რატომ არის მუშაობა კარგი სტუდენტებისთვის

მაშინ როდესაც დღის ნახევარზე მეტს უნივერსიტეტში ან კოლეჯში ატარებ, რათა განათლება მიიღო, დღის ბოლოს რაც გინდა რომ გააკეთო ეს დასვენებაა, ამიტომ შესაძლოა სტუდენტური სამუშაო არც ისე კარგად ჟღერდეს, მაგრამ შემიძლია პირდაპირ გითხრათ, რომ ეს აუცილებელია თქვენი განვითარებისათვის, თქვენ შეგიძლიათ შეარჩიოთ სამსახური ნახევარ განაკვეთზე და შეუთავსოთ იგი სწავლას. რა დადებითი შედეგები შეიძლება ჰქონდეს სტუდენტურ სამუშაოს, თქვენ წარმოიდგინეთ ასეთი ბევრი მაგალითი შემიძლია გითხრათ.

თქვენ გაიცნობთ ახალ ადამიანებს- ადამიანების გაცნობა ყოველთვის ძალიან საინტერესოა, მათთან ურთიერთობით გარდა იმისა რომ ივითარებთ კომუნიკაციის უნარებს იგებთ და ითვისებთ ბევრ ახალ საინტერესო ინფორმაციას რაც ნამდვილად დადებითად აისახება თქვენს ზოგად განვითარებაზე.

გამოიმუშავებთ საკუთარ ფულს- რა შეიძლება იყოს იმაზე კარგი როდესაც გაქვს შენი სამსახური და საკუთარი ფული. სტუდენტად ყოფნა ძირითადად ნიშნავს ცოტა ფულს ან საერთოდ არაფერს, ხოლო როდესაც შენ გაქვს შენი შემოსავალი, თავს ბევრად თავდაჯერებულად გრძნობ, არ გეშინია რომ ვერ გაწვდები ყოველდღიურ ხარჯებს.

ფულის შოვნასთან ერთად სწავლობ მის გადანაწილებას- როდესაც ადამიანი თავისი შრომით შოულობს ფულს, მისი არა მიზნობრივად დახარჯვა უფრო უძნელდება. შესაბამისად სწავლობს, როგორ გადაანაწილოს თანხები ყოველდღიურ მოთხოვნილებებზე, რაც სტუდენტს მომავალ ცხოვრებაში დიდად წაადგება.

მუშაობის დროს შეიძლება შეიძინოთ ისეთი უნარები, რასაც უნივერსიტეტი ან კოლეჯი ვერ გასწავლით, თუნდაც როგორ უნდა იმუშაოთ გუნდთან ერთად, როგორ უნდა იყოთ დეტალებზე ორიენტირებულნი და ა.შ.
თქვენ ხდებით ბევრად უფრო თავდაჯერებული და დამოუკიდებელი, როდესაც გაქვთ თქვენი შემოსავალი აღარ ხართ მშობლებზე დამოკიდებულნი. ეს ნიშნავს, რომ ნელ-ნელა ივითარებთ დამოუკიდებლად ცხოვრების უნარებს, არ გეშინიათ მეგობრებთან ერთად გასეირნების იმ მიზეზით რომ ფული არ გაქვთ, პირიქით ხელფასი თავდაჯერებულობას გმატებთ, ყალიბდებით პიროვნებად. რაც მთავარია სწავლობთ დროის ფასს. ცხოვრების რიტმი იმდენად აჩქარებულია რო აუცილებელია დაეწიოთ მას, დრო უქმად არ დაკარგოთ მანამ სანამ ახალგაზრდა ხართ და შეგიძლიათ მიიღოთ რაც შეიძლება მეტი გამოცდილება, სწორედ ამას გაძლევთ სწავლა და მუშაობა ერთად, ხდებით ბევრად უფრო ორგანიზებულნი, მოწესრიგებულნი და სწავლობთ დროის მენეჯმენტს, თქვენი დროის სწორად გადანაწილებას.

პირველი სტუდენტური სამუშაო თქვენი პიროვნების ჩამოყალიბების საწინდარია, რადგან ადამიანი როდესაც იღებს ხელფასს და ხვდება რაოდენ მნიშვნელოვანია საკუთარი შრომით გამომუშავებული ანაზღაურება, რამდენად კარგია დამოუკიდებლობა და თავდაჯერებულობა ის აუცილებლად შედგება მომავალში მყარ, მტკიცე, მშორმელ ადამიანად.
სწორედ ამიტომ შეგვიძლია ვთქვათ რომ სტუდენტის განვითარებისათვის და მისი ჩამოყალიბებისათვის მნიშვნელოვანია მუშაობა.