დაგეგმე ზაფხულის დასვენება საქართველოში

საზაფხულო შვებულების დაგეგმვა საქართველოში საკმაოდ მარტივი და კომფორტული პროცესია. აქ ყველაფერია, ზღვისპირა თუ მთის კურორტები, გასართობი პარკები თუ ატრაქციონები, სუფთა ჰაერი, სამკურნალო წყლები, მყუდრო და კომფორტული ბინები, რომლებიც თქვენს ყველა მოთხოვნას აკმაყოფილებს. ამ ბლოგში წარმოგიდგენთ საქართველოს საუკეთესო მიმართულებების მოკლე მიმოხილვას და გაგიზიარებთ რჩევებს, თუ როგორ დაგეგმოთ დასვენება ისე, რომ მიიღოთ მაქსიმალური სიამოვნება მინიმალური ძალისხმევით. 

დაგეგმეთ ზაფხული ჩვენთან ერთად: 👉ss.ge/ka/home/restingeorgia

ზაფხულში ზღვისპირა კურორტების მიმართ უდიდესი მოთხოვნა ახალი არავისთვისაა. ბათუმი, ზღვა, ცოცხალი ღამეები, კაფე-ბარები, ნამდვილი ცხელი და აქტიური ზაფხული სწორედ აქ გელოდებათ. ხოლო თუ მეტი თავგადასავალი და დასამახსოვრებელი მოგონებების შეგორვება გსურთ, აუცილებლად უნდა ესტუმროთ სიმწვანესა და სიგრილეში ჩაფლულ მტირალას.  ზღვიდან სულ რაღაც 30 კილომეტრში იწყება სრულიად განსხვავებული რეალობა - მტირალას ეროვნული პარკი. მისი სიმაღლე ზღვის დონიდან 1761 მეტრს აღწევს. ეს საუკეთესო მიმართულებაა მათთვის, ვისაც ზღვასთან ერთად თანაბრად იზიდავს სიმწვანეში ყოფნა, მოძრაობა და ბუნების ტემპით ცხოვრება.

აქ შეგიძლიათ აირჩიოთ ლაშქრობა ერთდღიან ან ორდღიან მარშრუტზე, რომლებიც სპეციალურად მონიშნულია. ბილიკები გადის ჩანჩქერებზე, წიწვოვან ტყეებზე და მთის მზიან მინდვრებზე.

საპიკნიკე და საკემპინგე ზონები სრულად კეთილმოწყობილია, ხოლო ორდღიან ბილიკზე გელოდებათ ტურისტული თავშესაფარიც, სადაც ღამის გათევაა შესაძლებელი. იდეალურია მათთვის, ვისაც სურს რეალურად გამოცადოს კემპინგის გამოცდილება. 

უნდა აღინიშნოს რომ ბათუმი მხოლოდ ტურისტული დანიშნულების ადგილი არ არის. ის, ერთ-ერთი, ყველაზე კომფორტული ქალაქია მათთვის, ვინც მუშაობას ლეპტოპით განაგრძობს. ფრილანსერებისთვის ან დისტანციურად მომუშავე ადამიანებისთვის ბათუმში ზაფხული შეიძლება იქცეს საუკეთესო „სამუშაო არდადეგებად“.

ქალაქში მრავლად არის მშვიდი კაფეები და ბარები, სადაც სტაბილური Wi-Fi, და სამუშაოდ იდეალური გარემოა. განსაკუთრებით კარგია ძველი ბათუმის უბანი, სადაც დღისით ეზოები სიჩუმეს ინარჩუნებს. ქალაქ ბათუმში, განთავსების მრავალფეროვანი არჩევანი და ყველა საჭირო პირობაა ზაფხულის კომფორტული დასვენებისთვის: მრავალსართულიანი კორპუსები, კეთილმოწყობილი ბინები ფართო აივნებით, საოჯახო სასტუმროები გულთბილი მასპინძლებითა და  ზღვის ხედით შეგიძლიათ დაათვალიეროთ და დაჯავშნოთ აქ:

დღიურად გასაქირავებელი ბინები და სახლები  ბათუმში

თუკი ხმაურიან, ტურისტულ ადგილებს მშვიდი, ბუნებასთან დაახლოებული გარემო გირჩევნიათ, ქობულეთი სწორედ თქვენთვისაა. ეს ზღვისპირა კურორტი იდეალურია ოჯახთან ან მეგობრებთან ერთად დასვენებისთვის. სიმწვანე,სუფთა ჰაერი და შედარებით მყუდრო სანაპირო სივრცე. საინტერესო გამოცდილებაა ასევე ქობულეთის მიმდებარე სოფლებში სტუმრობა და ავთენტური გარემოს შეცნობა. ადგილობრივებთან ერთად სამეურნეო პროცესებში მონაწილეობის მიღება და ჯანსაღი პროდუქტების დაგემოვნება. ხოლო, თუ ბუნებაში ღამის გატარება გხიბლავთ, რამდენიმე ადგილას შესაძლებელია კემპინგიც. ზოგი ორგანიზებულია კერძო ეზოებში, ზოგი ნაკრძალთან ახლოს. ეს შესანიშნავი გზაა კემპინგის გამოცდილების შესაძენად. ქობულეთში მოსასვენებელი სახლები თუ  ბინები კი მორგებულია, როგორც ოჯახებზე, ისე მრავალრიცხოვან სამეგობრო ჯგუფებზე. აქ მასპინძლები გთავაზობენ სიმშვიდეს, კომფორტსა და სრულად აღჭურვილ სივრცეებს სასიამოვნო ზაფხულის გასატარებლად.

დღიურად გასაქირავებელი ბინები და სახლები ქობულეთში

ხოლო თუ ზღვაზე მეტად მთის ესთეტიკა და ზაფხულის ცასთან ახლოს გატარება გსურთ, აუცილებლად უნდა ეწვიოთ მესტიას. ტრადიციული არქიტექტურა, უძველესი კოშკები, ლაშქრობები, თვალწარმტაცი პეიზაჟები და ავთენტური გარემო - ნამდვილ სვანურ თავგადასავალს გპირდებათ.  შეგიძლიათ ესტუმროთ მესტიის ნაკლებად პოპულარულ სოფლებს, როგორებიცაა ლახამულა, კალა, ბეჩო. ისინი რეალურ და ცოცხალ ისტორიებს მოგიყვებათ. აქ, დღე ჯერ კიდევ ძროხის ზარის ხმით იწყება. იმ სახლებისა და კოშკების მონახულება კი, სადაც ადრე ჩვენი წინაპრები ცხოვრობდნენ ზაფხულის დაუვიწყარი გამოცდილება იქნება თქვენთვის. 

მესტიაში დღიურად გასაქირავებელი კოტეჯები

ამ ბლოგში აუცილებლად უნდა ავღნიშნოთ ბაკურიანისა და ბორჯომის სუფთა ჰაერის, სიმწვანისა და მყუდრო დასვენების კომბინაცია.

მართალია, ბაკურიანი, ძირითადად ზამთრის კურორტად ითვლება, თუმცა ის არანაკლებ მიმზიდველია ზაფხულშიც. სიმწვანეში ჩაფლული ტყე, საბავშვო ატრაქციონები და ჰაერი, რომელსაც თითოეულ ჩასუნთქვაზე შეიგრძნობთ. ხოლო ბაკურიანთან იქვე ახლოს ბორჯომის ხეობა იწონებს თავს. ამ კურორტზე ბუნებრივი მინერალური წყლები და სამკურნალო ინფრასტრუქტურა საუკუნეების განმავლობაში იზიდავდა დამსვენებლებს. თუ თქვენთვის დასვენება მხოლოდ გართობა არ არის, მაშინ ბორჯომ-ხარაგაულის ეროვნული პარკი ის ადგილია, სადაც შეგიძლიათ რეალურად ამოისუნთქოთ და ბუნებასთან დაამყაროთ კავშირი. 

პარკი საქართველოს, ერთ-ერთი, ყველაზე დიდი დაცული ტერიტორიაა, სადაც ბილიკები გამორჩეულად კარგადაა მარკირებული. შეგიძლიათ აირჩიოთ ერთდღიანი გასეირნება, ან ორდღიანი მარშრუტი ღამისთევით, კარვით ან ტურისტულ თავშესაფარში.

საცხოვრებელი ბინები/სახლები თუ საოჯახო სასტუმროები  ბაკურიანში და ასევე  ბორჯომშიც, სრულად აღჭურვილია გრძელვადიანი და მოკლევადიანი დასვენებისთვის. ისინი მორგებულია, როგორც ოჯახებს, ასევე მეგობრებთან ერთად მოგზაურებისთვის. ბუნებასთან სიახლოვე, სიმყუდროვე და თანამედროვე პირობები აქ, ერთ სივრცეში იყრის თავს.

დღიურად გასაქირავებელი ბინები და სახლები ბაკურიანში

დღიურად გასაქირავებელი ბინები და სახლები ბორჯომში 

ხოლო წყალტუბო კი, როგორც, ერთ-ერთი, ყველაზე მიმზიდველი სამკურნალო და რეკრეაციული კურორტი, თავისი უნიკალური მინერალური წყლებით, განთქმული ბალნეოლოგიური ცენტრებითა და ბუნებრივ მწვანეში ჩაფლული გარემოთი ნამდვილ განტვირთვას სთავაზობს დამსვენებლებს.
აქ შეგიძლიათ იხილოთ არქიტექტურა, რომელიც წარსულსა და მომავალს შორისაა  გაჩერებული. სანატორიუმების ნაწილი კვლავ ფუნქციონირებს და უზრუნველყოფს ბალნეოთერაპიას, რაც დაგვეთანხმებით,  განსაკუთრებით ზაფხულში იდეალურია სხეულის განტვირთვისა და კუნთების მოდუნებისთვის. 

ასევე შეგიძლიათ გაისეირნოთ მიტოვებულ შენობებში, რომლებიც არა მხოლოდ დრამატულად ლამაზია, არამედ მოულოდნელად მყუდროც.

დღიურად გასაქირავებელი ბინები და სახლები წყალტუბოში

რა შეგვიძლია ვთქვათ? დასვენება ზაფხულში საქართველოში მრავალფეროვანი და საინტერესოა. 

ზღვისა და მთის ჰარმონიული კომბინაცია, ამ პროცესს ჯანსაღსა და დაუვიწყარს ხდის. დასვენება ხომ მხოლოდ ლოკაციის შერჩევა არ არის - ის ცხოვრების ხარისხის გაუმჯობესებისთვის აუცილებელი პირობაა. სწორედ ამიტომ, ძალიან მნიშვნელოვანია საზაფხულო საცხოვრებელი ადგილის, ბინისა თუ სახლის სწორად შერჩევა. 

ჩვენს პლატფორმაზე თავმოყრილია ზაფხულისთვის განკუთვნილი ბინების მრავალფეროვანი არჩევანი, ყველანაირი გემოვნებისა და საჭიროების გათვალისწინებით.

დაჯავშნეთ დროულად, აირჩიეთ სასურველი ადგილი - ჩვენ კი, მხოლოდ კარგ დასვენებას გისურვებთ.