2023 წლის ზაფხულის ტრენდები ეზოს მოსაწყობად

2179

15.08.2023 13:55:32

მიმდინარე წელს კერძო სახლების ეზოების მოწყობა დასვენებასთან და რელაქსაციასთან ასოცირდება ტრენდების მიხედვით. ეზოში დროის გატარება მსგავს შეგრძნებას უნდა იწვევდეს, რაც შვებულებაში ყოფნისას გაქვთ. სახლის ინტერიერი და ეზო კი ჰარმონიულად უნდა ერწყმოდეს ერთმანეთს და უნდა მოჰქონდეს განცდა, რომ სახლისგან შორს წახვედით და თუნდაც შვებულებას ატარებთ სხვა, სრულიად განსხვავებულ და ყოველდღიურობის ქაოსს მოწყვეტილ გარემოში. სწორედ ამ შეგრძნებების გამოსაღვიძებლად დიზაინერები გვთავაზობენ სრულიად განსხვავებულ და ორიგინალურ გადაწყვეტილებებს.

1. თამამი ფერები და ორნამენტები

წლევანდელ ტრენდებში გამორჩეულია ფერთა გამა კაშკაშა ტონებიდან მკვეთრ ორნამენტებამდე, გარეთა სივრცის ავეჯის დიზაინი ხდება უფრო თამამი და თავგადასავლებთან ასოცირებული. მოსალოდნელია, რომ 2023 წლის დიზაინებში თვალწარმტაცი პრინტები და თამამი ფერები ფიგურირებდეს და პატერნები პოზიტიურ აურას ქმნის და გუნება-განწყობილებაზეც დადებითად მოქმედებს.

2. შერეული მატერია

განსხვავებული მასალების ერთმანეთში შერევით დამზადებული ავეჯი წელს განსაკუთრებული პოპულარობით სარგებლობს. მაგალითად, მეტალი, ხე და მოწნული მასალების შერევით უნიკალური სტილის ავეჯი მზადდება და ორიგინალურსა და გამორჩეულს ხდის ასეთი აქსესუარები და ავეჯი თქვენს ეზოს. ეგზოტიკურად მოწყობილი ეზო კი მუდმივად იწვევს სხვების ინტერესსა და აღფრთოვანებას.

3. ეკომეგობრული მასალები

მრავალფეროვნების გარდა, მნიშნელოვანია, თუ რისგან არის დამზადებული თქვენი ავეჯი თუ სხვა დეტალები. ბოლო პერიოდში დიდი ყურადღება ექცევა ეკომეგობრულ მასალებს გარემოს გაფრთხილების მიზნით. ამის გათვალისწინებით, გადამუშავებული პლასტმასი, ბამბუკი და მეორიული გამოყენების ხე შეგიძლიათ გამოიყენოთ თქვენი ეზოს დიზაინის მოსაწყობად.

4. აწყობადი მასალები

ეზოს დიზაინის ორიგინალურად მოწყობისთვის შეგიძლიათ ასევე გამოიყენოთ ისეთი მასალები, რაც ერთი შეხედვით ნარჩენებს გავს და სხვადასხვა მასალების კონკრეტულ დეტალებს წარმოადგენს. ეს საშუალებას მოგცემთ, გარემო მრავალფეროვანი და მოქნილი გახადოთ, ნივთები კი ორიგინალური გექნებათ.

5. დასასვენებელი და სამუშაო სივრცეები

იქიდან გამომდინარე, რომ ბევრი სამსახური ჰიბრიდულ რეჟიმზე მუშაობს და ადამიანები ახერხებენ სახლიდან შეასრულონ სამსახურის საქმეები, ზაფხულში განსაკუთრებით მნიშვნელოვანია ეზოს კომფორტულად მოწყობა სამუშაოსა და დასვენების იდეალური შერწყმისათვის, ლაუნჯის სტილის დიზაინი, რბილი ავეჯი და ხალიჩებიც კი ტრენდულია 2023 წლის ზაფხულის ეზოებისთვის. ასევე ჰამაკები, საქანელები და განსაკუთრებით კომფორტული პუფები. გარდა ავეჯისა, ეზოდან მუშაობისთვის მნიშვნელოვანი ნაწილია ტექნიკის სიცოცხლისუნარიანობისათვის საჭირო USB პორტები, ჭკვიანი ტექნოლოგიები და აღჭურვილობებიც.

6. კომპაქტურობა

ერთერთი მნიშვნელოვანი ასპექტია ასევე კომპაქტურობა და მრავალფუნქციურობა. სწორედ ასეთ ავეჯზეა გაზრდილი მოთხოვნა გარე მოწყობისათვის, რაც შესაძლებლობას იძლევა, რომ როცა მათ არ ვიყენებთ, მარტივად მოხდეს მათი დასაწყობება და შენახვა.

საბოლოო ჯამში, გარე ავეჯის 2023 წლის ზაფხულის ტრენდები გათვლილია უნიკალური, ფუნქციური და ეკომეგობრული ავეჯისა და სივრცეების შექმნაზე.