვეთებში, იქნება ეს 4,6,12 თვე და სხვა. ეს სააგენტოებსა თუ კერძო პირებს შესაძლებლობას მისცემს, დაინახონ სრული სურათი, რამდენად ხელსაყრელი პირობებით ყიდულობენ, ყიდიან თუ ქირაობენ ბინას და მოცდა ან გადაწყვეტილების მიღება ახლავე ხომ არ სჯობს.

SS.ge-ის ფასის კალკულატორი კი დაგვეხმარება, შევაფასოთ ჩვენი უძრავი ქონება და შევიქმნათ გარკვეული წარმოდგენა, რა ფასად შეიძლება მისი გაყიდვა ან გაქირავება. ამისათვის საჭიროა, კალკულატორის ველში შევიყვანოთ უძრავი ქონების მონაცემები: მდებარეობა, მდგომარეობა, სტატუსი, ფართი და 1 წუთში მივიღებთ გამოთვლილ ფასს.  

2.      საუკეთესო ფასით ძებნის შესაძლებლობა

SS.ge უძრავ ქონებას მისი მონაცემებისა და ბაზარზე არსებული ვითარების გათვალისწინებით ახარიხებს და გვიჩვენებს, დღევანდელი მდგომარეობით, ფასის რა კატეგორიაში გადის ის: „საუკეთესო ფასი, დაბალი, საშუალოზე იაფი, საშუალო, საშუალოზე მაღალი და მაღალი“. პრემიუმ მომხმარებლებს შესაძლებლობა აქვთ, ვებგვერდზე შესვლისთანავე ნახონ, თუ რომელ კატეგორიას მიეკუთვნება თითოეული ბინა. გასათვალისწინებელია, რომ დახარისხება ხდება სხვადასხვა მახასიათებლის გათვალისწინებით: უბანი, ბინის მდგომარეობა და სხვა. ამასთან, ძებნისას შეგვიძლია, გამოვიყენოთ ფილტრაციის სისტემაც და მივუთითოთ, რომ გვაინტერესებს კონკრეტული მახასიათებლების მქონე ბინა საუკეთესო ფასად.

აღნიშნული ფუნქციონალები გვეხმარება, სახლის მდგომარეობისა და ფასის იდეალური კომბინაციით შევარჩიოთ სასურველი მახასიათებლების მქონე უძრავი ქონება.

3.      დუბლირებული განცხადებების დაჯგუფება

ვებგვერდზე  ძიებისას ყველას შეგვხვედრია ერთი და იგივე ბინის შესახებ რამდენჯერმე გამეორებული  განცხადება, რაც დროს გვაკარგვინებს და პროცესს წელავს.

SS.ge-მ დააჯგუფა განცხადებები, რაც საშუალებას მოგვცემს, თავიდან ავირიდოთ აღნიშნული დისკომფორტი და უფრო სწრაფად გავეცნოთ შეთავაზებებს. ამისათვის საჭიროა, გავხდეთ პრემიუმ მომხმარებლები და გამეორებული შეთავაზებები ჩვენთვის ავტომატურად დაჯგუფდება. შესაბამისად, ძიების პროცესი დროის ნაკლებ რესურსს მოითხოვს. 

4.      ფოტოთი ძებნა

ფოტოთი ძებნის ფუნქციონალი SS.ge-ზე Google-ის მსგავსად არის ჩაშენებული. თუ კონკრეტული ბინის „სქრინშოტი“ გაქვთ, შეგიძლიათ, უბრალოდ ძიების ველში ატვირთოთ და არსებობის შემთხვევაში, ვებგვერდი შემოგთავაზებთ თქვენთვის სასურველ განცხადებას ან მსგავსი მახასიათებლების მქონე ბინებს.

ეს ფუნქციონალი ერთი მხრივ, გვეხმარება, მოვძებნოთ ზუსტად ის ბინა, რომელიც გვაინტერესებს და მეორე მხრივ, ვიპოვოთ მსგავსი შეთავაზებები.

ახალი ფუნქციონალებით სარგებლობა შესაძლებელია როგორც ერთჯერადად - ერთი დღით ან ერთი კვირით, ისე პრემიუმ პაკეტის ყოველთვიურად გამოწერის შემთხვევაში, რაც ჩვენს საქმიანობასა და ინტერესებზეა დამოკიდებული.