როგორ ვმართოთ დრო სწორად

დროის მენეჯმენტი გულისხმობს დროის სწორად განაწილებას კონკრეტულ აქტივობებსა და პრიორიტეტებზე.

დროის სწორი მენეჯმენტი იწვევს პროდუქტიულობას,  ნაკლებ სტრესს და მეტ წარმატებას. სტატიაში გაეცნობით სამ აღიარებულ თეორიას, რომელიც დაგეხმარებათ დროის ეფექტურ მართვაში: 

1. დააკვირდით თქვენს აქტივობებს. ერთი კვირის განმავლობაში თვალყური ადევნეთ თქვენ ყოველდღიურ აქტივობებს. დროის ანგარიშის შემოწმებისას ცხადი გახდება რა დროს ხარჯავთ არაპროდუქტიულ აზრებზე, საქმეებსა თუ აქტივობებზე. ეს სავარჯიშო ასევე დაგეხმარებათ განსაზღვროთ თქვენთვის ყველაზე ნაყოფიერი დღის მონაკვეთი, რათა ყველაზე მნიშვნელოვანი პროექტები სწორედ ამ პერიოდში დაგეგმოთ.

2.  მოამზადეთ გასაკეთებელი დავალებების სია. ყოველდღიური ან ყოველკვირეული, ამოცანების სიის მომზადება დაგეხმარებათ სწორად განსაზღვროთ დრო შესასრულებელი დავალებებისათვის.

3. განსაზღვრეთ პრიორიტეტები. უპირატესობა მიანიჭეთ საქმეებს, რომელებიც მიგაახლოვებთ თქვენს მთავარ მიზანთან და დაგეხმარებათ წინსვლაში.

4. ნუ დაელოდებით ,,შესაფერის დროს“, ეს მხოლოდ დროს გააჭიანურებს და საქმეს შეაფერხებს. მნიშვნელოვანია, შეინარჩუნოთ ნებისყოფა და თავიდან აიცილოთ ყველა მოთხოვნილება, რომელიც საქმეს გაახანგრძლივებს.

5. დაუთმეთ დრო საკუთარ თავს. დროის გადანაწილებისას მნიშვნელოვანია დასვენებისათვის შესაფერისი დროის მოძებნა. თქვენი გონება და სხეული დააფასებს ამას და მეტი ენერგიით დაიმუხტებით, როდესაც  კვლავ შეუდგებით საქმიანობას. გახსოვდეთ, რომ არ არის აუცილებელი სწრაფი ტემპის შენარჩუნება მთელი კვირის განმავლობაში. 

დროის ეფექტურად მართვის ერთ-ერთი ყველაზე მარტივი მეთოდი არის 4D-ების  პრინციპი, რომელიც შექმნილია ჯეკ კენფილდის, მარკ ვიკტორ ჰანსენისა და ლეჰ ჰიუიტის მიერ. ისინი  გვთავაზობენ ამ მიდგომას მნიშვნელოვანი და ნაკლებ მნიშვნელოვანი ამოცანების განსაცალკევებლად. ასევე დროის კონტროლის დასაბრუნებლად. იგი შედგება 4 ნაწილისაგან: 

წაშლა

იმის ცოდნა თუ რა  არ უნდა გააკეთო ისეთივე მნიშვნელოვანია, როგორც იმის გადაწყვეტა-რა უნდა გააკეთო. შეგიძლიათ გააუქმოთ ყველა საქმე, რომელიც არ არის მნიშვნელოვანი. ეს სტრატეგია გამიზნულია თქვენი ცხოვრების გასაადვილებლად. საქმის მნიშვნელობის  შეფასებაში დაგეხმარებათ გააზრება იმის, თუ რისი გაკეთება შეგეძლოთ მოცემულ დროს. მნიშვნელოვანია, რომ პრიორიტეტი მიანიჭეთ შედეგზე ორინტირებულ ამოცანებს. 

უფლების გადაცემა:

უფლების გადაცემა გულისხმობს შესასრულებელი დავალებების სხვისთვის გადაბარებას. აწონეთ დავალებები, რომლებსაც სარგებელი მოაქვს თქვენი სპეციფიკური გამოცდილებიდან, იმ ამოცანების წინააღმდეგ, რომელიც ერთსა და იმავე შედეგს იძლევა, მიუხედავად იმისა, თუ ვინ აკეთებს. 

გადადება:

დროებით შეაჩერეთ დავალება, რომელიც არ საჭიროებს დაუყოვნებლივ შესრულებას. სტრატეგიის სარგებელი-ანთავისუფლებს დროს, დაუყოვნებლივ შესასრულებელი საქმისათვის. 

როდესაც ყველაფერი მნიშვნელოვანი ან გადაუდებელი ჩანს, გადაწყვეტილების მიღება, თუ რა უნდა გადადოთ მოგვიანებით, შეიძლება რთული გადასაწყვეტი იყოს. ეს პუნქტი კარგად მუშაობს აქტივობებისთვის, რომლებიც შესრულების გზას ადგას. მაგალითად, თუ გაქვთ შეხვედრა ერთი თვის შემდეგ,  დღეს არ დახარჯოთ დრო დღის წესრიგის შექმნასა და მოსაწვევების გაგზავნაზე. 

შესრულება:

იმუშავეთ დავალებებზე, რომლელთა შესრულებასაც მხოლოდ რამდენიმე წუთი სჭირდება. მცირე ამოცანების სწრაფად შესრულება ზრდის იმპულსს უფრო დიდი საქმის შესასრულებლად.  

ამ ნაწილის განსახორცილებლად მნიშვნელოვანია, რომ საქმიანობა დაიწყოთ ყველაზე მარტივით. არ დაიწყოთ სხვა საქმე, სანამ მიმდინარე საქმიანობას არ დაასრულებთ. შეგიძლიათ განახორციელოთ დევიდ ალენის პროდუქტიულობის გაუმჯობესების  2 წუთიანი წესი: თუ საქმე წაიღებს 2 წუთზე ნაკლებ დროს, გააკეთე ახლავე. დაწყების შემდეგ, თქვენ ავითარებთ ჩვევას-დაასრულოთ ყველა ის საქმე, რომელიც დაიწყეთ. ეს მეთოდი დაგეხმარებათ დავალების გაჭიანურებასთან ბრძოლაშიც. 

პომოდოროს მეთოდი:

პომოდოროს ტექნიკა არის დროის მართვის მეთოდი, რომელიც შეიმუშავა ფრანჩესკო ჩირილომ 1980-იან წლებში. მის განსახორციელებლად საჭიროა ტაიმერი, დროის სამუშაო ინტერვალებად დასაყოფად. თითოეული დროის ინტერვალი ცნობილია, როგორც პომოდორო. ეს ტექნიკა კარგია მათთვის, ვისაც სამუშაოზე კონცენრირება უჭირს.

1. შეარჩიეთ შესასრულებელი დავალება.

2. დააყენეთ ტაიმერი 25 წუთზე და ამ დროის განმავლობაში იმუშავეთ დავალებაზე.

3. დაასრულეთ მუშაობა, როდესაც ტაიმერი დარეკავს და შეისვენეთ 5-10 წუთი.

4.  სამი 25 წუთიანი მუშაობისა და განტვირთვის შემდეგ, მეოთხე 25 წუთიანი დროის ინტერვალის შემდეგ შეისვენეთ 20-30 წუთი.

5. ხანგრძლივი შესვენების შემდეგ ეს პროცესი დაიწყეთ თავიდან.

 25-წუთიანი სამუშაო სესიები არის მეთოდის ძირითადი ნაწილი, მაგრამ პომოდოროს პრაქტიკა ასევე მოიცავს სამ წესს  მაქსიმალური სარგებლის მისაღებად:

1. კომპლექსური საქმის დაშლა.

თუ შესასრულებელი საქმე მოითხოვს ოთხზე მეტ 25 წუთიან სამუშაო დროის ინტერვალს, დაყავი პატარ-პატარა სამუშაოებად.

2. პატარა დავალებები შესარულეთ ერთად.

ნებისმიერი დავალება რომელიც 25 წუთზე ნაკლებს წაიღებს, უნდა გაერთიანდეს სხვა მარტივ ამოცანებთან ერთად.

3. არ მიატოვოთ საქმე მანამ, სანამ 25 წუთი არ შესრულდება.

თუ დავალება დროზე ადრე დაასრულეთ,ისარგებლეთ დარჩენილი დროით. მაგალითად,  გადახედეთ შესრულებელ დავალებებს და მცირედით გააუმჯობესეთ.

 დროის მენეჯმენტის ეს პოპულარული მეთოდი განაპირობებს მოწესრიგებულ სამუშაო სესიებს, ხშირი მოკლე შესვენებებით, რაც ხელს უწყობს მდგრად კონცენტრაციას და გონებრივი გადაღლილობის თავიდან აცილებას. 

ეს სამი მეთოდი  დაგეხმარებათ დროის მენეჯმენტის რეგულირებაში, რომელსაც შეუძლია თქვენი პროდუქტიულობის ახალ დონეზე აყვანა.