![123445](https://static.ss.ge/20220930/f746ba1d-7f5d-49ce-ad8d-cc5b57fc8524.jpg)
ოქრო და ავტომობილი - როგორია საპროცენტო განაკვეთები ლომბარდებში
ოქროს ნაკეთობები და ავტომობილი - ეს 2 რამ საქართველოში
დალომბარდებულ ნივთებს შორის შეიძლება ითქვას, რომ ყველაზე დიდი პოპულარობით სარგებლობს.
ლომბარდებიც უფრო მეტად ამ ნივთებს იბარებენ. თუმცა როგორც თბილისში მდებარე ლომბარდებში
აცხადებენ, მოსახლეობის ნაწილი სოციალური მდგომარეობიდან გამომდინარე, დღეს აბარებს
ყველაფერს, რისი დალომბარდებაც შეიძლება.
მაგრამ როგორც უკვე აღვნიშნეთ, ყველაზე პოპულარული მაინც
ოქროს და ავტომობილის დალომბარდებაა. შესაბამისად, ლომბარდის თუ ლომბარდული სესხის
გამცემ საფინანსო სექტორის ვებ-გვერდზე განაცხადები ძირითადად ამ 2 პროდუქტზე გვხვდება.
„თუ ხართ საქართველოს მოქალაქე, თუ თქვენ უცებ დაგჭირდათ
თანხა, რომელსაც ვერ შოულობთ და გყავთ ავტომობილი, (გაქვთ ოქრო ან სხვა ძვირფასი ლითონი/ქვა)
ჩვენი ლომბარდი მარტივად, ყოველგვარი ზედმეტი საბუთების გარეშე (ხელფასის ცნობა, საბანკო
ამონაწერი და ა.შ) დაგიმტკიცებთ ავტო სესხს“
- აღნიშნულია ინფორმაციაში.
დამაინც რა წესები მოქმედებს
ქართულ ლომბარდებში და როგორია საპროცენტო განაკვეთები?
ავტოლომბარდი
ავტოლომბარდის შემთხვევაში გასაცემად სხვადასხვა საფინანსო
სექტორს სხვადასხვა თანხა აქვს განსაზღვრული. განსხვავდება საპროცენტო განაკეთებით
და ხშირ შემთხვევაში, ის წლიურ 27%-დან იწყება და 45-46%-ზე ადის.
მაგალითად, თუ სესხის თანხა არის 2 000 ლარი და სესხის
ვადიანობა განსაზღვრულია 12 თვით, მაშინ წლიური ეფექტური საპროცენტო განაკვეთი შეადგენს
საშუალოდ, 45%-ს. (კლებადი ძირით). საბოლოო ჯამში კი მსესხებელი წლის განმავლობაში
იხდის 293 ლარით მეტს, ანუ დასაფარი აქვს 2 293 ლარი.
ოქროს ლომბარდი
ავტომობილისგან განსხვავებით, ოქროს ლომბადი მსესხებელს
შედარებით იაფი უჯდება. მაგალითად, თუ გსურთ 2 000 ლარის აღება, ოქროს ლომბარდის შემთხვევაში
წლიური საპროცენტო განაკვეთი საშუალოდ 18,6-19%-ია და კლებადი ძირით, საბოლოო ჯამში,
მსესხებელს 200 ლარით მეტის, 2 200 ლარის გადახდა უწევს.
ეს ყველაფერი იმ შემთხვევაში, თუ მსესხებელი კეთილსინდისიერი გადამხდელია და ყოველთვიურად საფინანსო სექტორთან ვალდებულებას პირნათლად ასრულებს. სხვა შემთხვევაში, ლომბარდი მას პირგასამტეხლოს ან ჯარიმას უწესებს, რომლის მოცულობა ინდივიდუალურად დგინდება.
უბრალოდ სტატისტიკა
2022 წლის მეორე კვარტლის მდგომარეობით, სესხის გამცემმა სუბიექტებმა ჯამში 1,055 მლრდ ლარის სესხი გასცეს, აქედან 289,611 მლნ ლარი ლომბარდული კრედიტი გაიცა.
რაც შეეხება მიკროსაფინანსო ორგანიზაციების მიერ გაცემულ სესხებს, ამავე მონაცემების მიხედვით, წელს მეორე კვარტლის მდგომარეობით, ჯამში 1,487 მლრდ ლარის კრედიტი გაიცა, საიდანაც 755,963 მლნ ლარი ლომბარდულ სესხებზე მოდის.
ეს სტატისტიკა კი იმაზე მიუთითებს, რომ საფინანსო სექტორის
მიერ (კომერციული ბანკების გარდა) გაცემულ კრედიტებში ყველაზე პოპულარული სწორედ ლომბარდული
სესხებია.
![](https://static.ss.ge/20220930/fcde973a-6d22-450d-bc05-397a1840c4dd_Thumb.jpg)
![popular blog image](https://static.ss.ge/49c73942-1514-467d-8f2b-667dbdf14226.jpg)
![](/img/seperatorBlogs.png)
![popular blog image](https://static.ss.ge/24ad0e17-afc4-4f5f-90bc-07c16d5067a8.jpg)
![](/img/seperatorBlogs.png)
![popular blog image](https://static.ss.ge/836bda56-5801-46e2-916c-c94e295f37ae.jpg)
![](/img/seperatorBlogs.png)
![popular blog image](https://static.ss.ge/155ca949-8bf1-4ab1-add8-4cef1c59134e.jpg)
![](/img/seperatorBlogs.png)