ავტოინდუსტრია — ერთ-ერთი მზარდი სფერო საქართველოში

თითქმის ყველა ოჯახს ჰყავს ავტომობილი

ბოლო ათწლეულის განმავლობაში საქართველოში კერძო ავტომობილების რაოდენობა მკვეთრად გაიზარდა. დღეს თითქმის ყველა ოჯახში არის მინიმუმ ერთი ავტომობილი, რაც ავტომომსახურების ბაზარს კიდევ უფრო დიდ პოტენციალს აძლევს. ამ პროცესში ავტომობილების იმპორტი მნიშვნელოვან როლს თამაშობს, რადგან უცხოური ბაზრებიდან შემოსული მეორადი ავტომობილები უფრო ხელმისაწვდომია და მანქანებზე მოთხოვნებს უზრუნველყოფს. იმპორტირებული ავტომობილების ტექნიკური მომსახურება თუ შემოწმება ყოველდღიური საჭიროება გახდა.

საზოგადოებრივ ტრანსპორტს ავტომობილს ამჯობინებენ

მიუხედავად იმისა, რომ საზოგადოებრივი ტრანსპორტი, როგორიცაა მეტრო და ავტობუსი, დიდ ქალაქებში კარგად არის განვითარებული, ადამიანთა უმეტესობა გადასაადგილებლად მაინც საკუთარ ავტომობილს ამჯობინებს. დროის დაზოგვა და კომფორტულად გადაადგილება ბევრისთვის პრიორიტეტია, რის გამოც უპირატესობას სწორედ ავტომობილს ანიჭებენ. ამას ემატება ის ფაქტიც, რომ საკუთარი ავტომობილი ოჯახის რამდენიმე წევრს შეიძლება ჰყავდეს, რაც ავტოინდუსტრიის განვითარებას კიდევ უფრო უწყობს ხელს.

ავტომობილის მოწესრიგების დრო მეპატრონეებს არ რჩებათ

თანამედროვე ცხოვრების აჩქარებული ტემპიდან გამომდინარე, ადამიანებს ხშირად არ აქვთ დრო, რომ საკუთარი მანქანები თავად მოაწესრიგონ. ავტომობილს ტექნიკური შემოწმება და შეკეთება სჭირდება, რაც კიდევ დამატებით დროს მოითხოვს. მიუხედავად იმისა, რომ საბურავების ან ზეთის შეცვლა ზოგისთვის მარტივია საქმეა, უფრო რთული ტექნიკური პრობლემები და დაზიანებები პროფესიონალურ მიდგომას მოითხოვს. შესაბამისად, ავტომობილის გარეცხვა თუ მისი შეკეთება დამხარე სერვისებზე მოთხოვნას ზრდის.

ავტოსერვისის პროფესიონალებზე მოთხოვნა მზარდია

ავტოინდუსტრიის განვითარებასთან ერთად, იზრდება მოთხოვნა კვალიფიციურ პროფესიონალებზე, რაც ხელფასზეც აისახება. ამიტომ, ავტოინდუსტრიასთან დაკავშირებული პროფესიები დღეს საქართველოში ერთ-ერთი ყველაზე მაღალანაზღაურებადია. მაგალითად, ავტომექანიკოსს თვიურად 2000-4000 ლარი შეუძლია გამოიმუშაოს, ზეთისა და ხუნდების შემცვლელს 2000-5000 ლარი, შემდუღებელს 2000-4000 ლარი, საქარე მინის ხელოსანს 1500-3000 ლარი და ა.შ. ავტოინდუსტრიის მიმართულებით ყველა მიმდინარე ვაკანსიას აქ ნახავ.

ტექნიკური მომსახურების პუნქტების რაოდენობა იზრდება

ავტომობილების რაოდენობის მატებასთან ერთად, იზრდება მოთხოვნა საბურავების შეკეთებაზე, ზეთის შეცვლაზე, სავალი ნაწილის დიაგნოსტიკასა თუ სხვა ტექნიკურ მომსახურებაზე. შესაბამისად, ვულკანიზაციებისა და ტექნიკური მომსახურების პუნქტების რაოდენობაც იზრდება, რაც ახალ სამუშაო ადგილებს ქმნის. დღესდღეობით მოთხოვნადი კადრების ჩამონათვალი ასეთია: ავტომობილის მრეცხავი, ავტომეთუნუქე, პოლირების ოსტატი,  ძრავის ხელოსანი, ავტომღებავი და სხვა.