როგორია მომხმარებლის მოთხოვნები ბინის შეძენისას 2025 წელს? - ტენდენციები

• მომხმარებელი თავად ამოწმებს, რა პროექტები აქვს განხორციელებული სამშენებლო კომპანიას და სოციალურ ქსელშივე აკვირდება, როგორია მის მიმართ კმაყოფილება.

• ბინის შეძენისას ერთ-ერთი მთავარი ფაქტორი ფასია.  SS.ge-ზე განთავსებული განცხადებების და უძრავი ქონების კალკულატორის საშუალებით მომხმარებლები ამოწმებენ, რამდენად შეესაბამება შეთავაზებული ფასი ბაზრის რეალობას - რაც მათ უფრო სამართლიან და გამჭვირვალე არჩევანს აძლევს.

გაიგე შენი ბინის ფასი რეალურ განცხადებებზე დაყრდნობით.

• ასევე, მყიდველები ამოწმებენ, არის თუ არა ქონება ჩაბარებული მუნიციპალური ინსპექციის მიერ. აღნიშნული ინფორმაცია თბილისის მერიაში მარტივად ხელმისაწვდომია და სამომავლოდ ბევრი პრობლემის თავიდან არიდების საშუალებას იძლევა. 

• ბოლო პერიოდში კითხვები ჩნდება დედაქალაქში შენობების მდგრადობასთან დაკავშირებითაც, იქნება ეს ძველი თუ ახალი აშენებული. მომხმარებლებმა აღნიშნულზე უკვე თავად დაიწყეს სხვადასხვა ინფორმაციის მოძიება.

• ბინის მეორადი ბაზრიდან შეძენისას კი  (ახალ აშენებულ, თუმცა ნაცხოვრებ სახლს), ამოწმებენ, ხომ არ არის დაგროვილი კომუნალური გადასახადები და სხვა დავალიანებები. 

ინფორმირებულობა მომხმარებლებს ეხმარება, თავიდან აიცილონ იურიდიული და ფინანსური რისკები.

როგორ აისახება მომხმარებლის მოთხოვნა უძრავი ქონების ფასებზე და რა ტენდენციებია ახლა?

უძრავი ქონების ფასზე პირდაპირ ზეგავლენას ახდენს  მოთხოვნა, ეროვნული ბანკის მონეტარული პოლიტიკა და ინფლაცია, მშენებლობის ღირებულება, ვალუტის გაცვლითი კურსი, ქვეყანაში არსებული პოლიტიკური და სოციალური ვითარება და საგარეო ფაქტორები. 

გასულ წლებში, კერძოდ 2022 წლიდან რუსეთ-უკრაინის ომის გამო საქართველოში ემიგრანტთა რაოდენობა სწრაფად გაიზარდა, რის გამოც მნიშვნელოვნად გაძვირდა გასაყიდი და გასაქირავებელი ბინების ფასი. ადგილობრივი მოსახლეობის შემოსავლები უძრავი ქონების ბაზარზე არსებულ ვითარებას ვეღარ პასუხობდა, თუმცა უცხოელების მხრიდან მაღალი მოთხოვნის გამო ფასების ზრდის ტენდენცია ნარჩუნდებოდა. ამ დროისთვის ვითარება შეცვლილია. საქართველოს ეროვნული ბანკის მიერ 2025 წელს გამოქვეყნებულ ფინანსური სტაბილურობის ანგარიშის ახლა ბაზარი მდგრადია:

 „დროთა განმავლობაში ეკონომიკური ზრდის შენელების და მიგრაციის ეფექტის ამოწურვის შედეგად ნორმალიზდა მოთხოვნის მხარე, რაც უძრავი ქონების ფასების დინამიკაზეც აისახა“.

ანგარიშში ასევე განმარტებულია, რომ მიწოდება ისევ გაზრდილ დონეზე ნარჩუნდება, რაც წინა წლებში მრავალბინიან სახლებზე მკვეთრად გაზრდილი სამშენებლო ნებართვების მოცულობითაა გამოწვეული.

საინტერესოა, რომ საქართველოში საცხოვრებელი უძრავი ქონების ბაზრის აქტივობის 60 პროცენტი თბილის ზემოდის, სადაც დაახლოებით 90 პროცენტს, საქართველოს რეზიდენტები წარმოადგენენ. ამასთან, ეროვნული ბანკის მიერ ჩატარებული უძრავი ქონების ბაზრის მდგრადობის ანალიზის თანახმად, თბილისის უძრავი ქონების ბაზარი მაღალი საგარეო მოწყვლადობით არ ხასიათდება. 

კვლევები ბაზრის დასტაბილურებაზე მიუთითებს, თუმცა საცხოვრებელი უძრავი ქონების ფასები მაინც მზარდია. საქსტატის თანახმად, 2025 წლის III კვარტალში საცხოვრებელი უძრავი ქონების ფასები 7%-ით გაიზარდა. 

საბოლოო ჯამში, მომხმარებლის მხრიდან სტაბილური მოთხოვნა საცხოვრებელ უძრავ ქონებაზე, დედაქალაქში შემცირებული მიწის ნაკვეთების რაოდენობა და ინფლაცია პირდაპირ აისახება უძრავი ქონების ფასებზე. 

რომ შევაჯამოთ, 2025 წელს მომხმარებლები სამშენებლო კომპანიებისგან ელიან:

• ეკოლოგიურად სუფთა და მწვანე გარემოს შექმნას;

• ენერგოეფექტურ შენობებს, გამართულ ინფრასტრუქტურასა და პარკინგს;

• ჭკვიან ტექნოლოგიებს, რაც პირდაპირ კავშირშია უსაფრთხოების კონტროლთან;

• სახანძრო უსაფრთხოების კომპონენტის გათვალისწინებას ყველა შენობაში;

• სერვისებისა და სავაჭრო ობიექტების სიახლოვეს;

•  განათლებასა და დასვენებაზე ორიენტირებულ უბნებს.