რა უნდა გაითვალისწინო, თუ სწრაფი კარიერული განვითარება გსურს — რჩევები

1212

25.11.2024 16:50:10

ტექნოლოგიების სწრაფი განვითარება და შრომის ბაზრის ტრანსფორმაცია ჩვენს კარიერულ არჩევანსა თუ გამოცდილებაზე დიდ გავლენას ახდენს. ამ პროცესების კვალდაკვალ, ბევრმა ჩვენგანმა უკვე აღმოაჩინა, რომ განსხვავებული უნარების შეძენა სჭირდება ან საერთოდაც ახალი პროფესიის შესწავლა გადაწყვიტა. ნებისმიერ შემთხვევაში, ცვლილებებთან ადაპტაცია თუ გამოწვევებთან გამკლავება სწრაფ კარიერულ განვითარებას მოითხოვს, რათა შრომის ბაზარზე კონკურენტუნარიანი იყო. შემდეგი რჩევები კი დაგეხმარება, რომ 21-ე საუკუნის შესაძლებლობები მაქსიმალურად გამოიყენო და წარმატების გზაზე არ შეჩერდე:

გაიარე კურსები

ახალი ცოდნის მიღება დაგეხმარება საკუთარი თავი როგორც სრულიად განსხვავებულ სფეროში გამოცადო, ისე ამჟამინდელი პროფესიის მხრივ უნარები განავითარო. ორივე შემთხვევაში, სასურველი თემატიკისა და ხანგრძლივობის კურსების გავლა სრულიად ახალ შესაძლებლობებს ქმნის. მაგალითად, გრაფიკული დიზაინის, ბუღალტერიის თუ ფოტოშოპის კურსები დასაქმების კუთხით ბევრ ახალ ალტერნატივას გაგიჩენს და მათ შესასწავლად წლები სულაც არ დაგჭირდება. საინტერესო კურსების სიას კი აქ მარტივად იპოვი.

დაესწარი ტრენინგებს

წლიდან წლამდე თითოეულ პროფესიაში ახალი მიდგომები და სტრატეგიები ჩნდება. ტექნოლოგიების სწრაფი განვითარება, ინოვაციები და ბაზრის დინამიკა მოითხოვს, რომ პროფესიონალებმა თავიანთი ცოდნა და უნარები მუდმივად განაახლონ. ამასთანავე, ტრენინგები ხშირად აქტივობებსაც მოიცავს, რაც გეხმარება მიღებული ცოდნა პრაქტიკაში მალევე დატესტო. ასე რომ, კარიერული განვითარების გზაზე შენთვის საინტერესო ტრენინგებში მონაწილეობა ყოველთვის გონივრული არჩევანია. მიმდინარე და ახლო მომავალში დაგეგმილი ტრენინგების შესახებ ინფორმაციას SS.ge-ის ვებგვერდზე შეგიძლია გაეცნო.

ისწავლე უცხო ენა

უცხო ენის სრულყოფილად ცოდნა დღეს მაღალ პოზიციებზე დასაქმების ერთ-ერთი მთავარი პირობაა. თუ უწყვეტი განვითარება შენი კარიერული მიზანია, უცხო ენის შესწავლას რაც მალე დაუთმობ დროს, შედეგსაც უფრო ადრე მიაღწევ. ასევე, უცხო ენის ცოდნა საერთაშორისო ბაზარზე მაღალანაზღაურებად პოზიციაზე დასაქმების შანსსაც ზრდის. ამასთანავე, ახალი ენის შესწავლა ან უკვე ნაცნობი ენის დახვეწა გაცილებით მეტ რესურსზე წვდომასაც გულისხმობს. უცხო ენის პედაგოგის პოვნას კი SS.ge-ის განცხადებებიდან მარტივად შეძლებ.

მიიღე გამოცდილება გაყიდვების სფეროში

დღევანდელ შრომის ბაზარზე გაყიდვები ერთ-ერთი ყველაზე მოთხოვნადი სფეროა, რაც ბიზნესების მუდმივი განვითარებითა და მომხმარებელთა მზარდი მოთხოვნებით არის განპირობებული. შესაბამისად, თუ პროფესიას ახლა ირჩევ ან შეცვლა გაქვს გადაწყვეტილი, გაყიდვების სფერო ერთ-ერთ მნიშვნელოვან ვარიანტად აუცილებლად უნდა განიხილო. კომპანიების მხრიდან გაყიდვების სფეროს პროფესიონალებზე საკმაოდ მაღალი მოთხოვნაა და ეს ტენდენცია კიდევ დიდხანს შენარჩუნდება. გაყიდვების სფეროში მიმდინარე ვაკანსიებს აქ შეგიძლია გადაავლო თვალი.

შეისწავლე ახალი პროფესია და დასაქმდი

გამომდინარე იქიდან, რომ შრომის ბაზარი უფრო მოქნილი ხდება, სხვადასხვა სფეროში ახალი და არატრადიციული პოზიციები სულ უფრო ხშირად ჩნდება. ასეთ პოზიციებზე დასაქმებისთვის კი მთავარი წინაპირობა არა წლების განმავლობაში დაგროვილი გამოცდილება, არამედ ადგილზე სწავლისა და განვითარების უნარია. თუ სიახლეებს მარტივად ითვისებ და კრეატიულობითაც გამოირჩევი, დროა, თავი სრულიად ახალ სფეროში გამოცადო და გამოცდილების შეძენაზე ამ კუთხითაც დაფიქრდე. სხვადასხვა სფეროში მიმდინარე ვაკანსიებს SS.ge-ის ვებგვერდზე თვალი მუდამ შეგიძლია ადევნო.