როგორ მივიღოთ სასურველი რეზიუმეები მარტივად?

ხანდახან ისეც ხდება, რომ რეკრუტერისა და სამუშაოს მაძიებლის საჭირო დროს გადაკვეთა ვერ ხერხდება და ვაკანსიისთვის შესაფერისი კანდიდატის მოძიება HR სპეციალისტს ძალიან უჭირს, მაძიებელი კი თავისთვის სასურველ სამსახურს ამაოდ ეძებს, ვაკანსიაზე გამოხმაურების ბოლო ვადა გამორჩება ხოლმე, არ არსებობს შუამავალი ადამიანი, ვინც ერთმანეთს დროულად დააკავშირებს მაძიებელსა და შესაბამის სამსახურს და ა.შ. აღნიშნული პრობლემა ეფექტურად გადაიჭრებოდა იმ შემთხვევაში, თუკი რაიმე მექანიზმით შესაძლებელი გახდებოდა დაინტერესებული პირების ერთმანეთთან დაკავშირება.

როგორც იცით, ss.ge-ზე შესაძლებელია, რომ სამუშაოს მაძიებლებმა თავიანთი რეზიუმეები ატვირთონ და ისინი დამსაქმებლებისთვის ხელმისაწვდომი გახადონ, განსაზღვრონ მათთვის სასურველი სამსახურის კრიტერიუმები და ყოველდღიურად რომ დრო მხოლოდ ძებნაში არ დაკარგონ, ვაკანსიების გამოწერის ფუნქციით ისარგებლონ და მათთვის სასურველი ვაკანსიის გამოჩენისთანავე შეტყობინება მეილზე მიიღონ. სასურველი ვაკანსიების ძებნაში დახარჯული დრო კი თვითგანვითარებაში გამოიყენონ და კვალიფიკაციის ამაღლებაზე იზრუნონ.

მსგავსი ფუნქცია ამოქმედდა რეზიუმეების გამოწერის შემთხვევაშიც. თუკი დამსაქმებელი ეძებს კონკრეტული პოზიციისთვის შესაბამის კანდიდატს და ss.ge-ზე მისთვის შესაფერისი რეზიუმე აიტვირთება, პოტენციური დამსაქმებელი რეზიუმეების გამოწერის ფუნქციონალის გააქტიურების საშუალებით მიიღებს შეტყობინებას ამის შესახებ და შეძლებს, რომ პირდაპირ დაუკავშირდეს კანდიდატს და დაგეგმოს მასთან პირველადი გასაუბრება. მისი გააქტიურებისთვის საჭიროა გადახვიდეთ დასაქმების კატეგორიაში და იპოვოთ ფოტოზე მოცემული ჩანართი, შემდეგ მარტივად გაიაროთ რეგისტრაცია ტელეფონის ან ელ.ფოსტის მითითებით ან ავტორიზაცია ფეისბუქ ანგარიშის მეშვეობით და თქვენი ანგარიშიდან აირჩიოთ უკვე სასურველი მოქმედება.

აღნიშნული ფუნქციონალები ადამიანებს ეხმარება დროის დაზოგვასა და მეტი საქმის მოსწრებაში. დღესდღეობით, როდესაც დრო ერთერთი ყველაზე ძვირფასი რესურსია და მისი ამაოდ ხარჯვა არავის გვსურს, ძალიან მიმზიდველია ისეთი ფუნქციონალების გამოყენება, რომელიც დროის ეფექტურ მენეჯმენტში დაგვეხმარება და საშუალებას მოგვცემს, რომ ჩვენი რესურსები მივმართოთ სხვა მნიშვნელოვანი საქმეებისკენ. რეკრუტერებისთვის კი ასობით რეზიუმეს გადარჩევა და მათში სასურველი კანდიდატის მოძიება საკმაოდ შრომატევადი და დროში გაწელილი პროცესია. წარმოიდგინეთ, რამდენი არარელევანტური აპლიკაცია შეიძლება შემოვიდეს ამა თუ იმ ვაკანსიაზე, რომელთა გახსნაზე, წაკითხვასა და დახარისხებაში დახარჯული დრო ამაოდ დაკარგულია. ახალი ფუნქციონალის დახმარებით კი წინასწარ გეცოდინებათ, რომ მელსა თუ ტელეფონზე მოსული შეტყობინება ისეთი კანდიდატის რეზიუმეს შემოსვლის მანიშნებელია, ვისაც ეძებდით.