5 უნარი, რომელიც 2025 წელს დამსაქმებლებისთვის სასურველ კანდიდატად გაქცევთ

დასაქმების ბაზრის ტენდენციები ბოლო 5 წლის განმავლობაში სწრაფად იცვლება, რაზეც ერთი მხრივ, ზეგავლენას ახდენს სწრაფი ტექნოლოგიური განვითარება და მეორე მხრივ, პანდემიის შემდეგ კადრების  როტაცია თითქმის ყველა სფეროში. 

უკვე 2024-2025 წლებში კი ხელოვნური ინტელექტი იმდენად „შემოიჭრა“ ჩვენს ყოველდღიურ ცხოვრებაში, რომ ფაქტობრივად ჩვენი ასისტენტის როლს ასრულებს როგორც პროფესიულ საქმიანობაში, ისე პირადი ინტერესის დასაკმაყოფილებლად. შესაბამისად, უმნიშვნელოვანესია, როგორც კადრები ვადაპტირდეთ ტექნოლოგიურ სიახლეებთან, რაც უფრო კონკურენტუნარიანს გაგვხდის. 

ასევე დიდი მნიშვნელობა შეიძინა ემოციურმა ინტელექტმა, პრობლემის სწრაფად გადაჭრისა და კომუნიკაციის უნარებმაც. უფრო დეტალურად განვიხილოთ HR-ების მხრიდან ყველაზე მოთხოვნადი უნარები, რომელიც 2025 წელს რელევანტურ და კონკურენტულ კანდიდატად გაქცევთ:

1. ტექნიკური ცოდნა

ტექნოლოგიების ერაში იმდენად მნიშვნელოვანი აღარ არის, ზღვა ინფორმაციას ვფლობდეთ, როგორც ეს მაგალითად 15 და მეტი წლის წინ იყო. არამედ უნდა შეგვეძლოს მისი სწრაფად და სწორად მოძიება, დამუშავება, გაფილტვრა და გამოყენება. ამაში კი გვეხმარება ხელოვნური ინტელექტი, რომლის შესაძლებლობებიც სულ უფრო იზრდება. 

AI-სთან სწორი კომუნიკაცია დაგვეხმარება, უფრო სწრაფად და ეფექტიანად შევასრულოთ დაკისრებული მოვალეობები. შესაბამისად, აუცილებლობად იქცა საბაზისო ტექნიკური უნარების ქონა და ხელოვნური ინტელექტის სწორად ინტეგრირება ჩვენს პროფესიულ საქმიანობაში და კიდევ უფრო მოთხოვნადი გახდება დამსაქმებლის მხრიდან. 

2. ადაპტაციის უნარი 

სამუშაო ადგილზე ადაპტაციის უნარი შესაძლებლობას მოგცემთ, ეფექტიანად გამოიყენოთ თქვენი ცოდნა და პროფესიონალიზმი. ორგანიზაციის კორპორაციული კულტურის გააზრება  და გათვალისწინება შეგძენთ მოქნილობას და დაგეხმარებათ თანამშრომლებსა და ხელმძღვანელობასთან კომუნიკაციაში, რაც უმნიშვნელოვანესია დაკისრებული მოვალეობის ჯეროვნად შესრულებისთვის. 

3. სისწრაფე და მოქნილობა

სწრაფმა ურბანულმა და ტექნოლოგიურმა განვითარებამ იმდენად ააჩქარა ჩვენი ცხოვრების ტემპი, რომ ფაქტობრივად შეუძლებელია, გადადებულ საქმეებს მივუბრუნდეთ. ამასთან, თანამედროვე ადამიანის ცხოვრების წესიდან გამომდინარე პროკრასტინაცია ანუ მნიშვნელოვანი საქმეების გადადება ბევრი ჩვენგანისთვის იმდენად დიდ პრობლემად იქცა, მის დასაძლევად ზოგიერთი თერაპიასაც  მიმართავს ხოლმე. 

მნიშვნელოვანია, საკუთარ თავში ვიპოვოთ მოტივაცია, რომ შევქმნათ სწორი დღის წესრიგი და დროულად შევასრულოთ დაკისრებული მოვალეობები, რაც ნამდვილად გვაქცევს თანამედროვე შრომის ბაზრის მოთხოვნად კადრად. 

პროსკრასტინაციის დაძლევაში შემდეგი რჩევები დაგეხმარებათ:

• განსაზღვრეთ დღის მოვალეობები და პრიორიტეტები. იმისათვის, რომ საქმის გადადება ავიცილოთ თავიდან, ზუსტად უნდა ვიცოდეთ, რა გვაქვს შესასრულებელი;

• დაისახეთ რეალური მიზნები, არ დაავალდებულოთ საკუთარი თავი ისეთ რაღაცებში, რისი გაკეთებაც არ შეგიძლიათ ან ვერ მოასწრებთ;

• დააკვირდით, დღის რომელ ნაწილში ხართ უფრო პროდუქტიული;

• ეცადეთ, მთელი ყურადღება მიაპყროთ იმ ერთ საქმეს, რასაც აკეთებთ. რეალურად, სოციალური ქსელების შემოწმება საქმის დასრულების შემდეგაც შეგვიძლია;

• ყოველთვის ჩამოწერეთ შესასრულებელი და შესრულებული სამუშო და აწარმოეთ აღრიცხვა, რისი დასრულება ვერ მოასწარით და როდის გაქვთ ბოლო ვადა. 

ამასთან, ეცადეთ, იყო მოქნილი, რაც საშუალებას მოგცემთ, სწორად განსაზღვროთ პრიორიტეტები და ნებისმიერ ორგანიზაციაში შეძლოთ პროფესიული ადაპტაციის გავლა. 

4. კრეატიულობა

ხელოვნური ინტელექტის ხანაში კრეატიული უნარების ქონა კვლავ მოთხოვნადია. მიუხედავად იმისა, რომ AI-ს იდეალურად შეუძლია სხვადასხვა პროფესიის შეთავსება, იქნება ეს გრაფიკული დიზაინერი, ესეისტი, ნუტრიციოლოგი, ინფორმაციული ტექნოლოგიების სპეციალისტი და სხვა, ადამიანის მიერ შექმნილი პროდუქტი მაინც უნიკალური და უფრო კრეატიულია. 

აქედან გამომდინარე, კრეატიულობა  საშუალებას მოგვცემს, შევქმნათ რაღაც ღირებული კომპანიისთვის (რომელ სფეროშიც არ უნდა ვიყოთ) და დავნერგოთ სიახლეები. სწორად ამიტომ, აღნიშნულ უნარს HR სპეციალისტები განსაკუთრებით აფასებენ. 

რეკომენდაციები, რომელიც საინტერესო იდეების ჩამოყალიბებაში დაგეხმარებათ:

• დაიწყეთ ინფორმაციის მოძიება იმ სფეროში, რომელშიც გსურთ კრეატიული გადაწყვეტის მოფიქრება. ამაშინ დაგეხმარებათ როგორც ბიზნესლიტერატურა, ისე AI, რომელიც სწრაფად გიჩვენებთ, რა გაკეთებულა აქამდე აღნიშნული მიმართულებით, იქნება ეს პროდუქტი, სერვისი, მარკეტინგული კამპანია თუ სხვა;

• იყავით მომთმენი და არ დაუწესოთ საკუთარ თავს ლიმიტები. ნებისმიერი იდეა, თუნდაც არარეალური იყოს, დაწერეთ და დააგროვეთ რამდენიმე, რაც საშუალებას მოგცემთ, შემდეგ უფრო დახვეწოთ ან განავითაროთ ისინი. იდეა ჩაიწერეთ ნებისმიერ სიტუაციაში, ქუჩაში, კაფეში თუ მეგობართან ყოფნისას;

• იდეების გენერირებისას ეცადეთ, არ გაგეფანტოთ ყურადღება, არ „სქროლოთ“ სოციალური ქსელები და ფოკუსირდით მხოლოდ თქვენთვის მნიშვნელოვან საკითზე. 

ხოლო, თუ სამსახურის ძიების პროცესში ახლა ხართ, გაეცანით განახლებულ jobs.ss.ge -ის ვაკანსიებს და იპოვეთ სამსახური მარტივად.