მართვის 10 მავნე ჩვევა რომელიც თქვენს ავტომობილს აზიანებს

ავტომობილის მართვისას ნებსით თუ უნებლიედ ვუშვებთ ისეთ შეცდომებს, რომლებიც დროთა განმავლობაში ჩვენს ტრანსპორტს ვნებს. შევეცადეთ ლაკონურად ჩამოგვეთვალა იმ მინიმალური პროცესების სია, რომლებიც უმჯობესია მართვისას თავიდან ავირიდოთ და ამით გავუხანგრძლივოთ ჩვენ მანქანებს ექსპლუატაციის დრო.

N1. ხელის მუხრუჭის გამოყენება, რა თქმა უნდა მეტად მნიშვნელოვანია დაღმართზე პარკირებისას, მაგრამ მისი გამოყენება რეკომენდირებულია მაშინაც, როდესაც მანქანას სწორ ადგილზე ვაჩერებთ. თუ ხელის მუხრუჭს არ გამოვიყენებთ პარკირების შემდეგ, ავტომობილის მთლიანი მასა აწვება გადაცემათა კოლოფის ხრუტუნა მექანიზმს და დროთა განმავლობაში მწყობრიდან გამოჰყავს იგი.

N2 არის მომენტები, როდესაც ჩვენი ფინანსები მკაცრ ლიმიტებს გვიწესებს ბენზინსა თუ ავტომობილთან დაკავშირებულ სხვა და სხვა ხარჯებზე, მაგრამ უნდა გავითვალისწინოთ,რომ ავტომობილის მართვა მასში გამუდმებით მინიმალური საწვავის დონით, იწვევს პრობლემებს.

საწვავის ტუმბო, რომელიც ავზიდან ძრავამდე საწვავის მიწოდებაზეა პასუხისმგებელი,მთლიანად დაფარული უნდა იყოს ბენზინით ან დიზელით, რათა უპრობლემოდ იმუშაოს. როდესაც ჩვენ არ ვასხამთ საწვავის საკმარის რაოდენობას ჩვენს ავზში, განსაკუთრებით კი დიზელზე მომუშავე ავტომობილებში, დროთა განმავლობაში ტუმბო მწყობრიდან გამოდის. ცოტა საწვავით დაქოქვა, აალების სისტემასაც უქმნის საფრთხეს. ამიტომ ჯობს ეს ყველაფერი გავითვალისწინოთ და გამონაკლისი შემთხვევების გარდა ბენზინის დონე მინიმალურზე სულ ცოტაოდენ მაღლა მაინც დავიჭიროთ

N3 განსაკუთრებით ავტომატური გადაცემათა კოლოფის მქონე მანქანებზე, Reverse (უკუსვლიდან) Drive (წინ წასვლა) სიჩქარის ცვლილებისას აუცილებლად სრულად უნდა გავაჩეროთ ავტომობილი, რადგან თუ სიჩქარის ცვლილებისას ავტომობილი მცირეოდენ მოძრაობას მაინც განიცდის, ეს პრობლემას უქმნის გადაცემათა კოლოფს.

N4 არსებობს გავრცელებული მითი, რომ ცივ ძრავს რაც მაღალ ბრუნზე ვამუშავებთ, მით მალე გათბება. რეალობა კი ის არის, რომ მსგავსი ქცევა თქვენს ძრავს აზიანებს. რადგან ზეთი ვერ ასწრებს გათბობას, შესაბამისად ძრავის დეტალები არ არის ბოლომდე გაპოხილი და ასეთ დროს მაღალი ბრუნი ზიანის მომტანია. საუკეთესო შემთხვევაში უნდა ვაცადოთ ავტომობილს 20-30 წამი ადგილზე მუშაობა, შემდეგ დავძრათ და ვეცადოთ, რომ პირველი 15-20 წუთი არ გავზარდოთ სიჩქარე რადიკალურად.

N5 სწარფი სიარული და მძლავრი დამუხრუჭება ლოგიკურად დაკავშირებულია ერთმანეთთან. რაც უფრო დიდია სიჩქარე,მით მეტად უნდა გავზარდოთ სამუხრუჭე ძალა, რომ შევძლოთ ავტომობილის დამორჩილება.

გარდა იმისა, რომ მკვეთრი დამუხრუჭება არის სახიფათო, რადგან ხშირ შემთხვევაში ავტომობილის დამორჩილება რთულია, ასევე ამ დროს სამუხრუჭე სისტემაზე მოდის არანორმალური დატვირთვა,რაც მასში შემავალი დეტალების დროზე ადრე მწყობრიდან გამოყვანას იწვევს.

N6 მექანიკური გადაცემათა კოლოფის მქონე ატომობილის მძღოლები დამეთანხმებიან, რომ ცალი ხელი საჭეზე, მეორე კი გადაცემათა გადამრთველზე მეტად კომფორტული კომბინაციაა, მაგრამ ირკვევა, რომ ჩვენი ხელის სიმძიმე იწვევს გადაცემათა კოლოფის კომპონენტების ზედმეტ დატვირთვას, რამაც დროთა განმავლობაში შესაძლოა სერიოზულ ზიანამდე მიიყვანოს ავტომობილი.

N7 მოდით,რადგან მექანიკურ გადაცემათა კოლოფს შევეხეთ, უნდა ავღნიშნოთ, რომ მსგავსი ავტომობილით გადაადგილება საცობებში ყველა მძღოლისთვის კოშმარია. დაუსრულებლად გიწევს სიჩქარიდან სიჩქარეში გადართვა, რათა დანიშნულების პუნქტს მიაღწიო. ბევრი მძღოლი ასეთ დროს ამჯობინებს გადაბმულობის ქურო (იგივე ცეპლენია) სულ გათიშულ მდგომარობაში იქონიოს, რადგან ამ დროს უფრო სწრაფად არის შესაძლებელი სიჩქარეების შეცვლა. საქმე კი იმაშია, რომ “ცეპლენიის“  ზომაზე მეტად გათიშვა იწვევს მის დაზიანებას და მწყობრიდან გამოყვანას.

N8 როგორც ადამიანისთვის არის ზედმეტი წონა მავნებელი, ასევეა ავომობილისთვისაც. როდესაც მწარმოებლის მიერ დადგენილ ნორმაზე მეტ ტვირთს ვდებთ ჩვენს მანქანაში, ავტომატურად ვზრიდთ დატვირთვას როგორც ძრავზე, ასევე სავალ ნაწილზე და გადაცემათა კოლოფზე. ასე რომ ჯობს დავიცვათ ნორმები და მოვუფრთხილდეთ საკუთარ ავტოებს.

N9 ხელსაწყოთა პანელზე გამოსახულია გაფრთხილების სიგნალების მრავალი ტიპი. ზოგი მათგანი მეტად კრიტიკულია, ზოგიც ნაკლებად.  ზოგჯერ  რეალურად ვერ ვაფასებთ პრობლემებს,ავტომობილის მწყობრში ჩასაყენებლად ვერასდროს ვიცლით და განვაგრძობთ ავტომობილის ექსპლუატაციას იმ იმედით, რომ არაფერი სერიოზული არ დაემართება, მაგრამ აუცილებლად გასათვალისწინებელია ის ფაქტი, რომ უმნიშვნელო პრობლემაც კი შეიძლება გადაიზარდოს სერიოზულში, თუ მას  დიდი ხნის განმავლობაში არ მივაქცევთ ყურადღებას. ამიტომ, უმჯობესია მოვუსმინოთ ჩვენი მანქანის ჩივილებს და დროულად მივხედოთ მათ.

N10 სიჩქარის შემზღუდველი, ეგრეთ წოდებული „მწოლიარე პოლიციელი“ ძირითადად მონტაჟდება ისეთ ადგილებში, სადაც სწრაფად გავლა სიცოცხლისთვის საფთხის შემქმნელია, პირველი მიზეზი სწორედ ეს არის, თუ რატომ უნდა შევანელოთ სვლა ასეთ ადგილებში. მეორე კი ჩვენს ავტომობილზე ზრუნვაა, რადგან ასეთი დაბრკოლებებზე სწრაფად გადავლა საბურავებიდან დაწყებული, დაკიდების და სავალი სისტემით დამთავრებული ყველაფერს ზიანს აყენებს. ასე, რომ მართეთ ყურადღებით და დაიცავით სხვისი სიცოცხლეც და საკუთარი ავტომობილიც!