როგორ დავწეროთ კარგი განცხადება კომერციული ფართის გასაქირავებლად

ონლაინ პლატფორმებს სულ უფრო ხშირად იყენებენ უძრავი ქონების გაყიდვისა და გაქირავებისთვის. ციფრული ტექნოლოგიების გავრცელებასთან ერთად, ისეთი რეალტორების სერვისების პოპულარული იკლებს, რომლებიც მოძველებული წესით მუშაობენ და არ იყენებენ თანამედროვე ტექნოლოგიებს. მომხმარებლებს, რომლებიც ონლაინ ეძებენ სავაჭრო თუ საოფისე სივრცეს, მარტივადშ ეუძლიათ ნახონ სასურველი ფართი SS.GE-ზე

იმისთვის, რომ ქონება სწრაფად გააქირაოთ მიუთითეთ გარიგების ტიპი. ასევე, ყურადღება მიაქციეთ ფართის დანიშნულებას, რათა დაინტერესებული კლიენტი მიხვდეს საბავშვო ბაღის მოსაწყობად უფრო გამოდგება ფართი, მაღაზიის თუ ოფისის. მნიშვნელოვანია, სწორად მიუთითოთ მისამართი, ფასი და საკონტაქტო ინფორმაცია. თუ ფასი საბაზრო ღირებულებას არ შეესაბამება ან უხარისხო ფოტოები გაქვთ, შეეცადეთ ეს პარამეტრები გააუმჯობესოთ.

მიუთითეთ სრული ინფორმაცია

აღწერა უნდა შეიცავდეს ობიექტის მახასიათებლებს, ძირითად უპირატესობებს და დამატებით ინფორმაციას. მნიშვნელოვანია ვრცლად უპასუხოთ შემდეგ კითხვებს:

• რაიყიდება/ქირავდება;
• სად მდებარეობს;
• რა მახასიათებლები აქვს;
• რატომ არის მომგებიანი მყიდველისთვის ამ ობიექტის ქირაობა;
• რა ღირს;
• ვინ არის გამყიდველი: მფლობელი თუ რეალტორი;
• რასთან არის ახლოს;

თუ თქვენი ქონება თბილისში მდებარეობს, უახლოესი მეტროსადგური მიუთითეთ. ეს დაგეხმარებათ მეტმა ადამიანმა უკეთესად აღიქვას მდებარეობა და დაინახოს უპირატესობა. 

მოიყვანეთ არგუმენტები, რატომ არის ობიექტი მომგებიანი კლიენტისთვის. მაგალითად, თუ ეს სივრცე მაღაზიისთვის ან კაფესთვის არის და ის ქალაქის ცენტრში მდებარეობს, მიუთითეთ ხალხის დიდი ნაკადის შესახებ. თუ ობიექტი გარეუბანშია, მისი უპირატესობა შეიძლება სიმყუდროვე და სიწყნარე იყოს. დაწერეთ მოსახერხებელი სატრანსპორტო კვანძების შესახებ და არ მოგერიდოთ გამოიყენეთ სიტყვა „სასწრაფოდ“, რათა კლიენტებმა უფრო სწრაფად მოახდინონ რეაგირება. არ დაგავიწყდეთ კარგი ფოტოები და შეეცადეთ, 5-6 ისეთი სურათი გადაიღოთ, რომელიც საუკეთესოდ წარმოაჩენს ფართს.