გასაქირავებელი აგარაკების რაოდენობა გაიზარდა

SS.ge-ს კვლევის თანახმად, გასულ წელთან შედარებით გასაქირავებელი აგარაკების რაოდენობა დაახლოებით 122% ით გაიზარდა.

დღევანდელი მონაცემებით, საქართველოს მასშტაბით SS.ge-ზე სულ 337 გასაქირავებელი აგარაკია, საიდანაც 220 ხანგრძლივი პერიოდით, 116 კი დღიურად ქირავდება. ხანგრძლივი პერიოდით გასაქირავებელი აგარაკების 54% თბილისის შემოგარენში ქირავდება, 46% კი საკურორტო ზონებში. განსხვავებული სიტუაციაა დღიურად გასაქირავებელი აგარაკების შემთხვევაში, 89% საკურორტო ზონებში 11% კი თბილისის შემოგარენში ქირავდება.

SS.ge -ს კვლევის თანახმად, 2019 წლის ივნისში 227 ახალი განცხადება გამოქვეყნდა, რაც გასულ თვესთან შედარებით 52%-ით (მაისი 2019 – 149 ახალი განცხადება) მეტია, 2018 წლის ივნისთან შედარებით კი 122 %-ით (ივნისი 2018 – 102 განცხადება) არის გაზრდილი.

2019 წლის ივნისში ახალი განცხადებების 72% (164 განცხადება) ხანგრძლივი პერიოდით ქირავდებოდა, რაც მაისთან შედარებით 69%-ით მეტია (2019 მაისი - 97 ახალი განცხადება). გასულ წელთან შედარებით კი 107%-ით (2018 ივნისი - 79 ახალი განცხადება) გაიზარდა.

ივნისში განთავსებული აგარაკებიდან დღიურად გასაქირავებელი აგარაკები საერთო აგარაკების რაოდენობის 28%-ს ( 2019 ივნისი - 63 ახალი განცხადება) შეადგენს, რაც წინა თვესთან შედარებით 21%-ით (მაისი 2019 - 52 ახალი განცხადება), გასული წლის ივნისთან შედარებით კი 173%-ით გაიზარდა (2018 ივნისი - 23 ახალი განცხადება)

გასაქირავებელი აგარაკების დინამიკაში, მიწოდების ზრდის 2 სეზონი იკვეთება, ზამთარი, კერძოდ კი დეკემბერი, სადაც დღიურად გასაქირავებელი აგარაკების რაოდენობა ნოემბერთან შედარებით 6 ჯერ იზრდება და ზაფხულის პერიოდი, სადაც როგორც დღიურად, ასევე ხანგრძლივი პერიოდით გასაქირავებელი აგარაკების რაოდენობა, როგორც ნახაზზეა მოცემული, მნიშვნელოვნად იზრდება.

კვლევაში გასაქირავებელი აგარაკების რაოდენობა ადგილების მიხედვითაა შედარებული. თბილისში, წყნეთში, მანგლისში, საგურამოში, ტაბახმელაში და კოჯორში

კვლევის მიხედვით, ხანგრძლივი პერიოდით გასაქირავებელი აგარაკების უმრავლესობა 54% დედაქალაქსა და მის შემოგარენში მდებარეობს.

საქართველოში წარმოდგენილი გასაქირავებელი აგარაკები ფასების მიხედვით ბიუჯეტურ (1000-1500 ლარი) საშუალო (2000-5000 ლარი) და პრემიუმ (5000-10000) კლასის სეგმენტებადაა წარმოდგენილი:

თბილისში - გასაქირავებელი აგარაკების დაახლოებით 9% მდებარეობს, სადაც ბინების საშუალო ფასი ქვედა პრემიუმ სეგმენტშია წარმოდგენილი და ძირითადად 5-6 ათასი ლარის ფარგლებში მერყეობს.

წყნეთში - გასაქირავებელი აგარაკების დაახლოებით 15% მდებარეობს. აღსანიშნავია, რომ აქ ძირითადად საშუალო და ზედა პრემიუმ სეგმენტის აგარაკები მდებარეობს, ფასი კი 7-10 ათას ლარებში მერყეობს.

კოჯორში - მდებარე აგარაკების უმეტესობა დაახლოებით 12% ხანგრძლივი პერიოდით ქირავდება, სადაც ქვედა პრემიუმ და ზედა საშუალო სეგმენტის აგარაკებს შეხვდებით. ფასი კი ძირითადად 4-7 ათასი ლარის ფარგლებშია წარმოდგენილი.

საგურამოში - გასაქირავებელი აგარაკების დაახლოებით 7% მდებარეობს. საგურამოში პრემიუმ და ასევე საშუალო ფასის აგარაკები თანაბრადაა განაწილებული.

მანგლისში - გასაქირავებელი აგარაკების 3.6% მდებარეობს, სადაც აგარაკები ძირითადად ქვედა საშუალო სეგმენტზეა გათვლილი და ფასი 3000 ლარამდეა.

ტაბახმელაში - გასაქირავებელი აგარაკების მხოლოდ 2% მდებარეობს, სადაც ზედა საშუალო სეგმენტზეა გათვლილი და აგარაკები ძირითადად 3500 ლარიდან იწყება. ასევე იხილეთ: დედაქალაქსა და საკურორტო ზონებში გასაქირავებელი ბინების რაოდენობა გაიზარდა - SS.ge-ს კვლევა