Ss.ge/jobs გვეხმარება სწრაფად და მარტივად გავავრცელოთ ინფორმაცია და აღმოვაჩინოთ სასურველი კანდიდატი - „პალიტრა L“

ადამიანური რესურსების მართვის კუთხით კომპანიების მთავარი გამოწვევა ტალანტების მოძიება და მათი შენარჩუნებაა. ამის მისაღწევად კი ერთი მხრივ, მნიშვნელოვანია, დასაქმების ბაზარს სწორად მიაწოდონ თავიანთი მოთხოვნები და მეორე მხრივ, შექმნან ისეთი კორპორაციული კულტურა, რომელიც პროფესიონალ კანდიდატებს მუდმივ ზრდასა და განვითარებაში დაეხმარება.  

პალიტრა მედია ჰოლდინგში შემავალი  ყველაზე დიდი გამომცემლობა საქართველოში, „პალიტრა L-ი“, აღნიშნული გამოწვევის საპასუხოდ კანდიდატებისთვის ქმნის მრავალფეროვან შესაძლებლობებს, რაც მათ სხვადასხვა უნარის განვითარებასა და კარიერულ წინსვლაში ეხმარება. 

„პალიტრა L“ წლებია, აქტიურად გამოსცემს როგორც ქართულ კლასიკურ და თანამედროვე ლიტერატურას, ასევე თანამშრომლობს ისეთ საერთაშორისო საგამომცემლო სახლებთან და სააგენტოებთან, როგორიცაა: Disney, HarperCollins, Penguin Random House და სხვა, რაც იმას ნიშნავს, რომ აქტიურად თარგმნის უცხოურ ლიტერატურასაც. დამატებით მასშტაბურ საერთაშორისო გამოფენებში მონაწილეობა კომპანიასა და მის თანამშრომლებს ახალ შესაძლებლობებს უხსნის.

Palitra l დღითიდღე იზრდება და ვითარდება, ბუნებრივია ამ პროცესის აქტიური ნაწილია რეკრუტინგი, ამისთვის კი კომპანია თანამშრომლობს ss.ge/jobs-თან, რისი დახმარებითაც შეუძლიათ დიდ აუდიტორიას მიაწოდონ ინფორმაცია კომპანიაში არსებული ვაკანსიების შესახებ. ეს კი ეხმარებათ, უფრო მოკლე დროში შეძლონ ტალანტების მოძიება. 

ss.ge/jobs არის მსხვილი პლატფორმა, რომელიც 40-მდე სფეროს ვაკანსიებს აერთიანებს, მათ შორის ყველაზე სპეციფიკურსაც. ვებგვერდზე შესაძლებელია ვაკანსიის გამოწერაც, რას იმას ნიშნავს, რომ დაინტერესებული პირი სიახლეებთან დაკავშირებით იღებს შეტყობინებებს. ეს კი დამსაქმებლისა და პოტენციური კანდიდატის ერთმანეთთან დაკავშირებას კიდევ უფრო ამარტივებს.   

მსხვილი კომპანიების HR გამოწვევებზე, ss.ge/jobs-თან თანამშრომლობასა და „პალიტრა L-ში“ არსებულ ვაკანსიებზე უფრო დეტალურად პალიტრა მედია ჰოლდინგის ტალანტების მოძიების სპეციალისტი სოფო ბერიკელაშვილი საუბრობს:

• დღეს, პროფესიონალი კანდიდატებისთვის მნიშვნელოვანია როგორ სტაბილური, მეგობრული და განვითარებაზე ორიენტირებული გარემო, ისე მოქნილობა და მრავალფეროვნება. საინტერესოა, როგორ უპასუხებს „პალიტრა L-ი“ აღნიშნულ ტენდენციას?

დასაქმების ბაზარი ბოლო წლებში რადიკალურად შეიცვალა. კანდიდატები მართლაც მეტად ორიენტირებულები გახდნენ მოქნილობასა და მრავალფეროვნებაზე, შესაბამისად, კომპანიებმაც დაიწყეს კორპორაციული კულტურის კიდევ უფრო განვითარება და საჭიროების შემთხვევაში, მოდიფიცირება.

„პალიტრა L“ წლებია, აღნიშნულ ტენდენციას მიჰყვება, რაც გამოიხატება იმაში, რომ  ერთი მხრივ, თვითონ ვითარდება, ფართოვდება და უკვე საერთაშორისო მასშტაბზეა გასული და მეორე მხრივ, ჩვენ ვართ ჰოლდინგის ნაწილი, რომელიც აერთიანებს სხვადასხვა საქმიანობის სფეროს, შესაბამისად, კანდიდატსაც ახალი ინტერესების შეძენისა და განვითარების მეტი შესაძლებლობა აქვს. 

• რა გამოწვევები გაქვთ პროფესიონალი კანდიდატების  მოძიების კუთხით?

ადამიანური რესურსების მართვის კუთხით კომპანიის ამოცანაა, სწორად მიაწოდოს დასაქმების ბაზარს ვაკანსიების შესახებ ინფორმაცია და დააინტერესოს შესაძლო კანდიდატები. ამასთან მნიშვნელოვანია, ინფორმაცია მიეწოდოს ფართო საზოგადოებას, რათა ვაკანსიებით დაინტერესდნენ როგორც ნაკლები გამოცდილების, თუმცა მოტივირებული და განვითარებაზე ორიენტირებული კანდიდატები, ასევე უკვე გამოცდილი პროფესიონალები.

„პალიტრა L-სთვის“ მნიშვნელოვანია როგორც მდიდარი გამოცდილების მქონე კანდიდატებთან თანამშრომლობა, ისე დამწყები სპეციალისტებისთვის შესაძლებლობების მიცემა და მათი უნარებისა და ნიჭის მაქსიმალურად გამოვლენა.

• როგორც აღნიშნეთ, უკვე აქტიურად თანამშრომლობთ SS.ge/jobs-თან. როგორ გეხმარებათ განცხადებების პლატფორმა სასურველი კანდიდატის მოძიებაში?

ss.ge/jobs მარტივად გამოსაყენებელია მომხმარებლისთვის, რაც ბუნებრივია ზრდის ვიზიტორთა რაოდენობას. პლატფორმა ძალიან გვეხმარება რეკრუტინგის პროცესში, მარტივია ვაკანსიის განთავსება, თვალს ვადევნებთ სტატისტიკას. გვეხმარება ინფორმაციის სწრაფად და მარტივად  გავრცელებაში და  დადგენილ ვადებში სასურველი კანდიდატის აღმოჩენაში. 

• რომელი ვაკანსიებია „პალიტრა L-ში“ ყველაზე მოთხოვნადი?

ჩვენთან ყველაზე მოთხოვნადი პოზიციებია:

• პროექტების ასისტენტი;

• გაყიდვების მენეჯერი;

• სოციალური მედია მენეჯერი.

აღნიშნული ვაკანსიებით დაინტერესება საკმაოდ მაღალია, დიდია კონკურენციაც. როგორც აღვნიშნე, ჩვენ ვცდილობთ, გამოვავლინოთ კანდიდატები, ვისაც მაღალი მოტივაცია აქვთ და განვითარებაზე ორიენტირებული გარემო შევუქმნათ მათ. მრავალფეროვნება კი ჩვენი ნიშაა. 

• უფრო დეტალურად, რა კრიტერიუმებს ითვალისწინებთ აღნიშნულ პოზიციებზე კანდიდატის აყვანის დროს?

გარდა პროფესიული ცოდნისა და გამოცდილებისა, გამომცემლობისთვის მნიშვნელოვანია შევარჩიოთ ისეთი ადამიანები, ვისაც უყვარს ლიტერატურა და საგამომცემლო საქმიანობა, ვისი ღირებულებებიც თანხვედრაშია კომპანიის მიზნებთან.