Mercedes-Benz-ის მინივენები ცუდად იყიდება - ისინი ბაზარს ტოვებენ

629

14.08.2022 22:05:26

კომპანია Mercedes-Benz აპირებს სამოდელო ხაზის ოპტიმიზებას ამერიკის ბაზარზე. დაბალი გაყიდვების გამო 2023 წლიდან კომპანია აპირებს ამერიკის გაყიდვებიდან მთლიანად ამოიღოს მინივენი Metris( იგივე V-Class ან Vito სხვა ბაზრებზე) და ბენზინისძრავიანი Sprinter. შეწყდება ასევე 2.0 ლიტრიანი ტურბოოთხიანების წარმოებაც, რომლებითაც იყო დაკომპლექტებული ეს მოდელები. რაც შეეხება დიზელის Sprinter-ს ის გაყიდვაში დარჩება, ვინაიდან სწორედ მასზე მოდის მოდელის გაყიდვების 75%.

Metris/V-Class-მა შტატებში ფართო გამოყენება ჰპოვა როგორც საფოსტო ავტომობილმა. ქვეყნის საფოსტო სამსახურმა კომპანიამ 30,000 ამ ავტომობილის შეკვეთა ჯერ კიდევ 2020 წელს გაუფორმა, შესაბამისად სანამ არ მოხდება ამ

შეკვეთის სრულად შესრულება, მოდელი ამერიკის ბაზარზე დარჩება.

რაც შეეხება საცალო გაყიდვებს, მათ დილერების მოლოდინები ვერ გაამართლა, როგორც ამერიკული მედია წერს, Metris ვერ გახდა პოპულარული მისი ზომების გამო, ის უფრო პატარაა ვიდრე Ford Transit, თუმცა უფრო დიდი ვიდრე Transit Connect, შესაბამისად მან ვერ შეძლო კონკურენციის გაწევა ვერცერთი მოდელისთვის. ცალკეული დილერების აზრით კი ეს მოდელი საერთოდ არაა ღირსი ატაროს სამქიმიანი ემბლემა, ვინაიდან მისი ხარისხი ნამდვილად არ შეესაბამება ბრენდის სტადარტებს.