დიდი ცვლილება: როდის უნდა შევიცვალოთ სამსახური?

„წარმატებისთვის ყველაზე დიდ საფრთხეს

 წარმოადგენს არა წარუმატებლობა,

არამედ მოწყენილობა.“ - ჯეიმს ქლიერი, ამერიეკლი ანტერპრენერი

თუკი სამუშაო ადგილზე მოიწყენთ, რაც იმაში გამოიხატება, რომ ყოველდღიური საქმიანობა იმაზე მალე გღლით, ვიდრე აქამდე, შესასრულებელი საქმეების კეთებას თავს არიდებთ სხვადასხვა მიზეზებით და პროკასტინაცია შემოგეჩვიათ, მოუხშირეთ სამსახურში დაგვიანებას, ადრე გინდათ ოფისიდან გასვლა ან სხვადასხვა მიზეზებს იშველიებთ სამსახურის გასაცდენად, ეს ის სიგნალებია, რომლებიც მიგითითებთ, რომ დიდი ცვლილების დრო დადგა. განვითარება მუდმივად კომფორტის ზონის მიღმაა, სამუშაო ადგილზე კომფორტულად ყოფნა გარკვეული დროის განმავლობაში კარგია, თუმცა თუკი ეს კომფორტი ადამიანს ადუნებს და ყოველი დღე ერთმანეთს ემსგავსება სამსახურში, ეს ნიშნავს, რომ ერთ ადგილზე გაიყინეთ და წინ ვერ მიდიხართ. წინსვლა და განვითარება კი ძალიან მნიშვნელოვანია, რომ სიახლეებს არ ჩამორჩეთ, გქონდეთ წვდომა უახლეს ინფორმაციაზე და დიდი ხნის განმავლობაშ ერთნაირად გაკეთებული საქმის მეთოდები შეცვალოთ თანამედროვე მიდგომებით.

ზოგჯერ ადამიანები ელოდებიან, როდის მოხდება დიდი ცვლილება მათ ცხოვრებასა თუ კარიერაში, თავად კი ამ ცვლილების მოხდენისთვის არაფერს აკეთებენ. თუკი ცვლილება გვინდა, ამისთვის აუცილებლად მოქმედებაა საჭირო და არა ლოდინი. არ არსებობს ცვლილებისთვის შესაფერისი კონკრეტული თარიღი და სეზონი, მოვლენები და ნიშნები არის სწორედ ის სიგნალები, რაც გვიჩვენებს სწორ დროს კარიერისა და ცხოვრების გამრავალფეროვნებისათვის. ზემოთ ჩამოთვლილი ნიშნები ზოგ ადამიანს ყურადღების მიღმა რჩება და ჩვეულებრივ ამბად აღიქვამს, ზოგი კი აანალიზებს, რომ ყოველდღიურობის ერთფეროვნებამ მოწყენილობა მოიტანა სამუშაო ადგილზე და აუცილებლად სჭირდება რამე, რაც კარიერულ ზრდას და მეტ გამოცდილებას მოუტანს.

რეკრუტერების გამოცდილებით, ზაფხული ის პერიოდია, როცა ყველა დასვენებაზე ფიქრობს და ახალი თანამშრომლების მოძიება უჭირთ, სამსახურის ცვლილების მსურველებმა კი სწორედ ეს დრო შეგიძლიათ გამოიყენოთ ახალი სამსახურის პოვნისთვის და ნაკლები კონკურენციის პირობებში დასაქმდეთ.

სამსახურის ცვლილებას თუ გადაწყვეტთ, შეგიძლიათ ვაკანტური პოზიციები თქვენთვის სასურველ სფეროში ss.ge-ს ვაკანსიების კატეგორიაში მოიძიოთ, ასევე ატვირთოთ თქვენი რეზიუმე და დაელოდოთ პოტენციურ დამსაქმებელს, რომ დაგიკავშირდეთ. იმ შემთხვევაში კი, თუ პროფესიის შეცვლას დაგეგმავთ, სასურველი მიმართულებით კვალიფიკაციის ამაღლებისა თუ ცოდნის მიღებისთვის ასევე ss.ge დაგეხმარებათ ტრენინგების განყოფილებაში განთავსებული კურსების მეშვეობით.