ტრადიციულ Renault Megane-ს ელექტრო ვარიანტი ჩაანაცვლებს

375

20.07.2022 17:12:13

კომპანია Renault-ს უჭირავს კურსი ელექტროფიცირებაზე და ნაბიჯ-ნაბიჯ უარს ამბობს ტრადიციულძრავიან ავტომობილებზე. როგორც ბრიტანული Autocar წერს, ფრანგულმა კომპანიამ უარი თქვა მოდელ Megane-ის შიგაწვისძრავიანი ავტომობილის წარმოებაზე, რომელსაც აგერ უკვე 27 წელია მასობრივად აწარმოებს.

აქტუალური მეოთხე თაობის Megane პირველად 2015 წელს გამოვიდა, მას ესპანეთისა და თურქეთის ქარხნებში აწარმოებდნენ სედანის, უნივერსალისა და ხუთკარა ჰეჩბეკის ტანით. მისი პოპუალრობის პიკი 2017 წელს დაფიქსირდა, როცა მოდელის 168 ათასი ეგზემპლარი გაიყიდა. 2020 წელს ის გეგმირუად განახლდა 2021 წელს კი მისი 70 ათასი ეგზემპლარი გაიყიდა. მოდელის გაყიდვების საუკეთესო წლად კი 2004 ფიქსირდება, როცა მისი 465,7 ათასი ეგზემპლარის რეალიზება მოხერხდა.

Megane კონვეიერს ისე დატოვებს რომ მის ადგილს ელექტრო მემკვიდრე დაიკავებს, რომელიც გასულ წელს გამოვიდა. Renault Megane E-Tech საფრანგეთში 35 ათასი ევრო ღირს.