წყარო: თბილისის საცხოვრებელი უძრავი ქონება – 2025 სრული წლის შეჯამება - გალტ&თაგარტი

გალტ&თაგარტმა თბილისის უძრავი ქონების კვლევა გამოაქვეყნა და 2025 წელი შეაჯამა. 

"2025 წლის სუსტმა დასაწყისმა ბაზარზე ნეგატიური მოლოდინები გააჩინა, თუმცა თბილისის საცხოვრებელი უძრავი ქონების ბაზრისთვის წელი მოთხოვნის აღდგენითა და ფასის დასტაბილურებით დასრულდა. მიუხედავად ამისა, ბაზარზე ჭარბი მიწოდების რისკები კვლავ შენარჩუნდა. წლის დასაწყისში, ქვეყანაში არსებულმა შიდა პოლიტიკურმა არასტაბილურობამ მყიდველთა ნაწილს შესყიდვის გადავადებისკენ უბიძგა, რამაც მოთხოვნა მნიშვნელოვნად შეასუსტა. თუმცა, ამ პერიოდში დაგროვილი მოთხოვნა წლის მეორე ნახევარში რეალიზდა. შედეგად, გაყიდვები 2025 წელს 2023-24 წლებთან შედარებით გაიზარდა, თუმცა კვლავ ჩამორჩებოდა 2022 წლის რეკორდულ მაჩვენებელს. მიწოდების მხარეს დაფიქსირებული მცირედი კლების მიუხედავად, გაცემული ნებართვების მოცულობა კვლავ მნიშვნელოვნად აჭარბებს 2015-22 წლების ნიშნულს. 2025 წელს, გაზრდილმა კონკურენციამ ფასის ზრდის ტემპის შენელება გამოიწვია და დეველოპერებს შიდა განვადების სქემების მაქსიმალურად დახვეწისკენ უბიძგა"

კვლევაში განხილულია საცხოვრებელი უძრავი ქონების ბაზრის განვითარება 2025 წლის განმავლობაში - როგორ შეიცვალა მოთხოვნა, მიწოდება, გასაყიდი და გასაქირავებელი ფასები.

თუ თქვენთვის უძრავი ქონების ბაზარი საინტერესოა, ისარგებლეთ SS.ge-ის უძრავი ქონების ფასის კალკულატორით, რომელიც დაგითვლით კონკერტული უძრავი ქონების საბაზრო გასაყიდ და გასაქირავებელ ფასს, ასევე მოგაწვდით ფასის ცვლილების სტატისტიკას, სასურველ ქალაქსა თუ უბანში.