როგორ ავაწყოთ მარტივი დეკორაციები სახლისთვის?

სახლის ან ბინის დიზაინი მხოლოდ ძვირადღირებული აქსესუარებით გაფორმებას არ უკავშირდება. ხშირად, გემოვნებით გადაწყვეტილი ხელნაკეთი ნივთები ბევრად დიდ ეფექტს გვაძლევს და თან რაც მთავარია,ორიგინალური და უნიკალურია და სხვებთან მსგავს ნივთებს ვერ შეხვდებით.

მარტივი დეკორაციების აწყობა სახლში არსებული ძველი ავეჯის ან აქსესუარების რენოვაციით ან დიზაინის გადაკეთებით არის შესაძლებელი. მეორეული ნივთებისთვის ახალი სიცოცხლის შეძენა ნებისმიერი ოთახისთვის შეგიძლიათ, თუკი სახლში არ გაქვთ მსგავსი ავეჯი, შეგიძლიათ ახალზე ბევრად ნაკლებ ფასად შეიძინოთ და თქვენს გემოვნებას მოარგოთ, არჩევანში ss.ge-ს მარკეტის განყოფილებაში არსებული განცხადებები დაგეხმარებათ.

მისაღები ოთახისთვის შეგიძლიათ ხის პალეტებისგან შექმნათ ყავის მაგიდა, შეღებოთ და გააფორმოთ სხვადასხვა დიზაინით.  ან სარემონტო სამუშაოებისგან შემორჩენილი ხის ფიცრებით დეკორატიული თაროები შექმნათ და მასზე განათავსოთ როგორც ყვავილები, ასევე წიგნები ან სხვადასხვა ნივთები. ასევე, ძველებურ ხის სკამებს თუკი ფერს შეუცვლით და გამოაცოცხლებთ, სულ სხვანაირი იერსახე მიეცემათ და თანამედროვე დიზაინში თავის ადგილს აუცილებლად იპოვიან.

სამზარეულოში ძველებური ჭურჭლით შესაძლებელია სახასიათო გარემო შექმნათ და შესაბამისი ფერების შერჩევით ერთიან დიზაინში მოაქციოთ, მაგალითად - ვინტაჟურში. განათებასაც დიდი მნიშვნელობა აქვს და შეგიძლიათ სანათებს თავად შეურჩიოთ თქვენი შექმნილი ან შეკერილი აქსესუარები ან თემატური საკიდები. სამზარეულოში ასევე ჯანსაღი განწყობა შემოაქვს გამწვანებას, ამიტომ გირჩევდით თქვენივე დიზაინით შექმნილ პატარა ლარნაკებში მცირე ზომის მცენარეებიც მოათავსოთ და ესთეტიური კუთხე მოაწყოთ.

საძინებლის შემთხვევაში შეგიძლიათ ძველებური კარადის გადაღებვით სრულიად ახალი დიზაინის მქონე სათავსო მიიღოთ, შეურჩიოთ სტილი და ხასიათი თქვენს საწოლ ოთახს და სწორედ ამ ხასიათის მიხედვით გადაწყვიტოთ სხვადასხვა კუთხის მცირე დეტალებზე ყურადღების გამახვილება, მაგალითად იმ კუთხეში, სადაც ემზადებით და თქვენი თავის მოვლის საშუალებებია განთავსებული, სარკეზე განათავსოთ სხვადასხვა სტილის დეკორაციები, მაგალითად ნათურები. Კარადის ნაცვლად ასევე შეგიძლიათ ხის კონსტრუქციებით ააწყოთ საკიდი და ტანსაცმელსა და ფეხსაცმელს იქ გამოუყოთ ადგილი. Ხის კონსტრუქცია შეგიძლიათ დატოვოთ როგორც ბუნებრივ ფერში, ასევე თქვენთვის სასურველ ფერადაც შეღებოთ და შესაბამისად მოარგოთ ოთახის დიზაინს.

სააბაზანოს დიზაინიც შეგიძლიათ ორიგინალურად დაგეგმოთ და სათავსოების ნაწილზე გაამახვილოთ ყურადღება, აბაზანის ნივთების ორგანიზებას საკმაოდ მნიშვნელოვანი რესურსი სჭირდება და შეგიძლიათ სხვადასხვა სტიკერებისა თუ თემატური ფერების მიხედვით დაახარისხოთ თავის მოვლის საშუალებების სათავსოებისა და აბაზანის ჰიგიენის და დასუფთავების ნივთები, შესაბამის სათავსოს კი თავისი სახასიათო დეკორაცია მიაკრათ. Სტიკერიანი სამაგრები შეგიძლიათ ასევე გამოიყენოთ კედლის სხვადასხვა დიზაინის შესაქმნელად და საერთო კედლისგან გარკვეული ნაწილები გამოყოთ, რომელზეც შემდეგ საკიდებს მიამაგრებთ და პირსახოცების დაკიდებას შეძლებთ. Მცირე დეტალების დამატებით, სააბაზანო ოთახს სრულიად შეგიძლიათ შეუცვალოთ იერსახე, მაგალითად ე.წ. Დუშკაბინის სივრცეში ხის დეტალების შეტანით, როგორიცაა მაგალითად მცირე ზომის ხის სკამი და მასზე განთავსებული მცენარე-აქსესუარი, სრული ტრანსფორმაციის გარეშე, დეკორაციის დახმარებით გარდაქმნით სააბაზანოს მოსაწყენ გარემოს უფრო მრავალფეროვან და მოდურ სივრცედ.

საბოლოო ჯამში, სახლში თქვენ მიერ აწყობილი დეკორაციები მოგცემთ უნიკალურ ვიზუალს, რომელიც არ მეორდება სხვა სახლებში და ამასთან ერთად, შეძლებთ მნიშვნელოვანი თანხების დაზოგვასაც. საინტერესო ნივთების მოსაძებნად თუ მზად ხართ, მაშინ ეწვიეთ მარკეტის განყოფილებას და დაიწყეთ მოგზაურობა მეორეული ნივთების აღმოსაჩენად.