რა განსხვავებაა კოტეჯსა და კერძო სახლს შორის

განვსაზღვროთ რა არის სააგარაკე კერძო სახლი. კერძო სახლი შეიძლება იყოს 100 კვადრატულ მეტრამდე ნაგებობა, რომელიც ქალაქგარეთ მდებარეობს და ადამიანთა ჯგუფისთვის საცხოვრებლად არის განკუთვნილი.

კერძო სახლი, თავის თავში დიდი ფართობის შენობას გულისხმობს, რომელსაც ასევე შეიძლება ჰქონდეს დამხმარე ნაგებობები. მიუხედავად იმისა, რომ სახლის მშენებლობისას მისი არქიტექტურა მხოლოდ მფლობელის ფანტაზიაზე, სურვილებზე და ბიუჯეტზეა დამოკიდებული, კერძო სახლს მაინც აქვს განმარტება. 

აქ ადამაინები, როგორც უკვე აღვნიშნეთ, 100 კვადრატულ მეტრამდე შენობას მოიაზრებენ, ხოლო უფრო დიდი შენობებისა და კომპლექსებისთვის შეგვიძლია სხვა სიტყვები გამოვიყენოთ – მამული, ვილა და სხვა.

კოტეჯის შემთხვევაში, ყველაფერი უფრო მარტივად არის. სახლი შეიძლება მრავალფეროვანი დანიშნულების ნაგებობებისგან შედგებოდეს და ნებისმიერი ტიპის მასალა იყოს გამოყენებული მის ასაშენებლად. მაშინ როდესაც, კოტეჯის შემთხვევაში არჩევანი უფრო კონკრეტულია, სადაც ექსტერიერში ძირითადად ხისა და მინის კომბინაცია გამოიყენება.

ასევე, თუ კერძო სახლის შემთხვევაში კომუნიკაციები და ინფრასტრუქტურა მფლობელის არჩევანია, კოტეჯის შემთხვევაში ყველაფერი წინასწარ განსაზღვრულია.

მოკლე შეჯამება

• კოტეჯი კეთილმოწყობილი დიდი სახლია, რომელიც მუდმივ საცხოვრებლად არის განკუთვნილი;
  
  

• კერძო სახლი უფრო ფართო კონცეფციაა. ის შეიძლება იყოს არასაცხოვრებელი შენობა და გამოიყენებოდეს ბაღის ხელსაწყოების შესანახად ან სეზონურ საცხოვრებლად. კომუნიკაციების არსებობა, კოტეჯისგან განსხვავებით, მფლობელის არჩევანია;
  
  

• კოტეჯები, როგორც წესი, განლაგებულია დახურულ კოტეჯურ დასახლებებში. ისინი სტანდარტული პროექტებით შენდება და სახლის მიმდებარე ტერიტორია კეთილმოწყობილი აქვთ. ასევე, ასეთი სოფლების დეველოპერები ინფრასტრუქტურაზე ზრუნავენ - უზრუნველყოფენ მოასფალტებულ შესასვლელს, აშენებენ მაღაზიებს, საბავშვო ბაღებსა და სკოლებს. 

• სააგარაკე კერძო სახლი, როგორც წესი, შორს არის ასეთი ობიექტებისგან და იქამდე მისასვლელად, ზოგჯერ არაკეთილმოწყობილი გზის, მაგალითად გრუნტის ან ქვიანი გზის გავლა იყოს საჭირო.

• კოტეჯის კიდევ ერთი გამორჩეული თვისება დიდი ფართობია. როგორც წესი, ის 100 კვ. მეტრს აღემატება, ამიტომ ეს შენობა ორი, ან ორ სართულზე მეტია. მაშინ, როდესაც კერძო სახლი, თუ ის მამული ან ვილა არ არის, უფრო მომცრო ზომისაა.