რატომ არის მნიშვნელოვანი დასაქმებულთა მენტალურ ჯანმრთელობაზე ზრუნვა?

განვითარებულ ქვეყნებში თანამშრომელთა ფსიქიკურ ჯანმრთელობაზე ზრუნვა განიხილება არა მხოლოდ სოციალური პასუხისმგებლობის, არამედ თანამედროვე მმართველობის ნაწილად. 

აჩქარებული სამუშაო ტემპის, ციფრულ სივრცეში აქტიური ჩართულობის, დიდი ინფორმაციული ნაკადისა თუ ურბანული სტრესის გამო, ადამიანი ყოველდღიურად განიცდის მენტალურ გადაღლას. ასეთი ემოციური მდგომარეობა აზიანებს ინდივიდებს და იქცა თანამედროვე ეკონომიკის გამოწვევადაც. 

სწორედ ამიტომ განცხადებების ყველაზე დიდი პლატფორმა საქართველოში - ss.ge იწყებს საინფორმაციო კამპანიას ფსიქიკური ჯანმრთელობის ციფრულ ჰაბთან, Inner-თან ერთად. 

ss.ge -ს მიზანია, გამოიყენოს ეს შესაძლებლობა და Inner-თან პარტნიორობით მრავალათასიან აუდიტორიას გაუზიაროს თანამედროვე გამოწვევების შესაბამისი ინფორმაცია სამუშაო ადგილზე თანამშრომელთა მენტალური ჯანმრთელობის მნიშვნელობის შესახებ. 

პარტნიორობის ფარგლებში შეიქმნება შემეცნებითი მასალები ჯანსაღი სამუშაო სივრცის შესახებ, რომლებიც Jobs.ss.ge -ის არხებში განთავსდება. 

რა სარგებელს მიიღებენ ss.ge -ის მომხმარებლები კამპანიისგან?

SS.ge-ის მარკეტინგის დეპარტამენტის ხელმძღვანელი, მარიამ გოგსაძე განმარტავს, რომ მათი მიზანია, Inner-თან თანამშრომლობით ორგანიზაციებს დაეხმაროს ჯანსაღი სამუშაო გარემოს შექმნაში, დასაქმებულებისთვის  კი - გაზარდოს სწორ ინფორმაციაზე ხელმისაწვდომობა, - „იქიდან გამომდინარე, რომ ჩვენ ჩვენი პლატფორმების მეშვეობით ხმა მიგვიწვდება იმ ადამიანებთან, ვინც ეძებს სამსახურს, გეგმავს მის ცვლილებას ან HR მიმართულებით საქმიანობს, შესაძლებლობა გვაქვს, სწორედ სამიზნე აუდიტორიას გავუზიაროთ საჭირო ინფორმაცია სამუშაო ადგილზე ფსიქიკური ჯანმრთელობის მნიშვნელობასთან დაკავშირებით. 

მოლოდინი გვაქვს, რომ ეს პარტნიორობა იქნება ნაყოფიერი და რეალურად მოემსახურება სამუშაო გარემოს გაჯანსაღებას, ცნობიერების ამაღლებასა და სიახლეების დანერგვას ორგანიზაციებში.  ეს იქნება ინფორმაციული კამპანია, რომლის ფარგლებშიც საერთო ძალებით შევეხებით ყველაზე მნიშვნელოვან საკითხებს დასაქმებულთა მენტალური ჯანმრთელობის თაობაზე“, - განმარტა მარიამ გოგსაძემ. 

საინფორმაციო და სოციალური კამპანიების  ss.ge -ის სტრატეგიული განვითარების ნაწილია, ინოვაციური ციფრული სერვისების დანერგვის კვალდაკვალ. მარიამ გოგსაძე განმარტავს, რომ კომპანია თვალს ადევნებს საჭიროებებს სხვადასხვა სფეროში და  ახორციელებს პროექტებს, რომლებიც ინდივიდებისა და ორგანიზაციების გაძლიერებას ემსახურება. 

Inner-ის თანადამფუძნებელი, ირაკლი ლომიძე ss.ge -სთან თანამშრომლობის მნიშვნელობაზე საუბრობს. მისი თქმით, კამპანიას აქვს პოტენციალი, სამუშაო ადგილზე მენტალური ჯანმრთელობის საკითხები უფრო ფართო აუდიტორიამდე მივიდეს, - „ამავდროულად ჩვენთვის მისი მთავარი ღირებულება შინაარსობრივ გავლენაშია – რამდენად დროულად, პასუხისმგებლიანად და ადამიანებისთვის გასაგებად შევძლებთ მივაწოდოთ ინფორმაცია იქ, სადაც მას რეალურად შეუძლია დადებითი ცვლილებების ინიცირება. Inner-ისთვის განსაკუთრებით მნიშვნელოვანია თანამშრომლობა ისეთ ციფრულ პლატფორმებთან, რომლებსაც ყოველდღიურად ფართო აუდიტორია იყენებს, რადგან ჩვენთვის არსებითია, რომ ფსიქიკური ჯანმრთელობის საკითხები არ რჩებოდეს მხოლოდ ვიწრო პროფესიულ ან სპეციალიზებულ სივრცეებში, არამედ სწორი და გამართული ინფორმაცია დროულად მივიტანოთ იმ აუდიტორიამდე, რომელთაც ეს მხარდაჭერა ყველაზე მეტად სჭირდება“, - აღნიშნა მან. 

ირაკლი ლომიძე განმარტავს, რომ  თანამშრომლობის მთავარი სარგებელი აუდიტორიისთვის იქნება სანდო, პროფესიულად გამართული და პრაქტიკულ საჭიროებებზე მორგებული ინფორმაციის მიღება. განსაკუთრებით მნიშვნელოვანია ის, რომ ფსიქიკური ჯანმრთელობის საკითხები წარმოდგენილი იქნება მარტივად გასაგებ, ყოველდღიურ ცხოვრებასთან და სამუშაო გარემოსთან რელევანტურ ფორმატში - აღნიშნა Inner-ის დანადამფუძნებელმა, ირაკლი ლომიძემ. 

რას მოიცავს ss.ge -სა და Inner-ის საერთო საინფორმაციო კამპანია?

კამპანიის ფარგლებში მომზადდება რამდენიმეწუთიანი ვიდეორგოლები, რომელიც მომხმარებლებს ინფორმაციას მიაწვდის სამუშაო სივრცეში მენტალური კეთილდღეობის მნიშვნელობაზე, სტრესის მართვაზე, პროფესიული გადაწვის ნიშნებზე, პირადი ცხოვრებასა და სამსახურს შორის ბალანსზე და სხვა მნიშვნელოვან თემებზე.