Найдите лучшее для вас

test

ყველაფერი ერთად, რაც 2023 წელს საავტომობილო ინდუსტრიაში გველოდება. 1.    ციფრული ტექნოლოგიებით აღჭურვილი ელექტროავტომობილების გაზრდილი წარმოება.   ავტომწარმოებლები განაგრძობენ ავტომობილებში ციფრული ტექნოლოგიების ინტეგრირებას. ტექნოლოგიური კომპანიები, როგორებიცაა Google და Tesla, მუშაობენ ელექტრო და თვითმართვად მანქანებზე. შედეგად, 2023 წელს და შემდგომში წარმოებული მანქანები აღჭურვილი იქნება ციფრული კავშირის ტექნოლოგიით. სწორედ ახლა სასტიკი კონკურენცია მიმდინარეობს პროგრამული უზრუნველყოფის ტექნოლოგიის შემუშავებისთვის, რომელიც განკუთვნილია ნულოვანი გამონაბოლქვის მქონე ახალი ინოვაციური მანქანების ოპერაციული სისტემისთვის, კვებისა და კონტროლისთვის. ახლა ეს მანქანები ციფრული ტექნოლოგიით აღიჭურვება.2.    ავტომობილების ინტერნეტით გაყიდვების გაზრდა.   ჩრდილოეთ ამერიკასა და ევროპაში ავტომწარმოებლები მომხმარებელს შესაძლებლობას აძლევენ თავიდან აიციოლონ დილერებთან ვიზიტი და სასურველი მანქანა ონლაინ შეიძინონ. კომპიუტერის ან სმარტფონის საშუალებით, მყიდველებს შეუძლიათ იყიდონ თავიანთი გამჭრიახობით, შეისწავლონ და შეარჩიონ მათთვის სასურველი ფუნქციები ავტომობილზე და ისარგებლონ განვადებით. გარდა ამისა, ახლა დილერებიც ონლაინ ყიდიან ავტომობილებს. ისინი ონლაინ ათვალიერებინებენ ავტომობილებს და სახლთან ატარებენ ტესტ-დრაივებს. ასევე, მათ შეუძლიათ გაყიდული მანქანის სახლში მიწოდება. 2023 წლიდან ბევრად მეტი დილერი გამოიყენებს ამ შესაძლებლობას.3. მეორადი მანქანების გაყიდვების გაზრდა ახლა მეორადი მანქანების გაყიდვების ბუმია. ავტოინდუსტრიის ექსპერტები ვარაუდობენ, რომ მეორადი მანქანების გაყიდვების 9%-იანი ზრდა, რაც 2019 წელს დაიწყო, 2025 წლამდე გაგრძელდება. მეორად ავტომობილებზე მოთხოვნა იზრდება, განსაკუთრებით ოთხი წლის ან უფრო ახალ მანქანებზე. ეს მანქანები მრავალი უახლესი საავტომობილო ტექნოლოგიით არის აღჭურვილი და არც ახალივით ძვირია. ეს მოიცავს მეორად ელექტრო და ჰიბრიდულ მანქანებს. დილერებს ახლა აქვთ მეორადი მანქანების დიდი მარაგები, რომლებიც ახალი მანქანებივით გამოიყურებიან და ფუნქციონირებენ, მაგრამ ბევრად ნაკლები ღირს. ასეთ ავტომობილებზე ბანკების დაბალი საპროცენტო განაკვეთიც სესხზე, მნიშვნელოვან გავლენას ახდენს მათ გაყიდვებზე. 4. მეტი დაკავშირებული მანქანა დაკავშირებული მანქანები ის მანქანებია, რომლებიც დაკავშირებულია უსადენო ინტერნეტის მეშვეობით. ეს მანქანები უზრუნველყოფენ უსაფრთხო, კომფორტულ, მოსახერხებელ მულტიმედია გამოცდილებას მოთხოვნილი ფუნქციების გამოყენებით, რაც საშუალებას გაძლევთ გააკეთოთ ის, რაც გსურთ ინტერნეტში, სანამ მანქანაში ხართ. დაკავშირებულ მანქანებს შეუძლიათ ორმხრივი კომუნიკაცია სხვადასხვა სისტემებთან მათი ადგილობრივი ქსელის გარეთ. მანქანებს შეუძლიათ გაუზიარონ ინტერნეტი და მონაცემები მანქანის შიგნით და მის გარეთ მოწყობილობებს. დაკავშირებული მანქანები აგზავნიან ციფრულ მონაცემებს და ატარებენ დისტანციურ დიაგნოსტიკას, მანქანის გამართულობის შესახებ ანგარიშებს, მონაცემთა ტელემატიკას, აქვთ წვდომა 4G LTE Wi-Fi Hotspots-ზე, იღებენ ეტაპობრივ მიმართულებებს, აფრთხილებენ მანქანის გაუმართაობის შესახებ და უშუალოდ მოქმედებენ თავად, რათა მძღოლს აარიდოს ავარიის რისკები. 2015 წელს მიწოდებული მილიარდზე მეტი მომხმარებლის მოთხოვნა დამუშავდა და 2023 წელს დაკავშირებული მანქანები ნახტომისებურ განვითარებას გვპირდებიან, ისინი ახლებურად წარდგებიან მომხმარებლის წინაშე და შესთავაზებენ პროგნოზული ანალიზის ტექნოლოგიას და ტექნიკურ მომსახურებას. 5. ონლაინ მარკეტინგის უფრო ინოვაციური სტრატეგიები  ჩინეთში ავტოდილერები შუამავალ პლატფორმებს იყენებენ ავტომობილების გასაყიდად, იმისთვის რათა დაგეგმონ ვიზიტები და ტესტ-დრაივები დაჯავშნონ. სოციალური მედიის გავლენიანი მომხმარებლები მცდელობას არ დააკლებენ გამოიწვიონ დაინტერესება იმ მანქანების მიმართ, რომლებიც 2023 წელს უნდა გამოჩნდეს. ტექნოლოგიური აქტივისტები, როგორებიც არიან Roadster, G Forces, Digital Motors, Sophus3 და CitNow აძლიერებენ საავტომობილო ეკოსისტემას და ციფრული მიმზიდველი სურათებით, უზადო პრეზენტაციებით და ძლიერი პლატფორმებით იზიდავენ მყიდველებს. ხოლო, 2023 წელი ჩართულობა კიდევ უფრო გაიზრდება. 6. საწვავის გარდაქმნით მიღებული ელექტრო ენერგიით მომუშავე მანქანების გამოჩენა 2023 წელს საწვავის გარდაქმნით მიღებული ელექტრო ენერგიით მომუშავე მანქანების, მსოფლიოს მასშტაბით, გავრცელება იგეგმება. სულ უფრო მეტი ადამიანი იყენებს საწვავის გარდამქმნელი ძრავის მქონე ელექტრო მანქანებს, რადგან ისინი უფრო სწრაფად იტენება, აქვთ 5-ჯერ მეტი გამავლობის რესურსი, ვიდრე სხვა ელექტრო სატრანსპორტო საშუალებებს და გამონაბოლქვის სახით მხოლოდ წყლის ორთქლს გამოყოფენ. სედანების, სატვირთო მანქანების და ჯიპების მრავალი მწარმოებელი ინვესტიციას ახორციელებს საწვავის გარდამქმნელი ძრავის მქონე ელექტრო მანქანების განვითარებაში. ჩინეთი, გერმანია, იაპონია, სამხრეთ კორეა და შეერთებული შტატები მხარს უჭერენ საწვავის გარდამქმნელი ძრავის მქონე ელექტრო ავტომობილების ტექნოლოგიას. ასე რომ, 2023 წელი შეიძლება მათი გარღვევის წელი იყოს. 7. საზიარო მობილობა საზიარო მობილობა ახალი ბიზნეს მოდელია, რომელიც მზარდი პოპულარობით სარგებლობს და ტრადიციული გაგებით ავტომობილის ფლობის ალტერნატივაა. საერთო მობილობით, ორი ან მეტი ადამიანი იყენებს ერთსა და იმავე მანქანას მოკლევადიანი სარგებლობისთვის. ასეთი მობილობა ტაქსის სერვისის გამოყენებას, ან უბრალოდ მანქანის ქირაობას ჰგავს. სატრანსპორტო საშუალებების საზიარო გამოყენებაზე შეთანხმება სულ უფრო პოპულარული ხდება ბოლო წლებში. ახალი კომპანიები, რომლებიც გვთავაზობენ საზიარო მობილობის საერთო მომსახურებას, ყოველდღიურად ჩნდებიან. ეს ხელმისაწვდომი და მოსახერხებელი ალტერნატივაა, რომელმაც მანქანის ფლობის მაღალი ხარჯები და დრო უნდა დაგვიზოგოს, ასევე აგვარიდოს ზედმეტი პასუხისმგებლობები. მოსალოდნელია, რომ საზიარო მობილობა 2023 წელს მკვეთრად გაიზრდება. 8. ავტონომიური თვითმართვადი სატრანსპორტო საშუალებები ავტონომიური თვითმართვადი მანქანები უკვე იყიდება და სავარაუდოა რომ 2023 წელს ისინი, კიდევ უფრო მეტად, დაფასებულნი და პოპულარულნი გახდებიან. კვლევებით დამტკიცებულია, რომ ავტონომიური სატრანსპორტო საშუალებები, ბევრად უფრო უსაფრთხოა, ამცირებენ საცობებს, აფართოებენ მიწოდების ზონას კურიერებისთვის, ამცირებენ მძღოლის დაღლილობასთან და დაუდევრობასთან დაკავშირებულ ავარიებს, აუმჯობესებენ საწვავის ეფექტურობას 10%-ით და მათი წყალობით ყოველწლიურად CO2-ის გამოყოფა 42 მილიონი ტონით მცირდება. რამდენიმე სატვირთო კომპანია უკვე იყენებს თვითმართვად ტექნოლოგიას, ხოლო 2023 წლიდან ის უკვე ჩვეულებრივი გახდება და სულ მალე  უნდა ველოდოთ ავტონომიური თვითმართვადი კომერციული სატვირთო მანქანების ან თვითმართვადი ტესლას ნახვას გვერდით ზოლში.9. სატვირთოების რაზმები საავტომობილო ინდუსტრიის კიდევ ერთი ტენდენცია, რომელსაც 2023 წელს ნახავთ, არის სატვირთო მანქანების რაზმები. ეს ხდება მაშინ, როდესაც მრავალი სატვირთო მანქანა იყენებს მანქანა-სატრანსპორტო კავშირს, რათა მაღალი სიჩქარით გადაადგილებისას მიუახლოვდეს ერთმანეთს. სატვირთო მანქანების რაზმები უფრო ხშირი გახდება 2023 წელს და მის შემდგომ, რადგან კვლევებმა აჩვენა, რომ სატვირთო მანქანები, რომლებიც ამ ტიპის წარმონაქმნებში გადაადგილდებიან, ექსპონენტურად ზრდის მათ საწვავის ეფექტურობას. სატვირთო რაზმი განსაკუთრებით ეფექტურია ავტონომიურ სატვირთო გადაზიდვებთან ერთად გამოყენებისას. ამრიგად, როგორც ავტონომიური თვითმართვადი სატვირთო მანქანები, ასევე სატვირთო მანქანების რაზმები უფრო გავრცელებული გახდება გზაზე. 10. ავტომწარმოებლების და ტექნოლოგიური კომპანიების ტანდემი  იმის გათვალისწინებით, რამდენად სწრაფად ინერგება ახალი ტექნოლოგიები ავტომობილებში თუ სხვა სატრანსპორტო საშუალებებში, სავარაუდოა რომ ავტომწარმოებლების და ტექნოლოგიური კომპანიების კავშირი კიდევ უფრო გაიზრდება. ელექტრონული, დაკავშირებული და თვითმართვადი ავტომობილები სპეციალურ პროგრამულ უზრუნველყოფას და მოწინავე ტექნოლოგიებს მოითხოვს გამართული მუშაობისა და უსაფრთხოებისთვის. მსუბუქი მანქანების, სატვირთო მანქანების და მაღალი გამავლობის ავტომობილების მწარმოებლებმა ან დიდი ინვესტიციები უნდა განახორციელონ თავიანთ ტექნოლოგიურ განყოფილებებში, ან ტექნოლოგიურ კომპანიებთან უნდა ითანამშრომლონ, რომლებსაც ახალი ოპერაციული სისტემების შემუშავება და წარმოება შეუძლიათ, ის რაც დასჭირდება ტექნოლოგიურად მოწინავე ავტომობილების მომავალ თაობას. ასე რომ, 2023 წელს კიდევ უფრო მეტი ავტომწარმოებლის და ტექნოლოგიური კომპანიის პარტნიორობის მოწმენი გავხდებით.

24, 25 და 26 ოქტომბერს რიკოთის საავტომობილო გვირაბში მოძრაობის დროებითი გადართვა დაწესდება.საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტის ინფორმაციით, საერთაშორისო მნიშვნელობის თბილისი–სენაკი–ლესელიძის საავტომობილო გზის 143-ე კმ-ზე მდებარე რიკოთის საავტომობილო გვირაბში, პროფილაქტიკური სამუშაოების ჩატარების მიზნით, 2022 წლის 24 ოქტომბრის 01:00სთ-დან 06:00სთ-მდე, 25 ოქტომბრის 01:00სთ-დან 06:00სთ-მდე და 26 ოქტომბრის 01:00სთ-დან 06:00სთ-მდე იკრძალება ყველა სახის ავტოტრანსპორტის მოძრაობა. ხოლო, დღე-ღამის დანარჩენ პერიოდში ავტოტრანსპორტის გადაადგილება თავისუფალია.მათივე ცნობით, დროის აღნიშნულ პერიოდში, საავტომობილო გვირაბის ჩაკეტვის დროს, ავტოტრანსპორტის მოძრაობა გადაერთვება შიდასახელმწიფოებრივი მნიშვნელობის რიკოთის გვირაბის შემოსავლელ საავტომობილო გზაზე.