უკვე ოფიციალურად - Mercedes-Benz 300 SLR 135 მლნ ევროდ გაიყიდა

1955 წელს გამოცემული ავტომობილი Mercedes-Benz 300 SLR გერმანიაში რეკორდულ ფასად 135 მლნ ევროდ გაიყიდა. ამის შესახებ ინფორმაცია ოფიციალურად დაადასტურა სააუქციონო სახლმა Sotheby's.

მათი ინფორმაციით, აუქციონი 5 მაისს Mercedes-Benz-ის მუზეუმში შტუტგარდში შედგა. რარიტეტული ავტომობილი გახდა მსოფლიოში ყველაზე ძვირად გაყიდული ავტომობილი. მან მთელი 90 მილიონი ევროთი გადაუსწრო  მოქმედ რეკორდსმენს 1962 წლის Ferrari 250 GTO-ს, რომელიც 2018 წელს 48,4 მლნ დოლარად გაყიდეს.

გაყიდული Mercedes-Benz 300 SLR გახლავთ ერთ-ერთი მოდელი ორი პროტოტიპიდან, რომელიც 1955 წლის რბოლებისთვის შექმნეს, რუდოლფ ულენჰაუმის თაოსნობით და ითვლება ავტომობილის ინჟინერიისა და 

დიზაინის ერთ-ერთ საუკეთესო ნიმუშად. მას შეეძლო 290 კმ/სთ სიჩქარის განვითარება, რაც აქცევდა მსოფლიოში ყველაზე სწრაფ ავტომობილად იმ დროისთვის.

როგორც აუქციონის ორგანზიატორები აცხადებენ, მიღებული თანხა „Mercedes-Benz-ის მსოფლიო ფონდის“ შექმნას მოხმარდება, რომელიც ორიენტირებული იქნება ახალგაზრდებისთვის საგანმანათლებლო სტიპენდიების გაცემაზე.