მოვამზადებ მოსწავლეებს კითხვისა და წერის უნარების გასაუმჯობესებლად და შევუქმნი მათ გარემოს, სადაც სწავლა იქნება საინტერესო, გასაგები და მოტივაციური. თუ თქვენს შვილს უჭირს წაკითხულის გააზრება, აზრის ჩამოყალიბება ან წერითი დავალებების შესრულება, ერთად ვიმუშავებთ, რათა განუვითარდეს ლოგიკური, კრიტიკული და შემოქმედებითი აზროვნება. ვარ ფსიქოლოგი, ხელოვნებათმცოდნეობის მაგისტრი და გავლილი მაქვს მასწავლებლის მომზადების პროგრამა, მრავალწლიანი გამოცდილებით ვმუშაობ ბავშვებთან და კარგად ვიცნობ მათ ინდივიდუალურ საჭიროებებს. მუშაობა მიმდინარეობს ინდივიდუალურად, ბავშვის ასაკისა და შესაძლებლობების გათვალისწინებით, მხარდამჭერ და მეგობრულ გარემოში. გაკვეთილებზე ყურადღებას დავუთმობთ კითხვის ტექნიკის გაუმჯობესებას, ტექსტის სიღრმისეულ გააზრებას, აზრის სწორად და მკაფიოდ ჩამოყალიბებას, წერითი უნარების განვითარებასა და მსჯელობის კულტურის ჩამოყალიბებას, რათა ბავშვმა ისწავლოს საკუთარი აზრის თავისუფლად და თავდაჯერებულად გამოხატვა.