რა მიზეზების გამო შეიძლება იყიდებოდეს ბინა რთულად

ბინის მაძიებლებს უმეტესად განსაზღვრული აქვთ თავიანთი ბიუჯეტი და საჭიროებები. იციან რამხელა და როგორი სტილის ბინას ეძებენ და რა ფასად, შესაბამისად, როდესაც განცხადებებს ნახულობენ, ფილტრავენ თავიანთი პრიორიტეტების მიხედვით: უთითებენ საფასო კატეგორიას, უბანს, კვადრატულობას და ა.შ. ხოლო მას შემდეგ, რაც მყიდველის სასურველ კატეგორიაში მოხვდება თქვენი განცხადება, აუცილებელია გაითვალისწინოთ ის დეტალები, რომელიც დაგეხმარებათ, რომ დაინტერესებული კლიენტის არჩევანი სწორედ თქვენს ბინაზე შეჩერდეს სხვა მსგავსებს შორის. არსებობს ხშირად დაშვებული შეცდომები, რის გამოც თქვენი განცხადება არასრულყოფილად შეიძლება გამოიყურებოდეს და პოტენციური მყიდველის ყურადღების მიღმა დარჩეს. ამ სტატიაში სწორედ ამ შეცდომებზე ვისაუბრებთ.

არასრული ინფორმაცია ბინის შესახებ

ზოგიერთი განცხადების აღწერა შესაძლოა გულგრილად იყოს შევსებული და მყიდველებს არ აწვდიდეს დეტალურ ინფორმაციას მახასიათებლებისა და ბინაში არსებული აღჭურვილობების შესახებ. გასათვალისწინებელია, რომ ბინის მეპატრონესთან ან რეალტორთან დარეკვამდე, კლიენტს სურს, რომ განცხადებაში ამოიკითხოს ის საბაზისო ინფორმაცია, რომელიც სასურველი ბინის ძიებისას გაფილტრვაში დაეხმარება. მაგალითად აუცილებლად აღნიშნეთ ისეთი დეტალები, როგორიცაა სარდაფის, აივნის, ავტოფარეხის, ცენტრალური გათბობისა თუ სათავსო-საკუჭნაოს არსებობა-არარსებობის საკითხი, ზუსტად დაწერეთ ბინის ფართობი, მიუთითეთ აივნის ჩათვლითაა ეს თუ მის გარეშე. შეგიძლიათ აღწერაში მიუთითოთ იმ ობიექტების ჩამონათვალიც, თუ რასთან ახლოს არის თქვენი ბინა, რათა მდებარეობის უპირატესობას გაუსვათ ხაზი. ეცადეთ, რომ ყველა ველი დაკვირვებით და ყურადღებით შეავსოთ და პასუხისმგებლიანად მიიტანოთ ინფორმაცია კლიენტებამდე.

ss.ge-ზე განცხადების განთავსების შესახებ დეტალური ინსტრუქცია შეგიძლიათ იხილოთ აქ: განცხადების განთავსება

განცხადება ფოტოების გარეშე

ფოტოები ვიზუალურად აღქმისთვის ძალიან მნიშვნელოვანი ფაქტორია, მხოლოდ სიტყვიერი, მშრალი აღწერა, როგორი დეტალურიც არ უნდა იყოს ის, ვერ შეგვიქმნის ისეთ მკაფიო წარმოდგენას ბინაზე, როგორც ამას კარგი ხარისხის ფოტოებით შევძლებთ. მაძიებლები ხშირად, პირველივე ფილტრისას უთითებენ, რომ მხოლოდ ფოტოებიანი განცხადებები ამოვიდეს მათ საძიებო არეალში, შესაბამისად, თუ თქვენი განცხადება ფოტოების გარეშეა, ფაქტობრივად შანსის გარეშე რჩება მისი ნახვის ალბათობა. ფოტოს განთავსებისას დიდი მნიშვნელობა აქვს ასევე მის ხარისხს, რაკურსს და დეტალურობას. აუცილებელია, რომ ყველა ოთახის ფოტო განათავსოთ, ასევე კარგი იქნება თუ თან დაურთავთ ფოტოს აივნიდანაც- ხედის აღსაქმელად.

იმ შემთხვევაში, თუკი პროფესიონალისგან გჭირდებათ დახმარება კარგი ხარისხის ფოტოების გადაღებაში, ss.ge ამ სერვისსაც სთავაზობს მომხმარებელს. ეს კონკრეტული სერვისი ფასიან სერვისებში შედის, რომელიც ხელმისაწვდომია ვებგვერდზე. გარდა ხარისხიანი ფოტოებისა, პროფესიონალთა გუნდი გადაამოწმებს სანდოობას და თქვენი განცხადება უპირატესობით ისარგებლებს:  გადამოწმებული განცხადების უპირატესობები

უარი დამატებითი სერვისების გამოყენებაზე

როდესაც ვსაუბრობთ მიზეზებზე, თუ რატომ შეიძლება დიდი დრო სჭირდებოდეს ბინის გაყიდვას, აუცილებლად უნდა ვახსენოთ არასაკმარისი ფინანსური რესურსის ჩადებაა ბინის მეპატრონის მხრიდან. მაღალი კონკურენციის პირობებში, დამატებითი ფინანსური რესურსის გამოყენება რეკლამის ან ფასიანი სერვისების სახით, ნამდვილად დაგეხმარებათ პრობლემის მოგვარებაში. უარის თქმა ამ დამატებით რესურსებზე, დასწევს თქვენი ბინის კონკურენტუნარიანობას და კლიენტების ძებნის არეალში სხვა განცხადებები მოხვდებიან. ვიდრე თქვენს უძრავ ქონებას გაყიდდეთ, აგრძნობინეთ კლიენტებს, რომ ნამდვილად დაინტერესებული ხართ მათთვის ყველა დეტალური ინფორმაციის ხარისხიანად მიწოდებით და ამ ყველაფერში თქვენი რესურსის ჩადებაც არ გენანებათ. ასეთი სერვისები შეიძლება იყოს VIP განცხადებებში მოხვედრა, მუდამ მთავარ გვერდზე - სპეციალურ სლაიდერში თქვენი განცხადების განთავსება და სხვა. დეტალურად, ფასიანი სერვისებისა და მათ უპირატესობებზე შეგიძლიათ ss.ge-ს შესაბამის კატეგორიაში მიიღოთ ინფორმაცია.