როგორ მოვაწყოთ სააგარაკე ნაკვეთი

ქალაქის ხმაურით და აუტანელი მტვრით დაღლილი ადამიანებისთვის, ქალაქგარეთ, თუნდაც პატარა ეზო და კეთილმოწყობილი აგარაკი ნამდვილი შვებაა. ახლა, სულ უფრო მეტი ადამიანი ცდილობს შეიძინოს უკვე მზა აგარაკი, ან მიწის ნაკვეთი, სადაც დასასვენებელ სივრცეს თავად მოიწყობს. მაგრამ, როგორ ავაშენოთ ის და როგორ მოვაწყოთ ეზო, ეს ხომ არსად გვისწავლია.

ლანდშაფტის დიზაინი შემოქმედებითი პროცესია, ის ძალიან შრომატევადია და ფინანსურ ინვესტიციებს მოითხოვს. სწორი პროექტის შედგენისას, თუნდაც მცირე მიწის ნაკვეთზე ორიგინალური, მიმზიდველი და უფრო მეტიც, პრაქტიკული მწვანე კუთხის მოწყობაა შესაძლებელი.


აგარაკი მფლობელებს ხშირად უწევთ მცირე ფართობზე განათავსონ ყველა საჭირო საცხოვრებელი და სამეურნეო შენობა, რომ აღარაფერი ვთქვათ ბოსტანსა და ლამაზ ბაღზე. ამავდროულად, ეს არ უნდა მოხდეს კომფორტის დათმობით, პრაქტიკულობის სანაცვლოდ.

რაციონალური განაწილების მნიშვნელოვანი ასპექტები

პირველ რიგში, ფართობი უნდა დავყოთ ზონებად და თითოეული ზონის ზომა განვსაზღვრეთ. შემდეგ აღვჭურვოთ ისინი შესაბამისი ელემენტებით. ეს მრავალფეროვნება მოგცემთ შესაძლებლობას ეტაპობრივად მოაწყოთ ის.

პროფესიონალი დიზაინერების რჩევების მიხედვით საცხოვრებელი სახლ გზასთან ახლოს, აგარაკის შესასვლელთან ახლოს უნდა განთავსდეს. ამის წყალობით იქმნება გექნებათ საკომუნიკაციო სისტემებზე მარტივი წვდომა, რომლებიც, როგორც წესი, გზის გასწვრივ გადის.

თუმცა, არსებობს მოწყობის მეორე ვარიანტიც, რომლის მიხედვითაც საცხოვრებელი სახლი გზიდან მოშორებით შენდება. დიზაინის ამ ვარიანტს მაშინ უნდა მივმართოთ, როდესაც გაზონის მოწყობას ან პატარა პარკის მოწყობას ვგეგმავთ სახლის წინ.


სააგარაკე ტერიტორიის ზონირება


ეზოს ტერიტორიის ზონებად დაყოფა და მათი ერთმანეთისგან გამოყოფა ლანდშაფტის დიზაინის ერთ-ერთი ყველაზე მნიშვნელოვანი ეტაპია.

როგორც წესი, ეზო მოიცავს შემდეგ სტანდარტულ ფუნქციურ ზონებს:

შესასვლელი ტერიტორია;
დასასვენებელი ზონა;
სამეურნეო შენობების განთავსების ადგილი;
ბაღი და ბოსტნის ტერიტორია;
სათამაშო მოედანი.

გამოყოფილი ზონების რაოდენობა და მათი დანიშნულება შეიძლება განსხვავდებოდეს აგარაკის მფლობელების ცხოვრების წესის მიხედვით, გყავთ თუ არა მათ ბავშვები, ცხოველები და ასევე გასათვალისწინებელია ნაკვეთის ზომა. ამრიგად, თუ მცირე ადგილი გაქვთ, სივრცის დაზოგვის მიზნით, რამდენიმე ზონა შეიძლება გაერთიანდეს.

წინა, ანუ შესასვლელი ტერიტორია აგარაკის სავიზიტო ბარათია. როგორც წესი, ეს არის კვადრატული ფორმის ფართობი და მისთვის გამოყოფილია მთელი ტერიტორიის დაახლოებით 6%. ვინაიდან ამ ზონის მთავარი ამოცანა შესვლისა და გასვლის უზრუნველყოფაა, კარგი იქნება, თუ ამ აქ მოეწყობა მანქანების სადგომი და საცხოვრებელი სახლისკენ მიმავალი ბილიკი.

მთავარი გზა უნდა იყოს დაახლოებით 1.5 - 2 მეტრის სიგანის, რათა რამდენიმე ადამიანმა ერთდროულად შეძლოს მის გასწვრივ გადაადგილება.

ბაღის დიზაინის ელემენტები, როგორც წესი, განთავსებულია ღობის გასწვრივ შესასვლელი ტერიტორიის მიმდებარედ. ქუჩის მხრიდან გალავნის სიახლოვეს სავსებით შესაძლებელია ყვავილების და სხვა დეკორატიული მცენარეების ზონის მოწყობა, რომელიც სასიამოვნო განწყობას შექმნის სტუმრებისთვის შემოსვლისთანავე. ღობის გასწვრივ, როგორც გარეთ, ასევე ტერიტორიის შიგნით, შესასვლელი ზონის კიდეზე, შეგიძლიათ დარგოთ ფიჭვები და ნაძვები, ან ტანმაღალი ყვავილები და დეკორატიული ბუჩქები.